Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Garda e Republikës vendosi gardh metalik pranë hyrjes kryesore në ndërtesën e Kuvendit, për ta parandaluar hyrjen e 24 deputetëve të opozitës, të cilët janë të përjashtuar përkohësisht nga pjesëmarrja në seancat e Kuvendit.
TIRANA- Pjesëtarë të përjashtuar të opozitës janë përpjekur të futen me forcë në sallën e Kuvendit të Shqipërisë, i cili u mblodh të enjten në një seancë të rregullt plenare, duke shkaktuar kaos. Garda e Republikës vendosi gardh metalik pranë hyrjes kryesore në ndërtesën e Kuvendit, për ta parandaluar hyrjen e 24 deputetëve të opozitës, të cilët janë të përjashtuar përkohësisht nga pjesëmarrja në seancat e Kuvendit.
Kuvendi i nisi punimet me deputetët e shumicës dhe me një grup të vogël deputetësh opozitarë. Por, seanca u ndërpre, pasi deputetja opozitare, Elda Hoti, hodhi një lëndë që ajo tha se ishte “aromatizues”. Kryetarja e Kuvendit, Elisa Spiropali, kërkoi përjashtimin nga seanca të tre deputetëve të opozitës, pasi ata gjithashtu grumbulluan karrige para foltores për ta penguar punën, dhe kërkoi të verifikohet se çfarë ishte lënda që hodhi deputetja, pas dyshimeve se bëhej fjalë për benzinë.
Ndërkohë, tensionet jashtë seancës u rritën me kalimin e kohës dhe këmbëngulësinë e deputetëve opozotarë për ta çarë kordonin policor, dhe me ardhjen e disa protestuesve mbështetës të opozitës. Kreu i grupit parlamentar të partisë kryesore opozitare, Partia Demokratike, Gazment Bardhi, e publikoi një video duke pretenduar se një punonjës i Forcave të Ndërhyrjes së Shpejtë “u ka drejtuar armën dy deputetëve Bledion Nallbatit dhe Luan Baçi”.
Por, Policia e Shtetit tregoi shpejt për ta hedhur poshtë pretendimin e tij, duke thënë se bazuar në Ligjin për Tubimet “asnjë punonjës policie nuk ka qenë i pajisur me armë zjarri, por vetëm me mjete mbrojtëse dhe me shkopinj gome”.
“Policia është e vendosur për të garantuar të drejtën e tubimit. Ndërkohë, do të kryejmë të gjitha veprimet hetimore dhe shtetasit përgjegjës për veprimet e dhunshme ndaj policisë do të kallëzohen në Prokurori", thotë policia.
Pas mbylljes së protestës, Flamur Noka, sekretari i përgjithshëm i Partisë Demokratike, tha për mediat se opozitën “nuk e ndal asgjë” deri në arritjen e qëllimit të saj.
"Mosbindja civile do të vazhdojë derisa të plotësohet kërkesa jonë për qeveri teknike", tha Noka.
Deputetë të opozitës, që morën pjesë në seancë, thanë se janë penguar dhe pretenduan se janë sulmuar nga punonjës të gardës. Ata tentuan ta djegin një banderolë ku shkruhej "Edi Rama Mafia" para Kuvendit, por nuk u lejuan nga punonjësit e sigurisë. Më herët, Bardhi e quajti “akt të turpshëm” vendosjen e gardhit metalik përreth ndërtesës së kuvendit.
“Kuvendi nuk është burg dhe as qeli burgu, edhe pse shumica e përfaqësuesve të mazhorancës qeverisëse duhet të ishte në burg dhe jo në atë sallë. Shqipëria bëhet kështu vendi i vetëm që, nga njëra anë, është vend anëtar i NATO-s dhe vend kandidat për në Bashkimin Evropian, dhe, nga ana tjetër, rrethon hyrjen kryesore të Kuvendit për ta mbrojtur nga deputetët 'armiq'", shkroi ai në rrjetet sociale.
Në kohët e fundit opozita në Shqipëri ka protestuar në mënyra të ndryshme për ta kërkuar largimin e partisë në pushtet të kryeministrit Edi Rama, Partia Socialiste, dhe zëvendësimin e saj me një qeveri teknike para zgjedhjeve të vitit të ardhshëm.
Deputetët – të cilët u përjashtuan më 2 tetor për një periudhë prej 10 deri në 60 ditë për shkak se dogjën ulëset e tyre në Kuvend – tentuan të hynin me forcë duke u përpjekur ta hiqnin gardhin metalik, por nuk u lejuan nga Garda. Pranë ndërtesës së Kuvendit në gatishmëri janë edhe automjete të policisë dhe zjarrfikësve, për shkak të situatave të kaluara, kur janë djegur karrige dhe disa manekinë.
Më 30 shtator, deputetë të Partisë Demokratike nxorën jashtë sallës së Kuvendit karriget e tyre dhe u vunë zjarrin në shenjë proteste ndaj burgosjes së deputetit Ervin Salianji. Ai u dënua me një vit burgim për sajimin e një audio-përgjimi. Shtetet e Bashkuara dhe Bashkimi Evropian kanë shprehur shqetësim dhe keqardhje për skenat që u panë më 30 shtator në Kuvendin e Shqipërisë dhe u bënë thirrje pushtetit dhe opozitës që të zhvillojnë dialog.
Javën e kaluar, opozita organizoi një protestë kundër burgosjes së Salianji, gjatë të cilës u hodhën mjete shpërthyese në drejtim të Kryeministrisë dhe disa objekteve tjera. Dhjetë zyrtarë policorë u lënduan si pasojë e hedhjes së molotovit, lëndëve piroteknike dhe sendeve tjera të forta. Policia ka iniciuar kallëzim penal për tre drejtues të Partisë Demokratike në lidhje me këtë protestë./ REL
Kuvendi TIRANA- Pas largimit të deputetëve të PD-së nga oborri i parlamentit si dhe protestuesve, në godinë ka mbër...
TIRANË- Grupi Parlamentar i Partisë Demokratike ka noftuar ditën e sotme se do të kallzojë në Prokurorinë e Posa&ccedi...
Adriana Kalaja TIRANË- Avokatja Adriana Kalaja ka mbajtur fjalën e saj gjatë protestës së organizuar nga opozita përballe Bas...
Tedi Blushi TIRANË- Sekretari i Partisë së Lirisë, Tedi Blushi është ndalur të flasë përballë Bashkis&eum...
Policia TIRANË- Polica e Shtetit ka reaguar menjëherë pas akuzave të deputetit të PD-së, Luan Baçi se një ng...
Flamur Noka TIRANË- Sekretari i Përgjithshëm i PD-së, Flamur Noka tha se policia sulmoi dhe goditën popullin opozitar dhe për...
TIRANË- Kreu i Gardës së Republikës Ermal Onuzi është përplasur me vartësit e tij ditën e sotme. Përpla...
TIRANË- Një punonjës i forcave speciale gjatë përballjes me protestuesit tek parlamenti i Shqipërisë, ka nxjerrë edhe ...
Tomor Alizoti TIRANË- Deputeti Tomor Alizoti, i cili mori pjesë në protestën e opozitës para bashkisë Tiranës, tha se &...
Efektivi TIRANË- Pamjet e mëposhtme janë nga momenti kur një efektiv i FNSH-s ka tentuar që t'i nxjerr armën deputetit Luan B...
