"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Presidenti Biden i bëri thirrje Senatit të shtunën të miratojë paketën e ndihmave me vlerë 1.9 trilionë dollarë që u miratua nga Dhoma e Përfaqësuesve në orët e para të ditës.
Paketa, e cila synon të ofrojë mbështetje financiare për bizneset, institucionet qeveritare si dhe miliona amerikanë, jetët e të cilëve janë prekur nga pandemia, tani do të kalojë në Senat pasi u miratua nga Dhoma e Përfaqësuesve.
“Populli i këtij vendi ka vuajtur për shumë gjatë”, tha presidenti në komentet nga Shtëpia e Bardhë para se të nisej për në shtetin e tij, Delauer, për fundjavën. “Duhet t’ua lehtësojmë vuajtjet. Këtë bën Plani Amerikan i Shpëtimit. Lehtëson vuajtjet. Tani është koha për të vepruar”, tha presidenti.
Vota në Dhomën e Përfaqsuesve
Dhoma e Përfaqësuesve miratoi paketën e re të ndihmës financiare për pandeminë e Covid-19 të presidentit Joe Biden me vlerë prej 1.9 trilionë dollarësh, që synon të ndihmojë bizneset, qeveritë dhe miliona amerikanë të dëmtuar nga pasojat e pandemisë së koronavirusit.
Ligjvënësit votuan në linja partiake në Dhomën e Përfaqësuesve të kontrolluar nga demokratët. Paketa u miratua me 219 vota kundrejt 212 sa ishin kundër. Miratimi i saj e ka vënë presidentin Biden në rrugën për fitoren e tij të parë të madhe legjislative që nga marrja e detyrës më 20 janar.
Paketa e ndihmës do të duhet të miratohet në senatin 100 anëtarësh të ndarë në mënyrë të barabartë ndërmjet demokratëve dhe republikanëve dhe nënpresidentja demokrate, Kamala Harris, ka votën vendimtare.
Demokratët, të cilët kanë epërsi të ngushtë në Dhomën e Përfaqësuesve, argumentuan se paketa është e nevojshme për të ringjallur ekonominë dhe për të luftuar pandeminë COVID-19, që u ka marrë jetën më shumë se 510 mijë amerikanëve. Republikanët kundërshtojnë koston e lartë të projektligjit.
Paketa mbulon kostot e vaksinave dhe pajisjeve të tjera mjekësore dhe siguron 1 mijë e 400 dollarë pagesa të drejtpërdrejta për shumicën e amerikanëve. Ajo siguron gjithashtu lehtësime financiare emergjente për qeveritë lokale dhe shtetërore, si dhe sektorët e biznesit të dëmtuar nga pasojat ekonomike të pandemisë, të tilla si industritë e restoranteve dhe linjave ajrore.
Paketa do të mbulojë edhe shpenzimet për përfitimet e papunësisë dhe lehtësime taksash për amerikanët me të ardhura të ulta dhe familjet me fëmijë, si dhe ofron ndihmë për bizneset e vogla.
Rritja e pagës minimale federale nga 7,25 dollarë në 15 dollarë në orë, është propozuar nga demokratët në versionin përfundimtar të paketës, por nuk ka gjasa të kalojë në senat. Ekspertja e rregullave parlamentare të Senatit tha të enjten se, sipas rregullit, propozimi duhet të hiqet nga projekt-ligji.
Vendimi nga ekspertja e rregullave parlamentare të Senatit, Elizabeth MacDonough i detyroi demokratët të kërkojnë rrugë të tjera që propozimi i pagës minimale të miratohet përballë një kundërshtimi të ashpër republikan.
Kryetarja e Dhomës së Përfaqësuesve, Nancy Pelosi, tha të premten se Demokratët nuk do të heqin dorë nga rritja e pagës minimale federale.
“Nëse nuk kalon për shkak të rregullave të Senatit, ne do të ngulim këmbë… nuk do të ndalemi derisa shumë shpejt ta kalojmë pagën minimale prej 15 dollarësh”, tha ajo në një konferencë me gazetarë.
Republikanët ishin paraprakisht kundër planit, duke e konsideruar atë me kosto të fryrë dhe një përpjekje të tepruar për të ndihmuar aleatët demokratë, si sindikatat e punëtorëve dhe shtetet e drejtuara nga demokratët.
Kjo është duke e bërë luftën politike një përballje, fituesi i së cilës do të duket nga reagimi i popullatës në këto kushte krize. Pandemia ka vrarë mbi gjysmë milioni amerikanë, ka lënë miliona njerëz pa punë dhe ka transformuar jetën e përditshme të pothuajse të gjithë amerikanëve.
Beteja po shfaqet gjithashtu si një provë e hershme e aftësisë së presidencës Biden për të ruajtur shumicën e brishtë që gëzon partia e tij në kongres – me vetëm 10 vota në Dhomën e Përfaqësuesve dhe një Senat të ndarë në mënyrë të barabartë 50 me 50.
Demokratët thonë se ekonomia ende e brishtë dhe koronavirusi që vazhdon të përhapet me egërsi kërkojnë veprim. Ata duket se janë të vendosur të përpiqen sërish për rritjen e pagës minimale dhe mund të lindin kështu debate të nxehta edhe për çështje të tjera.
Marrë nga VOA
1 vit nga zgjedhjet e 25 prillit si e shikoni gjendjen e vendit:
IRLANDË-Protesta në Irlandë, kundër masave anti-Covid është kthyer e dhunshme. Sipas TheGuardian, tre oficer policie janë plagosur në Dublin.Lajmi është ko...
FILIPINE- Dy oficerë policie në Filipine u vranë në një shkëmbim zjarri me agjentë të tjerë federal gjatë një busti të fshehtë droge, sipas CNN.Të dy oficerët, ...
BRITANIA E MADHE-Një bombë e Luftës së Dytë Botërore e gjetur në Exeter është shpërthyer ditën e sotme.Sipas DailyMail, njerëzit kanë raportuar se e kanë dëgjua...
SPANJË– Më shumë se 850 bagëti që kanë kaluar muaj me radhë në Mesdhe nuk janë më të përshtatshme për transport dhe duhet të vriten, sipas një raport...
BELGJIKË-Qendra Kërkimore Anima në Alken, në provincën e Limburg në Belgjikë, po planifikon të testojë 400 njerëz me vaksinën kineze anti-Covid.Sipas CNN,...
Në historinë e kohës tonë, dëmi politik i shkaktuar nga presidenti Donald Trump do të figurojë në mënyrë të dukshme. Por trauma e rëndë fizike, emocionale dhe e...
NASA ka publikuar pamjet e para panoramike 360 gradëshe të marra nga sonda “Perseverance” në Mars. Është imazhi i parë me rezolucion të lartë i...
SHBA– Miliarderi, Bill Gates, 65 vjeç, mori dozën e tij të dytë të vaksinës Covid një javë më parë. Por edhe pse bashkëthemeluesi i Microsoft është plotë...
KOSOVË-Ministria e Punëve të Jashtme të Kosovës Meliza Haradinaj-Stublla, ka reaguar ndaj deklaratës së zëdhënëses së Ministrisë së Punëve të Jashtme ruse,...
SHBA– Planeti është në rrezik sepse qeveritë nuk po arrijnë të përmbushin qëllimet e tyre të ndryshimit të klimës, tha të Premten Sekretari i Përgjithshëm...
