Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Çfarë ka ndodhur muajt e fundit brenda selisë së Partisë Demokratike, si nisi konflikti? Dosja.al ka sjellë një përmbledhje të të gjithë zhvillimeve brenda demokratëve.
TIRANË- Nëse ka pasur kohë të vështira për Partinë Demokratike, janë padyshim ato të muajve të fundit. E djathta shqiptare është më e përçarë se kurrë, e ndarë në tre grupe, të gjithë si drejtëza paralele që nuk gjejnë pikë të përbashkët për asgjë. E gjitha nisi më 19 maj në vitin 2021, kur lideri historik i Partisë Demokratike, Sali Berisha dhe e gjithë familja e tij u shpallën “non grata” nga Departamenti Amerikan i Shtetit. Mjaftoi një “cicërimë” nga Sekretari Amerikan i Shtetit Antony Blinken, që në selinë e PD të shënohej krisja e parë, që më pas do të shkaktonte trazira në politikën shqiptare, ndoshta si kurrë më parë.
Shkaktoi luftë brenda llojit, që deri më tani ishte parë vetëm në kampin kundërshtar kur Ilir Meta donte largimin e Fatos Nanos, e më pas kur Edi Rama bëri të njëjtën gjë, e ia doli.
I vendosur publikisht në listën e zezë të Amerikës, Berisha doli në konferencë për mediat, duke premtuar përballje ligjore me Blinken. Jo në Shqipëri! E as në SHBA, kjo për shkak të kufizimit për të shkelur në një vend që nuk i lejohet më, por në Francë. I shpallur “non grata”, por me Lulzim Bashën ende në krye të PD-së, Berisha mendonte se do t’i lihej hapësira që të qëndronte ende në selinë e partisë që e bashkëthemeloi në vitin e largët 1990. E kundërta ndodhi!
Një ditë, ose më saktë disa orë para se të gjithë të zgjedhurit e 25 prillit të betoheshin në legjislaturën e re parlamentare, ish-kryedemokrati Lulzim Basha bëri atë që pak e prisnin; Vrau babanë e tij politik! Të paktën kështu u cilësua, vetëm se nuk e kishte llogaritur mirë se babai ishte Sali Berisha.
Me një vendim, sipas tij, tepër të vështirë por edhe personal, Lulzim Basha pezulloi nga partia që liderin historik. Një vend bosh do mbetej në PD, derisa Berisha të “sqaronte punë” me Amerikën. Basha kishte planifikuar që të nesërmen e Kuvendit do të hynte në sallë pa Berishën, do fillonte të drejtonte më në fund pa Berishën mbi kokë, por ish-kryeministri i vendit mendoi ndryshe.
Duke e quajtur "nul”, të pavlefshëm vendimin pezllues të Lulzim Bashës, vendosi të rikthehet, të pastrojë "tempullin" e PD-së nda ata që i konsideroi pazarxhinj me Edi Ramën. Duke dënuar publikisht Bashën si tradhëtar, Berisha ia doli të ngrinte mitin e besëprerjes dhe tradhëtisë nga ai i që i besoi më së shumti në 9 vitet e fundit. Në opinionin publik u krijua mendimi se Basha ishte treguar shumëçka, vetëm mirënjohjes ndaj personit që i dha gjithçka kishte. Megjithatë Berisha nuk shkeli më në selinë e Partisë Demokratike… jo të paktën për disa muaj!
