Lokalet 2023, Rama mbledh Kryesinë për 3 orë: Koalicion vetëm me qytetarët, i duam të gjitha Bashkitë. Presim fakte të reja për lobimet ruse

Edi Rama

TIRANË- Kryeministri Edi Rama e ka një synim edhe për këto zgjedhje lokale. Në një prononcim për media pas mbledhjes së Kryesisë së Partisë Socialiste, Rama tha se i do të 61 bashkitë. 

Pyetje: Zgjedhjet lokale, sa Bashki synoni?

Rama: Të gjitha.

Edi Rama

TIRANË- Kryeministri Edi Rama ka vazhduar me akuzat ndaj deputetëve demokratë Edi Paloka dhe Bujar Leskaj. Në një prononcim për mediat, kryeminstri Edi Rama tha se e kishte dalluar që të dy ishin të dehur pasi ua kishte ndjerë erën e alkoolit. 

"Nuk kam njohur asnjë të dehur që të pranojë se është i dehur. Ata janë bedelë. Me kuptimin e plotë të kësaj fjalë. Janë bedelë se sot është dita për t'i thënë përgjigje një pyetje; pse paratë ruse u derdhën tek kjo parti për të rrëzuar qeverinë e këtij vendi? Besoj se edhe për një parti të opozitës, qeveria duhet të jetë më e rëndësishëm për paratë ruse. Askush nuk çohet dhe të thotë është turp e PD. Nuk u distancua asnjë, jo se kanë marrë para, por se janë bedelë. Në momentin që nuk vënë interesin e vendit të vetë, atëherë janë të paatdhe. Ju gjykoni sa etik apo jo është fjalori im. E dallova që ishin dehur se për pak u deha dhe unë nga alkooli që kishin pirë. Vetëm të dehurit mund të flasin me atë gjuhë në mes të një mexhelisi që quhet Kuvend,"-tha Rama.

Komenti i Ramës vjen pas vendimit të dorëzimit të kërkesës së Partisë Socialiste në Kuvendin e Shqipërisë për ta përjashtuar Edi Palokën dhe deputetin Bujar Leskaj për 10 ditë nga seancat plenare. Ata akuzohen nga Partia Socialiste, se kishin hyrë të alkoolizuar në seancë. Të dy deputetët e kanë mohuar një gjë të tillë, duke u shprehur se ishin të gatshëm të bënin testet e nevojshme për të hedhur poshtë aludimet ndaj tyre. 

Edi Rama

TIRANË- Akuzat për projektin e portit të Durrësit, Edi Rama i ka cilësuar barbare, të shëmtuara dhe ordinere, por nuk ka dhënë asnjë përgjigje se kush do i shpronësojë qytetarët për nisjen e investimeve. Në fjalën e tij, pas mbledhjes së Kryesisë, teksa pyetej nga gazetarja e Syri.tv, Ambrozia Meta, Rama nuk u përmbajt e u shpreh se nuk do të merrret me llumin e nxjerrë nga non gratat dhe sqaron se shteti shqiptar ka marrë 33% të aksioneve. Por nuk tregon se kush i ka aksionet e tjera të kompanisë, duke shtuar se gjithçka do të sqarohet me kohën.

PRONONCIMI PËR MEDIAT: 

Pyetja e Syri.tv: Dje maxhoranca miratoi portin e Durrësit, jeni në dijeni kush i zotëron 60% të aksioneve që do marrin portin?

Rama: Kam parë shumë gjëra të shëmtuara. Kjo ëhstë një prej tyre. Marrja nëpër gojë në mënyrë skizofrenike, të ulët të një personaliteti. Një non gratë dhe një llum çdo ditë ndot me prodhimin e tij veshët dhe sytë e shqiptarëve.

Kush i ka 60% të aksioneve, nuk është thashethem?

Rama: Nuk merrem me këto konvulsione injorante. Po iu them që nuk kemi miratuar asgjë. Kemi futur për diskutim me procedurë të përshpejtuar një marrëveshje strategjike se është e mirë për ty, për familjen tëndë. Sjell një investim prej 2 miliardësh, por transformon përgjithmonë imazhin dhe industrinë tonë kryesore që është turizmi. Si mundet ndërkohë që të gjitha këto pyetje "çfarë, çfarë, çfarë" janë legjitime se i kemi shpjeguar një pjesë të tyre. Një investim i ngjashëm që është bërë në Beograd ka sjellë një impakt të jashtëzakonshëm dhe aty kemi marrë edhe 1% aksione më shumë sesa kanë marrë ata. Këto muhabete pazari tek gabi, i bëni në kafe. Këto janë diskutime që do bëhen dhe ju do i dëgjoni. Ngritja e akuzave dhe derdhja e këtij llumi është një turp i madh. Marrëveshja është nënshkruar publikisht dhe do të jetë aty, do ketë për diskutime, për të parë detajet. Fillimi i ndërtimit do të thotë vende pune. Por kujt ti flasësh? Non gratës.

Do i marrë përsipër shteti shpronësimet?

*Rama nuk jep përgjigje

Si do të bëhet shpronësimi?

Rama: Folëm gjatë për këtë se nuk jam këtu për të humbur kohë për kolvuksionet e injorancës. është e pabesueshme që ndodh e njëjta gjë. Dhunë, dhunë, dhunë. Nuk jam në interpelancë për portin e Durrësit. Nuk rri t'u jap përgjigje pyetjeve të non gratave që vijnë përmes teje.

Edi Rama

TIRANË- Kryeministri Edi Rama mohoi aludimet se në zgjedhjet vendore do të ketë një koalicion. I pyetur mbi këtë çështje nga gazetarët jashtë selisë së Partisë Socialiste, Rama tha i prerë se koalicioni i vetëm do të jetë me qytetarët. 

Pyetja: A do keni koalicion në zgjedhje?

Rama: Me qytetarët vetëm.

Kjo deklaratë u tha nga kreu i Qeverisë në përfundim të mbledhjes së kryesisë së Partisë Socialiste. 

Edi Rama

TIRANË- Përfundon mbledhja e Kryesisë së Partisë Socialiste. Kryeministri Edi Rama, në një komunikim për mediat, bën të ditur se në takim kanë biseduar për ecurinë e dialogut me drejtuesit e qarqeve. Po ashtu, ai shtoi se pjesë e bisedës ishte dhe projeksioni për vitin e ardhshëm. 

'Kemi bërë një diskutim lidhur me ecurinë e këtij dialogu që nuk zhvillohet vetëm kur shkoj unë por në vazhdim me drejtuesit e qarqeve. Natyrisht që kemi folur edhe për projeksionin e vitit të ardhshëm ku një moment shumë i rëndësishëm janë zgjedhjet vendore.'- tha Rama.