Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Gjatë fjalës së saj Vokshi tha se ky vit akademik fillon me drejtuesit e rinj të universiteteve që dolën nga zgjedhjet e qershor-korrikut ku treguan se partia e Rilindjes ka kapur dhe nivelin me te larte te shoqërisë, boten akademike dhe profesoratin.
TIRANË- Deputetja e PD-së, Albana Vokshi ka mbajtur ditën e sotme një deklaratë para mediave ku ka folur në lidhje vitin e ri akademik. Gjatë fjalës së saj Vokshi tha se ky vit akademik fillon me drejtuesit e rinj të universiteteve që dolën nga zgjedhjet e qershor-korrikut ku treguan se partia e Rilindjes ka kapur dhe nivelin me te larte te shoqërisë, boten akademike dhe profesoratin.
Sipas saj në shumicën e rasteve drejtuesit e sotëm të botës universitare janë paracaktuar të paktën 2-3 vite më parë pa garë dhe me zero konkurrencë, pa transparencë për mediat. Vokshi shtoi se intelekti i gënjeshtërt dhe grykësia drejton sot universitetet e Shqipërisë, rrëmihësit e gropës së thellë thithëse të arsimit shqiptar.
DEKLARATË PËR MEDIA DEPUTETJA E PD, ALBANA VOKSHI:
Të dashur studentë dhe pedagogë: Viti akademik fillon sot dhe Partia Demokratike ju uron vit të mbarë dhe të suksesshëm, e mbi të gjitha kurajë në përballimin e vështirësive dhe sfidave të cilat shtohen ditë pas dite në universitetet tona. Ky vit akademik fillon me drejtuesit e rinj të universiteteve që dolën nga zgjedhjet e qershor-korrikut e na treguan se partia e Rilindjes ka kapur dhe nivelin me te larte te shoqërisë, boten akademike dhe profesoratin. Në shumicën e rasteve drejtuesit e sotëm të botës universitare janë paracaktuar të paktën 2-3 vite më parë pa garë dhe me zero konkurrencë, pa transparencë për mediat (kamerat nuk u lejuan). Mbi 90% e drejtuesve rektore, dekanë e përgjegjës departamentesh) drejtojnë sot institucionet e arsimit të lartë si të preferuarit e partisë.
Rasti i Shkodrës ku kryetari i bashkisë Benet Beci angazhohet në fushatë duke u kërkuar votën pedagogëve nuk është i vetëm. Studentet që kanë marrë pjesë në zgjedhje u shprehën se u janë premtuar nota të mira në këmbim të votimit të kandidatit të panjohur, por të preferuar politik. Në zgjedhjet në universitetin e mjekësisë në Tiranë, tek largohet ish rektori Z. Arben Gjata, bashkëshortja e tij, Margarita Gjata, e paracaktuar, u zgjodh pa garë për dekane, shembull i një dukurie tjetër, nepotizmit që është shtrire dhe ne universitet e tjera. Zgjedhjet e fundit në universitete s’ janë gjë tjetër vetëm se mbërthimi politik i tyre nga pushteti i Ramës.
Aq shumë drejtues pa integritet, me probleme me drejtësinë dhe pronësinë intelektuale ka Universiteti në krye sot, saqë zgjedhjet universitare u cilësuan si zgjedhjet e bandave të hajdutëve të pronës intelektuale me tituj akademikë. Intelekti i gënjeshtërt dhe grykësia drejton sot universitetet e Shqipërisë, rrëmihësit e gropës së thellë thithëse të arsimit shqiptar.
Studentët dhe të gjithë shqiptaret sot duhet të dinë se nuk ishte një garë për rektorë e dekanë, ishte një garë plagjiaturash! Presidenti Begaj, ministrja e arsimit, Ogerta Manastirliu nuk ndërhynë dhe nuk u prononcuan as kur u denoncuan për nivelin e lartë të hajdutërisë dhe hipokrizisë intelektuale me cilësimin “Plagjiatorë të Rilindjes” duke shënuar aktin me regresiv e më të dënueshëm ne drejtimin e institucioneve që quhet shpërdorim detyre.
Po cilët ishin ata që dekretuan rektoret e përfshirë në skandale plagjiature, si rasti i Artan Hoxhës?
Presidenti Bajram Begaj me punë 100% të kopjuar nga materialet e leksioneve të Shoqatës së Mjekësisë Obstetrike të Amerikës së Veriut – siç është denoncuar jo vetëm një herë nga eksperti Muka, pak ka që ka dekretuar rektorët e rinj, duke fundosur së pari nderin dhe prestigjin e universitetit me te madh e me përfaqësues ne vend, duke goditur vlerat mirëfilli akademike e qytetare, dhe demoralizuar përfundimisht studentët e të gjithë ata që ende besojnë në drejtësi, sakrificë, profesionalizëm, ndershmëri dhe përkushtim.
