Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Nesër në orën 18:00 kundra uzurpimit të vendit nga një bandë që po e plackit cdo dite dhe pengojne drejtesine per te mbrojtur veten.
TIRANË- Deputetja e Partisë Demokratike Ina Zhupa tha se projektligji për portet turistike përbën mundësi për t’ua dhuruar oligarkëve.
Në një deklaratë për shtyp ajo u shpreh se, parimi i konkurrencës së lirë dhe barazisë para kërkon kushte të barabarta për të marrë pjesë në garë, duke nënvizuar se, kështu po cënohet liria ekonomike e të gjithë operatorëve ekonomikë. Në mbyllje të deklaratës së saj, Deputetja Zhupa u bëri thirrje qytetarëve se nesër në orën 18:00, do protestohet kundra uzurpimit të vendit.
Deklarata e plotë:
"Në komisionin parlamentar që drejtoj për Turizmin, ka ardhur për shqyrtim edhe projektligji për ndryshimin e Ligjit nr. 9710, datë 03.04.2007 “Për portet turistike në Republikën e Shqipërisë”.
I ardhur si propozim deputetes Zamira Sina, ku në fakt, Zamira ka vetëm firmën se sic doli edhe nga intervista e saj nuk e kishte idenë sec cfarë kishte ligji. Eshte nje ligj i qeverise qe do te shmangi procesin e konsultimit publik dhe e sjell me emer deputete nje projektligj kundra interesit publik, interesit shtetetor. Një ligj që paraqet problematika të theksuara kushtetuese, ekonomike dhe të sigurisë kombëtare, sepse synon dhurimin e porteve për klientet dhe oligarkët pranë qeverisë me titullin “investitor strategjik”.
Problemet e këtij ligji janë të shumta:
Së pari, portet edhe kur klasifikohen si turistike përbëjnë infrastrukturë kritike kombëtare, e lidhur drejtpërdrejt me sovranitetin territorial, sigurinë detare, kontrollin kufitar, zhvillimin ekonomik dhe menaxhimin e hapësirës bregdetare. Ato janë pjesë e pasurisë publike me regjim të posaçëm juridik dhe, si të tilla, administrimi i tyre duhet të udhëhiqet nga parimi i interesit publik maksimal dhe jo nga përjashtime sipas gjykimeve preferenciale të kryeministrit.
Së dyti, parimi i konkurrencës së lirë dhe barazisë para ligjit kërkon që çdo dhënie e së drejtës për ndërtim apo operim të aseteve publike me vlerë strategjike të realizohet përmes garës së hapur, transparente dhe të matshme. Përjashtimi nga procedura konkurruese:
kufizon mundësinë e shtetit për të përzgjedhur ofertën më të favorshme ekonomike;
ul transparencën dhe llogaridhënien;
rrit rrezikun e konfliktit të interesit dhe të përdorimit joefikas të pronës publike;
cenon parimin e trajtimit të barabartë të operatorëve ekonomikë.
Së treti, investitorët strategjikë aktualisht përfitojnë lehtësi të konsiderueshme: procedura të përshpejtuara, asistencë administrative, mbështetje infrastrukturore dhe, në disa raste, përdorim afatgjatë të pronës publike me tarifa simbolike. Shtimi i një përjashtimi nga gara për asete me rëndësi të veçantë si portet përbën një favorizim të disproporcionuar, i cili cenon parimin e proporcionalitetit në politikëbërje. I bën ata shtet mbi shtetin.
Së katërt, në aspektin e së drejtës evropiane dhe angazhimeve të Shqipërisë për përafrimin me acquis communautaire, standardet e BE-së në fushën e prokurimit publik, koncesioneve dhe ndihmës shtetërore kërkojnë transparencë, mosdiskriminim dhe konkurrencë reale. Përjashtimet e gjera nga gara mund të konsiderohen si devijim nga këto standarde dhe të ndikojnë negativisht në procesin e integrimit evropian.