“FOLTORJA”- Berisha përgatitej për zgjedhje
15 shtator! Sali Berisha nis ‘foltoren’ me demokratët, si një mënyrë për të rikthyer kontaktin me bazën, sipas tij të harruar nga Lulzim Basha dhe deputetët e tij. Për muaj të tërë, deri në dhjetor, Berisha udhëtoi në çdo qytet të Shqipërisë, thuajse çdo ditë, për të arritur atë që muaj më vonë do të konsiderohej triumf; një fitore në zgjedhjet lokale të 6 marsit. Ndërkohë që Berisha dilte, fliste, akuzonte për disa “dosje të nxehta” numrin një të Partisë Demokratike, u rikthyen në vëmendje akuzat që Rama i kishte bërë dikur, nga dosja Muzin tek Toyota Yaris. Lulzim Basha që sipas Berishës ishte në marrëveshje me Ramën, nuk kishte ambicie për të qenë kryeministër, ndaj dhe e pagëzoi si; broken lider!
Si çdo mision që ka një nisje, Foltorja u ‘shua’ para 11 dhjetorit. Diçka më e madhe po vinte…
“Rrethimi i parë” i… Bashës
11 dhjetori nuk ishte rastësi! Ish-kryeministri Sali Berisha mblodhi Kuvendin Kombëtar të Partisë Demokratike, duke përcjellë një simbolikë të fortë, sepse data përkon me ditën e themelimit të Partisë Demokratike. Në stadiumin “Air Albania”, delegatët dhe mbështetësit u futën në stadiumin ‘Air Albania’ duke shkarkuar Lulzim Bashën për herë të parë kjo në historinë e tij të PD-së. Ndryshuan edhe Statutin…meqë ishin.
Pika më kryesore ishte ajo e krijimit të një Komisioni Tranzitor, Komisionit të Rithemelimi me 15 anëtarë do të ushtronte të gjitha kompetencat që i takojnë organeve të PD-së, me përjashtime të atyre që i takojnë Kuvendit Kombëtar. Kryetari zgjidhet sipas parimit “një anëtar një votë”, ndërsa më i rëndësishmi ishte i ashtuquajturi “neni Basha”. Kryetari nëse humb zgjedhjet lokale shkon në votëbesim, nëse humb ato të përgjithshmet duhet të largohet nga posti me çdo kusht.
Me të tyren, Rithemelimi dhe Berisha e kishin marrë marrë drejtimin e selisë blu. Por Kuvendi i tyre nuk u njoh nuk njihet nga drejtuesit aktualë të Partisë Demokratike. Sipas tyre, lëvizja e ndërmarrë nga ish-kryeministri nuk ka asnjë lidhje me demokratët dhe hallet e tyre, por vetëm me hallin personal të Sali Berishës, që sipas tyre donte pushtet me çdo kusht.
DHËMB PËR DHËMB, KUVEND PËR KUVEND
Më 18 dhjetor, 5 mijë e 4 delegatë (aq u pretenduan se ishin) me sloganin ‘Zgjedhim të ardhmen’ urrëzuan të gjitha vendimet e marra në Kuvendin Kombëtar të 11 dhjetorit, i thirrur nga Sali Berisha. Në Kuvendin e mbledhur në Pallatin e Kongreseve u votuan ndryshime statutore që lanë ish-kryeministrin Sali Berisha jashtë posteve drejtuese.
Por edhe persona që mund të shpallen “non grata” nga Amerika në të ardhmen. Gjithashtu u vendos edhe krijimi i Aleancës Qytetare si dhe shtoi se 20% e posteve drejtuese do të jenë për intelektualët. Në fund, në Kuvend u konsideruan ‘nul’ të gjitha vendimet e marra në Kuvendin e mbajtur në stadiumin “Air Albania”, të thirrur nga ish-kryeministri Sali Berisha, përfshirë këtu dhe shkarkimin e kryedemokratit Lulzim Basha.
