"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË- Kreu i Partisë Demokratike Lulzim Basha në një reagim të tretë për mediat ka bërë më dije se askush nga protesuesit nuk kishte qëllim që të kryente akte të dhunshme, por janë provokuar nga Policia.
“Ato u provokuan dhe u nxitën nga një skenar i mirëmenduar i Edi Ramës dhe i ekzekutuar nga një grusht policësh të korruptuar dhe të lidhur me krimin”, tha Basha ndër të tjera.
REAGIMI I PLOTË NGA BASHA
Siç e patë edhe ju, në veçanti ju që e njihni punën e policisë, patë një hapje të menjëhershme dhe të çuditshme të gardhit të oficerëve të policisë që mbronin perimetrin e kryeministrisë.
Kjo është qartësisht pjesë e një plani për të provokuar futjen e protestuesve në selinë e Kryeministrisë, sepse në asnjë rast policia dhe gardhi policor, edhe kur kanë presion shumë më të madh, nuk hapet në këtë mënyrë.
Pra ka patur një skenar të mirëmenduar madje të paralajmëruar nga Edi Rama për të çuar në dhunë dhe konfrontim.
Në qëndrojmë në krah të tyre dhe do të vazhdojmë të qëndrojmë në krah të qytetarëve deri në fund.
Protesta është organizuar nga ju, a keni një thirrje që ata të mos kryejnë akte dhune?
Qytetarët janë thirrur nga opozita me një qëllim të qartë politik. Qeveri tranzitore, zgjedhje të parakohshme, t’i japim fund qeverisë, që është kapur në vjedhje tek Unaza, tek Teatri, është kapur në vjedhje të votave, siç BIRN dhe Zëri i Amerikës që, në fakt, kanë meritat, por edhe ju si gazetare investigative (Klodiana Lala), demonstroni përmes fakteve të prokurorisë dhe sistemit të drejtësisë në çdo vend të Europës, kur qeveria kapet në vjedhje, ikën qeveria dhe shkon në burg hajdutët, nuk vuan populli.
Populli e ka kuptuar këtë dhe është bashkuar në një protestë më të madhen në këto 30 vite. Asnjë protestues nuk erdhi për të bërë akte dhune.
Ju e dini fare mirë se si organizohen protestat e dhunshme. Asnjë prej protestuesve këtu nuk erdhi për të kryer akte dhune. Ato u provokuan dhe u nxitën nga një skenar i mirëmenduar i Edi Ramës dhe i ekzekutuar nga një grusht policësh të korruptuar dhe të lidhur me krimin.
U bëj thirrje të gjithë efektivëve të policisë të ruajnë qetësinë sikundë, u bëj thirrje qytetarëve të vazhdojnë të rrinë të bashkuar për të drejtat e tyre.
Basha: Policia po thyen ligjin, Rama në burg ose në azil
Banorët e “Unazës së Re” kanë kaluar kordonin e policisë duke shtyrë rreshtin e parë të policëve.(lexo këtu) Më pas edhe qindra protestues janë futur drejt godinës së Kryeministrisë. Pasi i kanë vënë flakën shkallëve të godinës, disa prej tyre kanë ‘grisur’ mbrojtësen e vendosur pak ditë më parë.
Më pas ka qenë Garda e policisë ajo që ka gjuajtur me plumba manorvër dhe është policia hedhur ujë dhe gaz lotsjellës ndaj protestuesve.