Së pesti, nga këndvështrimi i sigurisë juridike, nuk është e arsyeshme që një ligj i përhershëm sektorial të ndryshohet për t’iu përshtatur një skeme të përkohshme. Kjo qasje cenon stabilitetin e rendit juridik dhe krijon pasiguri për investitorët e tjerë që operojnë në kushte konkurrence. Së fundi, portet dhe hapësirat bregdetare përbëjnë pasuri të pazëvendësueshme të brezave aktualë dhe të ardhshëm. Çdo vendimmarrje për administrimin e tyre duhet të jetë rezultat i një procesi transparent, konkurrues dhe të justifikuar ekonomikisht. Heqja dorë nga gara nuk përbën thjesht thjeshtim procedure, por reduktim të mekanizmave mbrojtës të interesit publik.
Nga këndvështrimi i zhvillimit turistik, një qasje e tillë mund të rezultojë problematike edhe për vetë industrinë e turizmit. Dhënia e porteve turistike pa garë të hapur rrezikon të krijojë monopole lokale, të kufizojë diversitetin e ofertës dhe të frenojë inovacionin në shërbime. Kur mungon konkurrenca reale, bie presioni për të rritur cilësinë, për të mbajtur çmime të arsyeshme dhe për të investuar në standarde ndërkombëtare të menaxhimit. Për më tepër, përqendrimi i hapësirave bregdetare në pak duar mund të nxisë zhvillim të pakontrolluar urbanistik, betonizim dhe kufizim të aksesit publik në bregdet, duke dëmtuar imazhin e Shqipërisë si destinacion i hapur dhe i qëndrueshëm. Turizmi modern kërkon transparencë, konkurrencë dhe balancë mes fitimit privat dhe interesit publik; në të kundërt, rrezikohet që portet të shndërrohen në enklava ekskluzive me përfitim të kufizuar për ekonominë vendase dhe me ndikim afatgjatë negativ në markën turistike të vendit.
Kjo qeveri e trajton Shqipërinë si pronë private që mund ta ndaj me miqtë e pushtetit, pa pyetur per kushtetutë dhe rregulla ndaj edhe qytetarët do protestojnë. Nesër në orën 18:00 kundra uzurpimit të vendit nga një bandë që po e plackit cdo dite dhe pengojne drejtesine per te mbrojtur veten.", tha Zhupa/Dosja.al
Edi Rama TIRANË- Mbledhja e qeverisë e thirrur nga Kryeministri Edi Rama ditën e sotme ka zgjatur më pak se 30 minuta. Mësohe...
TIRANË- Kryeministri Edi Rama pritet që të mbledhi mesditën e sotme qeverinë në mbledhjen e përjavshme. Kjo mbledhje i...
Erion Veliaj TIRANË- Është hedhur shorti për trupën gjykuese që do të shqyrtojë dosjen ndaj kryebashkiakut t&...
KOSOVË- Presidentja e Kosovës, Vjosa Osmani, ia ka përsëritur diplomates së Shteteve të Bashkuara në Prishtinë se pran...
TETOVË- Ministrja e Arsimit e Maqedonisë së Veriut mori pjesë sot në një debat që u zhvillua në Universitetin e T...
Edi Rama TIRANË- Pas botimit në Fletoren Zyrtare, numri dy i qeverisë do të jetë Albana Koçiu, e cila lë postin e mini...
Foto ilustruse TIRANË- Kreu i Grupit Parlamentar të PD-së, Gazmend Bardhi ka reaguar pas ndyshimeve që kryeministri Rama bëri n&eu...
Pirro Vengu TIRANË- Pirro Vengu, ministri i Mbrojtjes ka ngelur pa Ministri ditën e sotme. Gjatë mbledhjes së grupit Parlamentar të...
Sali Berisha TIRANË- Kryetari i Partisë Demokratike, Sali Berisha reagoi përmes një videomesazhi ndaj lëvizjes së fundit t&...
Foto ilustruse TIRANË- Kryeministri i vendit, Edi Rama ka bërë ndyshime drastike në kabinetin e tij qeveritar. Këto ndryshime...