GAME OF THRONES ALLA PD
Sulme politike, prapaskena dhe sharje ishin parë të gjitha në historinë e politikës shqiptare, por ajo që ndodhi më 8 Janar në selinë e PD ishte e paprecedentë! I bindur se Kuvendi tij prevalonte mbi atë të Lulzim Bashës, Berisha mori mbështetësit e tij dhe u nis drejt selisë blu, ku për shumë se 3 orë pati përplasje mes mbështetësve të tij dhe atyre që ishin brenda godinës. Ah! Dhe një detaje; si kurrë më parë, selia e PD ishte kthyer në një godinë ‘blindata’, me protokoll më të lartë sigurisë së tek “313-ta”. Dyer e dritare ishin të blinduara në çdo cep, aq sa edhe një mizë nuk mund të hynte dot. Megjithatë Berisha e provoi! Për orë të tëra godina e selisë u godit me gurë, leva, në tentativë për të hapur dyert. Ndërsa nga brenda hidhej gaz e gjuhej për ç’të ishte e mundur. Protestuesit u larguan me mbërritjen e rreshtimin e Policisë së Shtetit në oborrin e PD-së, ku 34 persona u vunë në pranga, 18 të tjerë u proceduan penalisht, mes tyre edhe sekretari i Përgjithshëm, Gazment Bardhi e deputeti Flamur Noka. Madje edhe Basha e ish-kryeministri Berisha do të merren në pyetje nga prokuroria në lidhje me ngjarjen që fatmirësisht nuk solli viktima. Vetëm thelloi çarjen që kishte nisur si një krisje brenda PD-së. Më të marrë veten nga gazi dhe dhuna, Basha mblodhi Kryësinë e PD për të përjashtuar përgjithmonë nga partia Sali Berishën dhe 8 anëtarë të Komisionit të Rithemelimit.Fatin e Berishës e kishin edhe: Bujar Nishani, Flamur Noka, Albana Vokshi, Edmond Spaho, Arben Ristani, Klevis Balliu, Rigels Muçollari dhe Keltis Kruja. Për të tjerë, pati pezullim. Shansi i rikthimit të statusit të anëtarit për ta është distancimi i plotë dhe publik nga aktet e dhunës ndaj Partisë Demokratike, dhe veprimeve që dëmtojnë interesat elektorale apo politike të Partisë Demokratike, iu dha deputetëve: Agron Shehaj; Aldo Bumci; Belind Këlliçi; Blendi Himçi; Çlirim Gjata; Edi Paloka; Edith Harxhi; Eno Bozdo; Ervin Minarolli; Genc Deromemaj; Genc Pollo; Gent Strazimiri; Ivi Kaso; Ledina Mandija; Lorenc Luka;. Luan Baçi; Mimoza Hajdrmamataj; Oerd Bylykbashi dhe Tritan Shehu.
Zgjedhjet sollën zgjidhje
Pas përplasjes në seli dhe përjashtimeve në masë ‘me shpatë’ në dorë që bëri Basha, Berisha tentoi një mënyrë tjetër për të marrë godinën. Duke fituar në zgjedhjet e pjesshme lokale të 6 marsit. Dhe ia doli! Sipas rezultatit të votave të marra nga kandidatët, rezulton se të zgjedhurit e Partisë Socialiste kanë grumbulluar në total 106.703 vota, të ndjekur nga kandidatët e “Shtëpisë së Lirisë” me 60.223 vota dhe ata të Partisë Demokratike me 26.662 vota. Berisha fitoi Shkodrën, ndërsa Basha asgjë. I fundit ne garë, Basha mundi vetëm votat e pavlefshme. Pas humbjes në zgjedhje, gjuha e Bashës ndryshoi, u bë më gjithëpërfshirëse. Por nuk arriti gjë. Zgjidhja ishte vetëm një dhe e qartë; largimi i tij!
Iku Basha, po kush do vijë?
Kryetari i Partisë Demokratike Lulzim Basha shpalli më 22 mars, pas 2 javëve pritje dorëheqjen e tij nga drejtimi i opozitës. Kur edhe deputetët e tij të besuar i dolën kundër duke i kërkuar largimin, Basha u dorëzua. Shpalli dorëheqjen në një fjalim të mbajtur para grupit parlamentar demokrat.
