Politike

Presidenti Meta zhvillon një video-konferencë me përfaqësuesit e organizatës “Europa Nostra”: Më konsideroni anëtarin tuaj, shembja e Teatrit ishte e paligjshme

Presidenti Meta theksoi se shembja e paligjshme e Teatrit Kombëtar është çështje kushtetuese, e trashëgimisë historike dhe identitetit kombëtar, tashmë edhe një çështje europiane.
Featured image of article: Presidenti Meta zhvillon një video-konferencë me përfaqësuesit e organizatës “Europa Nostra”: Më konsideroni anëtarin tuaj, shembja e Teatrit ishte e paligjshme
Përditësuar:

TIRANË- Presidenti i Republikës Ilir Meta ka zhvilluar pasditen e sotme një bashkëbisedim, nëpërmjet një video-konference, me përfaqësuesit e “Europa Nostra”, Zëvendëspresidentin ekzekutiv, z.Guy Clausse, Sekretaren e Përgjithshme, znj,Sneska Quaedvlieg-Michailovic,  dhe anëtarin e bordit, Profesor Paolo Vitti.

Përmes njoftimit të raportuar nga vetë Presidenca, mësohet se Meta i ka falenderuar përfaqësuesit e “Europa Nostra”, ndaj promovimit dhe ruajtjes së trashëgimisë kulturore dhe historike të vendit tonë.

Duke u ndalur në çështjen e Teatrit Kombëtar, Presidenti Meta e falenderoi “Europa Nostra” për mbështetjen krah “Aleancës për Mbrojtjen e Teatrit” në mbrojtje të këtij kompleksi dhe gjithë zonës historike të Tiranës.

Presidenti Meta theksoi se shembja e paligjshme e Teatrit Kombëtar është çështje kushtetuese, e trashëgimisë historike dhe identitetit kombëtar, tashmë edhe një çështje europiane.

Në këtë kontekst u ra dakord për domosdoshmërinë e nisjes së një hetimi ndërkombëtar mbi këtë çështje dhe informimin e mëtejshëm të niveleve më të larta europiane.

Për më shumë bëhu pjesë e grupit më viral në Facebook, Dosja.al

Europa nuk është vetëm euro, por edhe kulturë, solidaritet, humanizëm dhe identitet. Teatri Kombëtar ishte dëshmori i parë i Bulevardit ‘Dëshmorët e Kombit’, por demokracia dhe kultura europiane do fitojë”, – u shpreh ndër të tjera anëtari i bordit të “Europa Nostra”, Profesor Paolo Vitti.

Nga sot më konsideroni edhe mua anëtarin më të ri të ‘Europa Nostra’ “, – u shpreh Presidenti Meta.

Ndërkohë sot, në sheshin e Teatrit u mbajt një tjetër protestë, ku anëtarë të Aleacnës për mbrojtjen e Teatrit Kombëtar kanaë kërkuar mbledhjen e firmave për peticionin që kërkon rindërtimin e godinës, aty ku ishte. 

Një tubim, për të njtën arsye u zhvillua edhe në Durrës, ku u proceduan regjisori Robert Budina dhe kreu i PD-së në Durrës, Ferdinant Xhaferri. 

(f.m/dosja.al)

Shto Koment