Si mund te “behet” Shqipëria me shtyllën e shembur te arsimit? Pseudointelektualët jo vetëm që kanë penguar zhvillimin e elitave shqiptare dhe avancimin e universiteteve, por vazhdojnë të mbajnë monopol dhënien e gradave dhe titujve për personelin akademik për të mbajtur në hendek vlerat reale intelektuale, prandaj Shqipëria, për turpin e drejtuesve të universiteteve dhe të mbarë sistemit arsimor gjendet e fundit në rajon dhe Evropë për nivelin e arsimit dhe shkencës, e çështë më e rëndë një nga 10 shtetet në nivelin më të lartë në botë për largimin masiv të trurit. Ndërkohë, asnjë nismë e rëndësishme për thithjen e trurit dhe rritjen e cilësisë në universitet! Askujt s’i behet vone!
Zgjedhjet universitare u përmbyllën me një turp të madh: një profesoreshë u godit fizikisht deri ne përgjakje e hematoma nga shefi i saj, por asnjë mase nuk u mor. Jo vetëm shkarkim qe nuk u krye, por dhunuesi vijon te jete shef për te kryer serish te njëjtin veprim ne te njëjtin departament e ky është drejtuesi i departamentit te dhunues. Kjo ndodhi ne zemër te UT në një nga fakultetet me më peshe, fakulteti i ekonomisë. Nje kërcënim i ri, i dhunshëm e i turpshëm, deri me tani i paimagjinueshem u rri mbi koka stafeve pedagogjike universitare.
Lidhur me të dy këto skandale, atë të plagjiaturave dhe atë të dhunës barbare të ushtruar në Universitetin e Tiranës në reagime publike, edhe nga përfaqësues së strukturave drejtuese të Partisë Demokratike dhe nga përfaqësues të shoqërisë civile Universiteti i Tiranës, u cilësua si çerdhe e hajdutërisë dhe delikuentëve që ofendojnë dhe grushtojnë pedagogët dhe akti si dhune shtazarake, i pandodhur më parë nga një epror kundrejt vartëses së tij që shndërron tempullin e dijes ne arene boksi.
Edhe pse nga Partia Demokratike është kërkuar marrja e masave të menjëhershme nga titullari i Universiteti i Tiranës, qe te tilla skandale te mos ndodhin kurrë me, ende nuk ka asnjë reagim institucional, prandaj shume te fuqishme do te jene ne vijim reagimet nga Partia Demokratike për plagjiaturën e Artan Hoxhës dhe Dorina Hoxhës dhe të tjerëve dekanë e rektorë që sot udhëheqin fakultetet e universitetet shqiptare. Është detyre e PD-se për te vepruar lidhur me këto skandale intelektuale me pasoja rrënuese për jetën e vendit. Partia Demokratike ju siguron se do të ndërmarrë nismë konkrete për këtë çështje!
atird hoxha VLORË- Dega e Partisë Demokratike në Vlorë ka bërë një kallëzim në Prokurori lidhur me situatë...
Sali Berisha dhe Jamarbër Malltezi TIRANA- Avokatët e kreut të Partisë Demokratike, Sali Berisha dhe të dhëndrit t&eu...
Selia e PS-së TIRANË- Ditën e sotme është mbledhur në Kryesinë e Kuvendit, grupi parlamentar i Partisë Socialiste....
Foto ilustruese TIRANË- Ditën e sotme do të zhvillohet protesta e opozotës e cila është paralajmëruar se do të...
Foto ilustruese TIRANË- Ditën e sotme Partia Demokratike ka paralajmëruar se do të mbajë një protestë ditën e ...
Igli Hasani TIRANA- Ministri për Evropën dhe Punët e Jashtme, Igli Hasani, ka reaguar me anë të një postimi në plat...
Flamur Noka TIRANË- Sekretari i Përgjithshëm i Partisë Demokratike, Flamur Noka, ka folur për protestën e ditës së ...
Belind Këlliçi TIRANË- Drejtuesi politik i PD për Tiranën, Belind Këlliçi, ka treguar detaje nga takimi me ish-presi...
TIRANË- Vajza e kreut të Partisë Demokratike, Sali Berisha, Argita Malltezi u shpreh se nuk e kishte menduar ndonjëherë për t&eu...
Sali Berisha TIRANË- Kreu i Partisë Demokratike Sali Berisha motivoi mbështetësit e Partisë Demokratike që të ...