“…për të ndihmuar Partinë Demokratike dhe demokratët të lënë mënjanë ndasitë joparimore, i vetëdijshëm për peshën që mora mbi vete, për atë që e kam quajtur vendimin tim më të vështirë politik, kam vendosur të hedh një hap pas duke u dorëhequr nga detyra e kryetarit të PD,”- deklaroi Basha. Megjithatë deklaroi se do të mbetet mbështetës i partisë dhe se do të punojë “për ringritjen e saj”. Por që atëherë nuk është parë më në selinë e PD-së, e sporadikisht në Kuvend.
SHIHEMI NË GJYQ…
Më 25 mars, Gjykata e Tiranës njohu Kuvendin Kombëtar të Partisë Demoktatike të 11 dhjetorit. Vendimi është marrë nga gjyqtari Agron Zhukri, i cili pasi ka marrë kërkesën ka vendosur që zyrtarisht dhe ligjërisht njihen vendimet e Kuvendit Kombëtar të PD-së të mbajtur më 11 Dhjetori 2021 nga grupi i Komisionit të Rithemelimit të Partisë Demokratike. Epo mbaroi me kaq, u mendua në atë moment. Gabim! Enkelejd Alibeaj, kryetari i komantuar dhe kreu i grupit parlamentar, kërkoi që të ishtë palë në gjyq duke rihapur dhe njëherë procesin gjyqësor. Akuza dhe gjyqe të hapura, kërkohet një karrige, por Gjykata e Tiranës po vonon. Ende nuk ka një vendim të formës së prerë për kreun e PD, si për t’i hedhur më shumë benzinë zjarrit.
BASHA IKU, LE TË HEQIM ALIBEAJN
Edhe pse vetë e pranoi që Alibeaj kishte dorë të lirë në vendimmarrjen, Sali Berisha harroi dhe e cilësoi si një tradhëti të madhe çuarjen në gjyq të padisë së kreut të përkohshëm të PD-së, ndaj dhe nisi aksionin “Elemino kundërshtarët”. Alibeaj ankimoi vendimin e 25 marsit, Berisha mblodhi Kuvendin për ta shkarkuar nga detyra e kreut të grupit parlamentar. Kuvendi ngarkoi Këshillin Kombëtar të partisë për zgjedhjen dhe caktimin, së bashku me nënkryetarët, edhe të kryetarit të grupit parlamentar të PDSH, ndërsa shpalli edhe datën e zgjedhjeve. Në pamje të parë duket se donte që të largonte Alibeajn e bezdisshëm që e kishte kundër, por koha tregoi se nuk ishte kështu. Berisha donte një vend për të diskutuar për presidentin e ri dhe e dinte që në fakt socialistët do të zgjidhnin “një formulë” të ngjarshme. Krerët e grupeve flasin me njëri-tjetrin. Alibeaj me aq pushtet i prishte punë, bëri çmundi por nuk ia doli. Vetoja e PS për të mos negociuar me të, i çoi kot gjithë mundin.
UNË, AI, ASNJËANËS
Përveç ambasadores amerikane në Shqipëri, Yuri Kim, të gjithë të tjerët kanë pasur lëkundje mendimi për Sali Berishën. Ajo vazhdon dhe kërkon që të lihet pas krahëve e shkuara, por Berisha nuk tundet! Fatkeqësisht e njëjta gjë nuk mund të thuhet për deputetët demokratë, disa prej të cilëve kanë kaluar nga kahu në kah. Deri tani ka një grup të deputetëve që mbështesin Alibeajn dhe grupin tjetër që mbështet ish-kryeministrin Berisha, por në lojë është futur edhe një grup i tretë. Janë pikërisht ata deputetë, të cilët nuk janë me askënd. Presin diçka të re… Ndër ta futet edhe ish-kryedemokrati Lulzim Basha, që deri më tani nuk është shprehur.
