Aksident tragjik në Cërrik/ Dy automjete përplasen më njëra-tjerën, humbin jetën dy persona dhe plagoset një tjetër (EMRAT)
Aksidenti fatal në Cërrik/ Identifikohen viktimat, në pritje të rezultatit të ekspertizave 14 Korrik, 22:14 ...
Aksidenti fatal në Cërrik/ Identifikohen viktimat, në pritje të rezultatit të ekspertizave 14 Korrik, 22:14 ...
“Gjithçka po bëhet sipas rregullave që nga dita e parë”/ Rama për projektin në Zvërnec: Nu...
Dita e 45-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Deklarata e ministres serbe për "spastrimin etnik" të Kosovës/ Deputeti shqiptar në Serbi: Do të inicioj kërk...
Xama thekson se edhe pse kanë kaluar 4 vite dhe asnjë përparim i dukshëm nuk është bërë përsa i përket kësaj çështje
TIRANË- Gazetarja Ola Xama ka bërë një shkrim në lidhje me aferën e EcoPark dhe me landfillin e Porto Romanos në Durrës. Me anë të një postimi në Facebook, Xama shkruan se më shumë fakte rreth tenderit të lanfillit të Porto Romanos kanë zbuluar mediat se sa SPAK që po bën 4 vite me këtë hetim. Xama thekson se edhe pse kanë kaluar 4 vite dhe asnjë përparim i dukshëm nuk është bërë përsa i përket kësaj çështje.
Postimi i Plotë:
Dje pashë një investigim shumë të mirë që i kishte bërë çështjes së Eko Park kolegu Julian Hoxhaj në emisionin Plug. I përmbledhur në pak fjalë, emisioni faktonte me dokumenta këtë skemë: në prill 2019 kompanitë Integrated Energy (ajo e inceneratorit) dhe studio Casanova Hernandes Architects kishin lidhur një kontratë për projektimin dhe zbatimin e projektit Eco Park.
Kontrata ishte lidhur përpara se të hapej tenderi për punimet, madje dhe përpara se të komunikohej vendimi politik i kryeministrit se vendepozitimi i mbetjeve në Durrës do të mbyllej. Mediat pas lajmit që dhe kreu i qeverisë nisën të nxirrnin foto nga projekti i studio Casanova Hernandes Architects, zyrë që u pagua 220 mijë euro nga koncesionari i inceneratorit.
Një vit më parë Këshilli Bashkiak në Durrës kishte shpallur emergjencën mjedisore duke i hapur rrugën ish-kreut të bashkisë Vangjush Dako që të depozitomte mbetjet në landfillin e Sharrës. Të ardhurat e koncesionarit u rritën dhe më shumë, jo vetëm nga bashkia Tiranës dhe tarifa e dherave por dhe bashki të tjera.
Në tetor të vitit 2019 hapet tenderi për mbylljen e vend depozitimit të mbetjeve në Porto Romano, i cili çuditërisht anullohet në 3 dhjetor. U tha se fokusi ishte te tërmeti që goditi vendin. Komiteti Ndërministror i Emergjencës Civile vendos që mbetjet e krijuara nga tërmeti të dërgoheshin në Porto Romano dhe Agjencia Kombëtare e Ujësjelles Kanalizimeve ngarkohet autoriteti që do të rijetësonte zonën.
Emergjenca e tërmetit i hapi rrugën AKUM të kontraktonte një kompani me negocim të drejtpërdrejte pa zhvilluar tender. Lidhet kontrata me vlerë 19 milion euro me TVSH me firmën De Mare (e krijuar vetëm një muaj para lidhjes së kontratës) dhe Victoria Invest International, kompani e denoncuar nga deputeti Taulant Balla se kishte lidhje me kreun e PD Lulzim Basha, madje përdorte dhe një automjet në emër të kësaj shoqërie. Pas firmosjes së kontratës PD ‘harroi’ denoncimet për inceneratorët disa kohë.
