“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Përmes një deklarate për mediat, Blushi u shpreh se mijëra shqiptarë u ngritën për të shpallur fundin e një sistemi, i cili mbahet në këmbë nga krimi dhe terrori policor.
TIRANË- Sekretari i Përgjithshëm i Partisë së Lirisë, Tedi Blushi ka folur në lidhje me protestën kombëtare të opozitës, e cila u zhvillua ditën e djeshme. Përmes një deklarate për mediat, Blushi u shpreh se mijëra shqiptarë u ngritën për të shpallur fundin e një sistemi, i cili mbahet në këmbë nga krimi dhe terrori policor.
Ai tha se Partia e Lirisë dënon me forcën më të madhe dhunën kriminale të ushtruar ndaj protestuesve paqësorë. Vijimi i protestave të pandalshme domosdoshmëri jetike për të ardhmen europiane të vendit, e cila sipas tij mbahet peng nga Edi Rama dhe struktura kriminale që ka marrë peng të gjithë shtetin.
Në fund, Blushi tha se Partia e Lirisë është sot forca poltike më e agresuar e Narkoregjimit, Presidenti i së cilës, Ilir Meta, vijon të qëndrojë i burgosur politik pa asnjë provë dhe fakt penal kundër tij.
Deklarata e plotë:
22 Marsi i Demokracisë u shndërrua mbrëmë në një ditë triumfi të Lirisë, në ditën e përballjes me Narkodiktaturën e Edi Ramës, që ka humbur çdo legjitimitet shteteror, politik dhe njerëzor duke u identifikuar qartë dhe diskredituar para gjithë botës si një regjim policor, i inkriminuar dhe kleptokratik, armik i lirive, të drejtave dhe dinjitetit njerëzor, por edhe i pluralizmit politik dhe demokracisë.
Mijëra shqiptarë nga Tirana dhe të katër anët e vendit u ngritën mbrëmë në këmbë me guxim e kurajë për të shpallur fundin e një sistemi të kalbur që mbahet në këmbë vetëm nga krimi dhe terrori shtetëror policor.
Mirënjohje të thellë për çdo qytetar që i dha një goditje të fortë pushtetit të degraduar të Edi Ramës, duke dëshmuar se ky popull nuk e pranon kurrë si normalitet korrupsionin, varfërinë, padrejtësinë dhe mashtrimin e përditshëm.
Shqiptarët janë gati për çdo sakrificë dhe për të paguar çdo çmim për Lirinë, për të çliruar Shqipërinë nga një organizatë kriminale që me korrupsionin dhe inkriminin e saj ka bllokuar jo vetëm integrimin europian, por ka marrë peng edhe të ardhmen e vendit.
Partia e Lirisë dënon me forcën më të madhe dhunën kriminale të ushtruar ndaj protestuesve paqësorë, rrëmbimet e turpshme të qytetarëve dhe minorenëve, si dhe agresionin e organizuar ndaj liderit të opozitës, Prof. Dr. Sali Berisha dhe deputetëve të opozitës.
Mediat më prestigjioze botërore kanë përcjellë masivisht situatën shumë të rëndë që ndodhi dje në protest, akte kriminale të një Narkodiktature që ka hyrë në fazën më të errët, ku ligji është zëvendësuar nga dhuna ndërsa shteti nga një organizatë kriminale, që ka tmerr edhe nga liria e fjalës dhe që dje shkarkoi nga puna gazetarin e pavarur, Ilir Babarmo, vetëm pse kritikoi hapur vjedhjen monstruoze të Edi Ramës, Belinda Ballukut dhe gjithë Qeverisë.
Ky terror i hapur është prova më e qartë e panikut që ka kapluar Edi Ramën dhe klikën e tij. Një pushtet që trembet nga qytetarët e vet është një pushtet i rrëzuar, destinacioni i të cilit është vetëm fundi dhe shkërmoqja nën këmbët e sovranit. Mijëra shqiptarë nga mbarë vendi treguan dje se populli është gati të marrë në duar fatet e tij, për të rikthyer lirinë dhe dinjitetin e nëpërkëmbur dhe për të ndërtuar një të ardhme të lirë nga frika dhe padrejtësia.
Vijimi i protestave të pandalshme domosdoshmëri jetike për të ardhmen europiane të vendit, e cila mbahet peng nga Edi Rama dhe struktura kriminale që ka marrë peng të gjithë shtetin, që ka deformuar vullnetin e qytetarëve dhe vijon të mbajë pushtetin përmes dhunës, korrupsionit, frikës dhe propagandës.
Me një regjim që nuk dëgjon, nuk reflekton dhe që çdo ditë thellon paligjshmërinë dhe grabitjen ndaj qytetarëve, përballja është e vetmja rrugë. Vetëm përmes qëndresës paqësore, të bashkuar dhe të pandalur, mund të rikthehet liria dhe demokracia e vërtetë në Shqipëri.
Partia e Lirisë, e cila është sot forca poltike më e agresuar e Narkoregjimit, Presidenti i së cilës, Ilir Meta, vijon të qëndroje i burgosur politik pa asnjë provë dhe fakt penal kundër tij, është më e vendosur se kurrë për çdo sakrificë, për të paguar çdo çmim, derisa t’i shkurtojë ditët e fundit një pushteti të ngritur mbi krimin, korrupsionin dhe vjedhjen e vullnetit të shqiptarëve./Dosja.al
Foto ilustruse TIRANË- GJKKO ka lejuar vëzhgimin e dhjetrave telefonave, USB-ve dhe kompjuterave të sekuestruara nga SPAK në kuad&...
Ervin Salianji TIRANË- Ish-deputeti Ervin Salianji i është përgjigjur deklaratave të kreut të Partisë Demokratike ...
Floriana Garo TIRANË- Zëdhënësja e PD, Floriana Garo, denoncoi largimin nga puna të gazetarit Ilir Babaramo, duke e cil&...
Sali Berisha TIRANË- Kryedemokrati Sali Berisha është solidarizuar me shkarkimin nga puna të gazetarit Ilir Babaramo nga Carlo Bo...
TIRANË- Kryedemokrati Sali Berisha ka zbuluar një episod nga një bisedë me ish-deputetin Ervin Salianji, gjatë kohës kur ky i fu...
Sali Berisha TIRANË- Kryedemokrati Sali Berisha ka paralajmëruar protesta kudo në Shqipëri. Gjatë konferencë së sot...
Sali Berisha TIRANË- Kryedemokrati Sali Berisha deklaroi një ditë pas protestës së opozitës, se me sundimin e Edi Ramës...
Sali Berisha TIRANË- Kreu i Partisë Demokratike, Sali Berisha, deklaroi se protesta e qytetarëve shqiptarë ka marrë jehonë t...
Sali Berisha TIRANË- Kreu i Partisë Demokratike, Sali Berisha deklaroi se beteja e opozitës do të vijojë pa ndërprerje dhe do...
TIRANË- Agjensia e lajmeve Associated Press i ka kushtuar një artikull protestës së opozitës ditën e djeshme në Tiranë...