Grupi i tretë që u degëzua rrugës përbëhet nga: Lulzim Basha; Grida Duma; Agron Gjekmarkaj; Flutura Açka; Alfred Rrushaj; Xhelal Mziu; Helidon Bushati; Greta Bardeli; Bledion Nallbati; Fation Veizaj; Tomor Alizoti; Zef Hila; Ervin Salianji dhe Ramadan Lika. E vetmja gjë është se këto emra mund të mos jenë koherentë nesër, apo pasnesër, apo kurdo. Me tempin e ndryshimeve në PD, gjërat mund të ndryshojnë me sekonda.
E TRETA, E VËRTETA?
Në zgjedhjet e djeshme, Berisha mundi rivalin e vetëm në garë, Ibsen Elezin me një diferencë të madhe votash në të gjithë qarqet. Edhe pse i shpallur non-grata nga Departamenti Amerikan i Shtetit, ai u rizgjodh me 40 mijë e 820 vota, 93.45% të tyre. 2532 vota kanë shkuar për kandidatin tjetër në garë, Ibsen Elezi, ose ndryshe 5.8% e tyre. Të pavlefshme ishin vetëm 328 vota, ndërsa 43.680 demokratë në total morën pjesë në zgjedhjet e sotme. Berisha u betua dhe u shpreh se do ta bënte Shqipërinë një vend ku të rinjtë të realizojnë ëndrrat e tyre këtu dhe të mos e shohin emigrimin si zgjidhje. Por nga ndërkombëtarët askush se uroi. Të paktën jo publikisht.
Publikisht ambasadorja amerikane, Yuri Kim; deputeti i partisë simotër në Gjermani, Gunther Krichbaum, i kanë premtuar izolim, Berisha është gati dhe nuk bën hapa pas për askënd. Këtë ka lënë të kuptohet të paktën. Me Ilir Metën që do t’i bashkohet më 25 korrik, Berisha vjedh strategjinë e kundërshtrit. Bashkimi i Metës me Ramën, e rrëzoi nga pushteti, e tani ai do të provojë të njëjtën gjë. Do ia dalë vallë?/Dosja.al
TIRANË- Ish-kryeministri Sali Berisha ka deklaruar se qeveria po përdor Amerikën për të justifikuar vjedhjet dhe konfliktin e interes...
Taulant Balla TIRANË- Deputeti socialist Taulant Balla ka komentuar akuzat për dhënien me koncesion të Parkut Kombëtar të...
Vangjel Dule TIRANË- Deputeti demokrat Vangjel Dule ka kërkuar llogari në lidhje me klipin muzikor të Elgit Dodës, Donald e Romeo ...
Kuvendi i Shqipërisë Kuvendi i Shqipërisë vendosi të enjten të shtyjë me 30 ditë afatin e zgjedhjes së Avokati...
Ilir Meta KOSOVË- Presidenti Ilir Meta ka komentuar shkurtimisht zgjedhjet në Partinë Demokratike dhe konfirmimin e Sali Berishës si li...
Ina Zhupa, Blendi Klosi dhe Edmond Spaho TIRANË- Blendi Klosi është përplasur me deputetët e Partisë Demokratike. Nga foltorj...
Nikos Dendias dhe Edi Rama TIRANË- Kryeministri Edi Rama ka zhvilluar një takim me ministrin e Jashtëm, Nikos Dendias, duke ndarë detaj...
Sali Berisha dhe Ibsen Elezi TIRANË- Ish-kandidati për kreun e Partisë Demokratike, Ibsen Elezi ka folur për përvojën e tij ...
Armela Krasniqi TIRANË- Kryetarja e Autoritetit të Mediave Audiovizive, Armela Krasniqi prezantoi sot në Kuvendin e Shqipërisë rap...
Agron Gjekmarkaj, Tritan Shehu TIRANË- Deputeti i Partisë Demokratike, Agron Gjekmarkaj i është përgjigjur përmes nj&eum...
