Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Meta gjatë fjalës së tij u shpreh se rezolutë është porosi e narko-trafikantëve. Ai më tej shtoi se Shqipëria është sot vendi i dytë në Europë për nga niveli i korrupsionit, pas Rusisë.
TIRANË- Kryetari i Partisë së Lirisë, Ilir Meta ka mbajtur ditën e sotme një deklaratë për mediat ku ka komentuar miratimin e rezolutës antikorrupsion në parlament. Meta gjatë fjalës së tij u shpreh se rezolutë është porosi e narko-trafikantëve. Ai më tej shtoi se Shqipëria është sot vendi i dytë në Europë për nga niveli i korrupsionit, pas Rusisë.
Sipas tij kjo rezolutë është një fyerje për qytetarët shqiptarë, që kanë ikur dhe që jetojnë këtu me paga skandaloze e pensione qesharake. Ai tha se qytetarët shqiptarë duhet të kenë prioritet rrëzimin e bandës së Rilindjes, që do të fusë në Shqipëri termat “prindi 1” dhe “prindi 2”.
Deklarata e Ilir Metës:
Miratimi vetëm me votat e “Rilindjes” të “Rezolutës antikorrupsion” nga Kuvendi më i korruptuar në kontinent, që qep ligje me porosi për klientët e Qeverisë, duke u kthyer në një noter të saj, ishte totalisht një farsë e dëshpëruar e një bande të korruptuarish me Edi Ramën në krye. Korrupsioni duhet ndëshkohet ashpërsisht vme të gjithë fuqinë e ligjit ndërsa tallavaja e Rezolutës është një tjetër porosi e mafies dhe e trafikantëve për t’u rënë teneqeve mediatike përmes mediave të blera nga inceneratorët.
Të luftosh korrupsionin me Rezolutë, kur ke patur 11 vjet pushtet absolute si Edi Rama dhe kur Shqipëria është e renditur në vendin e parë në Europë, pas Rusisë, për nivelin më të lartë të korrupsionit dhe e renditur si vendi i dytë në botë, pas Zambias, për nivelin e lartë të ryshfetit, është përbuzje dhe fyerje jo vetëm për 1 milion shqiptarë që kanë braktisur vendin për shkak të keqqeverisjes, por edhe për të gjithë ata që jetojnë sot këtu në kushte ekstreme varfërie dhe mbijetese.
Falë korrupsionit skizofrenik të “Rilindjes” sot jemi vendi i parë në rajon për kriminalizimin e zgjedhjeve dhe të ekonomisë, për asgjësimin e transparencës, të llogaridhënies dhe lirisë së fjalës, për kapjen e institucioneve të pavarura dhe sidomos të drejtësisë, për nivelin mizerabël të pagave dhe të pensioneve, për çuarjen në prag falimenti të bujqësisë dhe blegtorisë, aq sa jemi i vetmi vend ku Bashkimi Europian ka ndërprerë fondet e IPARD-it për shkak se fondet e bujqësisë i çoi tek inceneratori, si edhe për korruptimin e ndërkombëtarëve.
Ndërkohë Edi Rama, ideatori dhe përfituesi kryesor i korrupsionit të shfrenuar në çdo qelizë të pushtetit, kërkon konsensus nga opozita për luftën kundër korrupsionit. Kryehajduti i Shqipërisë, me rezolutën e tij kërkoi të bëjë bashkë hajdutët me të vjedhurit, kriminelët me viktimat e tyre.
“Rilindja” që gllabëron miliarda euro me aferën e inceneratorëve, me koncencione, me mijëra tendera sekretë, PPP dhe rrugë të florinjta, që ka vendosur nën kontroll absolut institucionet e drejtësisë duke i kthyer në shtojca të mazhorancës aktuale që veprojnë vetëm me regji për të garantuar pandëshkueshmërinë e Edi Ramës, përgjegjësit dhe përfituesit të korrupsionit të përbindshëm shtetëror, nuk mund të kërkojë konsensus për këto krime.
Rezoluta e miratuar dje është një tjetër poshtërim i Edi Ramës ndaj të ashtuquajturës reformë në drejtësi që punon vetëm me diktat dhe regji. Çdo veprim i drejtësisë të re ka qenë shumë i vonuar, selektiv dhe vetëm si rezultat i presion i denoncimeve të forta dhe konkrete të opozitës. Sot në Shqipëri është vetëm opozita që lufton korrupsionin, me fakte, me prova dhe me denoncime konkrete dhe perballe eshte nje drejtesi qe ka lidhur duart, qe mbyll ceshtjet, qe i zvarrit duke i sherbyer korrupsionit e jo duke luftuar.
Asnjë kompromis nuk mund të kishte dhe nuk mund të ketë me këtë monstër të korrupsionit. E vetmja rrugë për afruar Shqipërinë me Bashkimin Europian është beteja deri në fund me këta hajdutë të diskredituar dhe shkulja nga rrënjët e këtij regjimi të kalbur, armikut më të egër të lirive, të drejtave dhe dinjitetit njerëzor, por edhe të interesave kombëtare të mbarë shqiptarëve.
Korrupsioni luftohet vetëm në një mënyrë, që Edi Rama, Erion Veliaj dhe banda “rilindase” e “Prindit 1” dhe “Prindit 2” të marrë ndëshkimin e merituar për të gjitha krimet korruptive miliardere. Çdo rrugë tjetër është ortakëri me korrupsionin dhe hajdutët, është prostitucion politik, si dhe tradhëti ndaj shqiptarëve në Shqipëri dhe gjithë atyre që kanë lënë këtë vend për shkak të krimeve që ka kryer “Rilindja” në vendin tonë.
Ilir Meta TIRANË- Presidenti i Partisë së Lirisë, Ilir Meta ka mbajtur një konferencë për shtyp ku foli në lidhje...
fatmir xhafaj, altin dumani TIRANË- Gazetarja Klodiana Lala ka komentuar rezolutën antikorrupsion dhe ngritjen e një Komisioni të Posa...
Gazmend Bardhi, Edi Rama TIRANË - Një përplasje e regjistruar gjatë seancës së djeshme plenare në Kuvend, mes ministres ...
TIRANË -Kryetari i Komisionit hetimor për “TIMS”, Ervin Salianji ka thirrur për të dëshmuar ministrin e Brendshëm, T...
Në tunelin e Llogarasë kanë përfunduar afro 88% e punimeve. Ka përfunduar puna për betonimin e tunelit kryesor në të g...
Edi Rama TIRANË- Kryeministri Edi Rama ka mbajtur fjalën e tij gjatë marrëvëshjes që Universiteti Bujqësor i Tiranë...
Belind Këlliçi TIRANË - Ish-kandidati për bashkinë e Tiranës, Belind Këlliçi gjatë fjalë së...
Tedi Blushi TIRANË - Sekretari i Përgjithshëm i Partisë së Lirisë Tedi Blushi ka deklaruar nga protesta se Bashkia e Tiran&eu...
Klevis Balliu TIRANA- Koordinatori rajonal i Tiranës për Partinë Demokratike Klevis Balliu në fjalën e tij në protest&eu...
Dorian Teliti TIRANË - Nënkryetari i Këshillit Bashkiak, Dorian Teliti, ka mbajtur fjalën në protestën që po zhvill...