Ndryshe nga sa detyronte kontrata se Eko Park do të zbatohej nga kompanitë që ishin kontraktuar, pas disa muajve punimet i kalojnë firmës Artcon, e cila zotohet t’i kryejë për vlerën 7,5 milion euro dhe 11.5 milion ndahen me firmat e që kishin kontratën.
Faturat e porosive të punimeve që ka bërë Artcon tregojnë se si fryhen me 3-4 herë preventivët dhe vidhen paratë tona, ndërsa vlera reale e ndërtimit nuk shkon më shumë se 3 milion euro! Vetë kompania kontraktore rezulton të ketë qënë në emër të bashkëshortes së Klodian Zotos dhe kur u nënkontraktua ishte në emër të Denis Ymerit, i punësuar shofer në inceneratorin e Tiranës.
E gjithë kjo mund të ishte ndaluar nëse drejtësia e re do të kishte bërë punën në mbrojtje të interesit publik. Më kujtohet se në shkurt të vitit 2020, më nxorrën nga montazhi sepse do të hynte lajmi i parë, shumë i rëndësishëm: SPAK niste hetimet për tenderin e landfillit në Porto Romano. Sot bëhen 4 vjet. Më shumë ka gjetur media sesa Prokuroria e Posaçme.
Ky njoftim në ato kohë më la përshtypje pozitive për drejtësinë e re që kishte nisur një hetim kryesisht dhe kishte regjistruar procedim penal për veprën ‘shkelje e barazisë në tendera’. Mu duk i tillë se me aq sa kuptoj dhe më kanë shpjeguar, modeli i sistemit me prokurorë të pavarur u zgjodh i tillë që të mos kemi prokurori që punojnë në bazë të kallzimeve por dhe verifikojnë kur ngrihen flamuj të kuq nga media dhe shoqëria civile.
Por ne në Shqipëri e bëmë si shqiptarët: hoqëm përgjegjësinë institucionale dhe janë bërë hetimet e prokurorisë çarçaf me përplasje interesash. Për të njëjtën çështje çfarë shkruan një prokuror nuk shkruan tjetri…
Lulzim Basha TIRANË- Kreu i Partisë Demokratike së vulës Lulzim Basha në një konferencë për mediat ka reaguar n&eum...
Edi Paloka TIRANË- Deputeti demokrat Edi Paloka i ka drejtuar një mesazh kryeministrit Edi Rama gjatë seancës së sotme plemnare. N...
Gazment Bardhi TIRANA- Pas përfundimit të seancës plenare, e cila zgjati jo më shumë se 20 minuta, e karakterizuar nga kaosi i aks...
Makina e qelluar TIRANË- Deputeti Flamur Noka në mbyllje të seancës plenare ka qëlluar me vezë makinën e Ministrit ...
Kuvendi TIRANË- Deputeti demokrat Flamur Noka ka i ka reaguar ashpër deputetit Lulzim Basha, kur ky i fundit ka dalë nga seanca plenare...
Kuvendi TIRANA- I karakterizuar nga debatet dhe kaosi është mbyllur dhe seanca e ditës së sotme në prlament. Aksioni i opozit...
Vizat TIRANË- Deputeti Flamur Noka pas aksionit me miell kundër garditëve, ka shkruar disa viza në shkallët e Kuvendit. ...
Kuvendi TIRANË- Partia Socialiste ka hequr nga rendi i ditës, projekligjin për bastet online. Kjo pasi ishte propozuar që ky ligj ...
Kuvendi TIRANA- Deputeti opozitar, Dashnor Sula është paraqitur sot në Kuvend veshur me pankarta bastesh online për të kund&e...
Lindita Nikolla TIRANË- Partia Socialiste ka rrëzuar dy propozimet e deputetit Lulzim Basha. Një prej propozimeve që Basha kishte ...