Për këtë situatë kreu i PD-së Lulzim Basha është shprehur se kordoni i policisë hapi rrugën vetë protestuesve që të futeshin në Kryeministri. “
“Ministri i Brendshëm e di fare mirë që kordoni i policisë ka hapur radhët për të krijuar një skenë të tillë. Siç e shikoni rrinë duarkryq sepse kanë një skenar për të nxitur dhe për të stimuluar dhunë. Ka nisur para katër ditësh me deklarata të papërgjegjshme të Policisë, ka vazhduar gjithë mbrëmjen e djeshme, ditën e sotme, gjatë kohës që kanë qarkulluar protestuesit. Dhe tani ndërkohë që protesta filloi plotësisht në mënyrë paqësore dhe s’kam asgjë me efektivët, se efektivët kanë marrë lule nga ne në fillim të protestës. Ndërkohë me presionin më të vogël të turmës, që natyrisht që janë të irrituar sepse janë banorë të Unazës së Re, kanë shkuar për t’u prishur shtëpitë për t’u vjedhur 18 milionë euro, papritur shohim që hapet kordoni policor. Kjo do të thotë që ka një plan për të nxitur dhunë. Ka një plan për të nxitur dhunën që t’i drejtojë gishtin e akuzës opozitës dhe kjo është e papranueshme.”, u shpreh Basha teksa komentoi protestën.
Në një reagim të dytë Basha u shpreh sërish se qytetarët nuk kanë bërë asgjë, por janë provokuar nga Policia.
“Ky që shohim është një skenar. Ju e patë sesi, pas një përpjekjeje fare të lehtë nga një grup banorësh të Unazës, papritur u ça kordoni i policisë, që të përdorej dhuna, të hidhej gazi lotsjellës. Dhe e gjitha kjo që dëgjoni në altoparlant, është pjesë e një skenari kriminal të policisë, të vënë nën urdhrat e Edi Ramës, për të provokuar një gjendje të tillë. Protestuesit kishin ardhur për të demonstruar paqësisht, pa dhunë. Po flisnin qytetarët. Në qendër të sheshit po flisnin qytetarët e Unazës, po flisnin fermerët, studentët, minatorët dhe, për shkak të skenarit të tyre ogurzi, tani gjendja ka dalë jashtë kontrollit dhe nuk duket asnjë polic, askund. Nuk merr kontakt me organizatorët e protestës, por vazhdon t’i fryjë skenarit të përplasjes dhe të dhunës me këto mesazhe idiote. Policia nuk po zbaton ligjin, policia e ka thyer ligjin.”, u shpreh Basha.
J.V/Dosja.al
Tirana është boshatisur për ditët e pushimit. Cilën nga ritet e shenjta po ndiqni:
Kreu i Grupit Parlamentar të PS-së Taulant Balla ka reaguar ndaj ish-kryeministrit Sali Berisha pas deklaratave të këtij të fundit.Balla ka publikuar një foto k...
Teksa protestuesit janë futur në godinën e Kryeministrisë ka folur ish-kryeministri Sali Berisha. Ai është shprehur se Edi Rama duhet të qëndronte në zyrë dhe t...
TIRANË- Pas akteve të dhunës në protestën e opozitës ka reaguar Presidenti Ilir Meta. Në një reagim të shkurtër për mediat reagimin e tij Meta bën thirrje ...
TIRANË- Ish-kryeministri Sali Berisha nga sheshi i protestës në Tiranë, ka reaguar për mediat duke thënë se sot Shqipërinë e udhëheq populli.Më tej Berisha...
TIRANË- Partia Demokratike ka zbuluar skenarin se çfarë do të ndodh sot në sheshin para Kryeministrisë. Sipas zyrës së shtypit të PD, sot në protest...
TIRANË- Deputeti i Partisë Demorkatike, Ervin Salianji, në një postim në Facebook shkruan se protestës së opozirtës po i bashkohet edhe policia.Sipas tij f...
TIRANË- Partia Demokratike ka publikuar shifrat paraprake se sa qytetarë do të jenë në protestën e që do të shvillohet nga opozita në Tiranë. Në një njofti...
Në një intervistë për gazetarin Artin Halili të televizionit “Sot7”, 67 vjeçari Vasil Buzo tregon bisedën e tij me Lulzim Bashës dhe arsyen se përse bodi...
Ish-kreu i Gjykatës së Kasacionit, Zef Brozi i ka bërë apel të gjithë qytetarëve që do të protestojnë ditën e nesërme që jenë paqësore dhe të mos bien pre e pol...
Zv.kryeministri Erion Braçe ka reaguar pas takimi të kryetares së LSI-së, Monika Kryemadhi me strukturat e partisë që ajo drejton. (Lexo këtu)Në fjalën e...
