Dita e 11-të e protestave/ Pjesëmarrje rekord! Nga Rogner tek sheshi, ushton turma: Rama, jepe dorëheqjen
Dita e 11-të e protestave/ Pritet mobilizim masiv në përvjetorin e Lidhjes së Prizrenit 10 Qershor, 16:58 ...
Dita e 11-të e protestave/ Pritet mobilizim masiv në përvjetorin e Lidhjes së Prizrenit 10 Qershor, 16:58 ...
Zhdukja e Eglant Koçit/ Momenti kur Armand Shakaj mori motorin për ta fshehur, më pas u kthye në këmb...
"Rast unik në botë"/ Berisha: Ligji për zonat e mbrojtura i Ramës i heq shtetit përgjegjësinë për mbrojt...
Gjyqi në themel për Veliajn/ GJKKO shtyu seancën për shkak të mungesës së avokatëve, Gjykata pezullon af...
KUKES – Presidenti i Federatës së Futbollit, Armand Duka, zhvilloi ditën e sotme një vizitë në Kukës, ku inspektoi punimet në stadiumin e ri të këtij qyteti, i cili është një investim 50% i FSHF-së dhe 50% nga Qeveria shqiptare. Kreu i qeverisë së futbollit shqiptar ishte i shoqëruar në këtë vizitë nga kryetari i Bashkisë së Kukësit, Safet Gjici dhe nga anëtari i Komitetit Ekzekutiv të FSHF-së, Arben Dervishaj.
Presidenti Duka pa nga afër ecurinë e punimeve, ndërkohë që duhet theksuar se stadiumi ka marrë formë dhe brenda pak muajsh pritet të jetë gati. Stadiumi i ri i Kukësit do të plotësojë të gjitha kriteret që duhen për të pritur edhe ndeshje të kompeticioneve ndërkombëtare. Në prononcimin e tij gjatë inspektimit, presidenti Duka foli për problematikat që janë shkaktuar nga pandemia Covid-19, por u shpreh shumë optimist për përfundimin në një kohë të shpejtë të këtij impianti të ri modern. “Stadiumi nuk është në ritmet që kemi pritur, por asgjë nuk është në ritmet që kishim menduar të gjithë para pandemisë. Kemi kaluar një kohë të pazakontë, që ka qenë pandemia dhe krahasimisht me periudhën dhe me kohën jam i surprizuar me nivelin e punimeve sepse mendova se pandemia do ta kishte penguar më shumë. Nuk ka penguar vetëm kompaninë, ka penguar çdo gjë, në jetët tona, jo vetëm shqiptare por në të gjithë globin. Na ka penguar edhe neve, në pikëpamjen financiare kemi pasur vështirësi për ta financuar kompaninë dhe për të vazhduar me ritme akoma më të shpejta. Kemi pasur objektiv për ta mbaruar më shpejt, por gjithsesi tashmë kemi një objektiv të ri, duke u përshtatur me situatën e re që në shtator ta inagurojmë stadiumin dhe të zhvillojmë ndeshje me ekipin e Kukësit në këtë stadium”.
Gjithashtu, presidenti Duka theksoi se ka pasur një ndryshim të planit të stadiumit, ku bashkë me kryetarin e Bashkisë së Kukësit, kanë rëndë dakord që në projekt të futet edhe ndërtimi i ambienteve të stërvitjes per ekipin si dhe ambientet përpara stadiumit. “Kjo pjesë e Kukësit, sportdashësit dhe komuniteti sportiv, është me fat që Safet Gjicin, i cili është presidenti klubit dhe kryetar Bashkie dhe që në rastin konkret mendon akoma edhe më shumë për futbollin, pasi kuptohet që Bashkia ka një mijë e një probleme, ka prioritete, mbase edhe më të rëndësishme se sporti, por duke e pasur nga radhët tona kryetarin e Bashkisë, vëmendja është akoma më e madhe. Bashkë me kryetarin kemi futur në projekt rindërtimin e të gjithë zonës edhe të ambienteve të stërvitjes për ekipin. Do të ndërtojmë një infrastrukturë të plotë, një projekt zhvillimi për futbollin në Kukës dhe jo vetëm një stadium për të bërë gara. Gjithashtu, edhe me ambientet përpara, parkimin, me të gjitha gjërat, jo vetëm ato që kemi pasur si objektiv, por mendoj se është përtej ëndrrave tona më të mira ky stadium”.
Sa i përket çështjes së rikthimit të tifozëve në stadium, kreu i qeverisë së futbollit shqiptar u shpreh se kjo është një çështje që i përket strukturave të shëndetësisë, ku edhe i falënderoi për ndihmën e dhënë gjatë kësaj periudhe të vështirë. “Dëshira e çdo futbollisti, e çdo njeriu që merret me sport është të ketë spektatorë në stadium, jo thjesht për të marrë mbështetjen e tij, jo thjesht për të ndihmuar financat e tij, por për të ndikuar në jetën shoqërore të vendit. Por duke pasur parasysh se shëndeti është mbi të gjitha, ne nuk mund të insistojmë që ne duhet të kemi tifozë. Janë ata që vendosin rregullat dhe protokollet dhe që përgjigjen për ruajtjen e shëndetit tonë. Edhe njëherë e përsëris, ne tentojmë një ditë e më parë të kemi tifozë, ndërsa specialistët, mjekët që gjej edhe njëherë rastin t’i falënderoj për të gjithë ndihmën që na kanë dhënë në këtë periudhë të vështirë, duhet që edhe ata të bëjnë detyrën e tyre. Siç jemi edhe të informuar ditët e fundit, grafiku i infektimit ka rënë, jemi më pak nën kanosjen e virusit, gjithashtu, vaksinimi po vazhdon dhe të paktën të urojmë dhe të shpresojmë që në shtator të jemi me kapacitete të plota në stadiume dhe në çdo aktivitet të jetës sonë”, përfundoi presidenti Duka.
Kryetari i Bashkisë së Kukësit, Safet Gjici, falenderoi Presidentin e FSHF-së për praninë e tij në stadium ndërsa u shpreh se stadiumi do të jetë i gatshëm të presë jo vetëm ekipin e Kukësit por edhe ekipet Kombëtare të moshave. “Falenderoj presidentin e Federatës që inspekton sot stadiumin dhe një fjalë e mbajtur për ta përfunduar me kushtet standarte të UEFA-s për të luajtur jo vetëm ndeshjet e Kategorisë Superiore por edhe ndeshjet ku do të marrë pjesë ekipi i Kukësit, por pse jo dhe ekipet Kombëtare, sidomos të moshave. Siç e tha edhe Presidenti i Federatës, kishim një objektiv tjetër për ta përfunduar stadiumin, pandemia siç ka shtyrë çdo projekt, ka shtyrë dhe projektin e stadiumit. Kemi pasur vështirësi për fondet. Stadiumi po ecën me ritme të shpejta tani dhe besoj fort që në shtator do të luajë ekipi i Kukësit në shtëpinë e tij. Ne do të krijojmë ekipin e vajzave, siç është detyrim, në të njëjtën kohë do të investojmë edhe në Akademi, për të pasur edhe 2-3 fusha për ekipe nga U-7 deri tek U-21. Duke investuar me Federatën do të bëjmë të mundur ndërtimin e një akademie cilësore. Do të jetë e rëndësishme për të gjithë zonën e Kukësit, Tropojës, Hasit dhe Prizrenit”, mbylli fjalën e tij Kryetari i Bashkisë Kukës, Safet Gjici.
B.T (Dosja.al)
Rama është propozuar për president nga disa deputetë socialiste, mendoni se:
KORÇE – Nesër, për javën e 32-të të Superiores, Skënderbeu do të presë Partizanin kryesues të renditjes, ndërkohë që skuadra korçare përpëli...
BULLGARI-Gjysmëfinalja e futbollit për femra në Bullgari përfundoi me një sherr masiv. Përballja mes Baroccos dhe Pirin përfunduar me shifrat 2-1 degjeneroi në ...
TORINO-Lajme të mira vijnë nga infermieria e Juventusit në prag të ndeshjes më Milanin. Federico Chiesa dhe Alvaro Morata do të jenë të gatshëm duke bërë që tek...
ITALI – Ish-mesfushori i shquar Andrea Pirlo mund të shkarkohet nga detyra, pavarësisht nga pozicioni përfundimtar i Juventusit në tabelën e Serie A. Për “Zonjë...
ITALI – Drejtuesit e klubit të Udineses kanë sqaruar, se 26-vjeçari Rodrigo de Paul nuk është duke u shitur as te Milani apo Interi. Argjentinasi ë...
SPANJE – “Calciomercato.com” shkruan, se ardhja e Trincaos te Barcelona për 31 milionë euro nga Braga, duke u cilësuar si një supertalent, bënë që drejtue...
FRANCË-Christophe Revault, ish-portieri i Le Havre, PSG, Rennes dhe Toulouse, ka ndërruar jetë këtë të enjte në moshën 49 vjeç. Ai ishte një emër i...
ANGLI – Tashmë Messi është shndërruar në një çështje familjare për Pep Guardiolën. Si të mos mjaftojë vlerësimi i vetë trajnerit të City, është edh...
SPANJE – Eden Hazard është bombarduar me kritika nga të katërta anët, pas pamjeve që u shfaqë, ku ai u dallohej duke qeshur me dy futbollistë të Chelsea, ...
SLLOVAKI – Kanë nisur në Sllovaki, ndeshjet kualifikuese për europianin e volejbollit për meshkuj, në grupin ku bën pjesë edhe Shqipëria. Kombëtarja jonë e mesh...
