Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Ajo shton se të gjithë banorët e zonës do të largohen nga shtëpitë e tyre.
TIRANË- Deputetja e Partisë Demokratike, Ina Zhupa ka denoncuar shkatërrimin e Durrësit, që sipas saj po ‘zhvishet’ nga vlerat e trashëgimisë kulturore. E ndodhur në Durrës, Zhupa thotë se Amfiteatri i Durrësit, banjat romake, forumi bizantin parashikohen në planin e ri të Ministrisë së Kulturës që të jepen me koncesion. Ajo shton se të gjithë banorët e zonës do të largohen nga shtëpitë e tyre.
Postimi i plotë
Durrësi është simboli i qytetit në të cilën është shkatërruar trashëgimia kulturore dhe nuk ka pasur asnjë sens për ta mbrojtur identitetin dhe historinë tonë të përbashkët. Dhe pikërisht në Durrës ndodhem në Amfitetarin e Durrësit, ne kemi bërë një betejë për trashëgiminë kulturore duke u nisur që nga koncesioni i Butrintit. Por mesa duket ai nuk do të jetë koncesioni i vetëm. Kjo perlë, Amfiteatri i Durrësit banjat romake, forumi bizantin parashikohen në planin e ri të menaxhimit të Ministrisë së Kulturës bashkë më ADF-n të jepen më koncesion. Me siguri përfituesi do të jetë i njëjtë më Butrintin por, edhe në qoftë i ndryshëm parimi është i njëllojtë, do ti jepet një privati.
Do ti jepet një privati pikërisht zona historike, zona arkeologjike, zona me bileta aty ku prodhohen të ardhurat dhe aty ku vijnë paratë. Kjo strategji e Ministrisë së Kulturës e ka rrugën e hapur nga ligji i trashëgimisë kulturore i vitit 2018. Ligj ky që parashikon që çdo fondacion privat mund të marrë me koncesion pasurinë tonë kombëtare trashëgiminë tonë kulturore. Pikërisht për këtë unë kam kërkuar ndryshimin e neneve që i hapin rrugë privatit për ta marrë, dhe administrimin e pasurive kulturore vetëm nga shteti ose nga fondacione publike ku shteti ka rolin mazhoritar. Kjo është ndarja që në kemi në mënyrën e menaxhimit të trashëgimisë kulturore, duam ta ruajmë identitetin, duam ta ruajmë historinë, duam ti përgjigjemi brezave të ardhshëm apo duan ta trajtojmë si mall tregtar, që ja japin një privati për interesat e pasurimit.
Këto janë rrugët dhe ne kemi mundësinë që ti tregojmë çdo shqiptari që beteja jonë është e vërtet dhe që beteja jonë do të vazhdojë. Koncesioni i Durrësit është koncesioni i radhës ku ne do të bëjmë betejë, ashtu siç nuk do ta lëmë pa e dërguar në Gjykatën Kushtetuese koncesionin e Butrintit. Ne besojmë se shqiptarët meritojnë të kenë një histori të përbashkët, meritojnë të kenë identitet të mbrojtur dhe të ruajtur nga shteti. Projekti i Durrësit bëhet edhe më tragjik kur mendon fatin edhe të banorëve të cilët kanë një jetë që jetojnë rreth e qark kësaj zone dhe parashikohet që do të largohen nga shtëpitë e tyre, por pa transparencë pa u thënë se ku do të shkojnë, pa u thënë se si do të realizohet transferimi i tyre, kur kanë prona me vlera të tjera në mes të qytetit parashikohen për ti çuar në Spitallë apo në zonat të tjera. Ky projekt ka shumë pikëpyetje, jo vetëm për trashëgiminë kulturore, por edhe për interesin e drejtpërdrejtë të qytetarëve të Durrësit. Ndaj edhe ne do ta ndjekim hap pas hapi beteja jonë për trashëgiminë kulturore është betejë për Shqipërinë.
Çfarë është planifikuar për Durrësin?
Fondacioni Shqiptaro-Amerikan për Zhvillim (AADF), Fondacioni që mori në dorë Parkun e Butrintit ka një plan edhe për Durrësin. Dosja.al publikoi dokumentin në korrik të këtij viti dhe shkruante se qyteti bregdetar me një trashëgimi kulturore 3 mijë vjeçare do të jetë në duart e privatit me ‘lejen’ e Ministrisë së Kulturës Elva Margariti dhe të gjithë stafit të ministrisë. Këtu përfshihen Arta Dollani, drejtoresha e IKTK-së, Kozeta Angjeliu dhe Rudina Zoto. Plani i Menaxhimit të Integruar të Zonave Arkeologjike Durrës nis me falenderime të mëdha për Institucion Shqiptar të Arkeologjisë si dhe drejtorit të Përgjithshëm, Luan Përzhita, kryetares së bashkisë Emirjana Sako e nënkryetarit të bashkisë Florian Tahiri. Pikat më kryesore janë Amfiteatri, Vollga dhe lagjet me shtëpiza të vjetra në veri të godinës së Bashkisë. PMI parashikon përdorimin e amfiteatrit si një vend kryesor për eventet muzikore dhe artistike. Një pozicionim i tillë do të lejojë Durrësin të diferencohet nga destinacionet e afërta mesdhetare. Në shkresë thuhet se do të përqëndrohen në rrugën e mureve në pjesët e tyre jugore dhe perëndimore, duke përfshirë strukturat imponuese të ruajtura nën kullën mbi Portik. Në planet e Fondacionit është edhe zona në veri të Sheshit të Bashkisë, struktura e vjetër urbane e së cilës është ruajtur, por janë ndërtuar disa ndërtesa moderne.
Bashkia e Vaut të Dejës TIRANË- “Piranjat” në Abc të moderuar nga Florjan Binaj dhe Arilena Ara, kanë trajtuar k&...
Edi Rama TIRANË- Kryeministri Edi Rama ka treguar se Shqipëria nuk dëshiron të ketë asnjë raport me Rusinë, ndërsa ...
Kongresi i SHBA SHBA- Është dorëzuar në kongresin amerikan rezoluta që dënon sulmet kibernerike të Iranit ndaj Shqip&eum...
Kryeministri Edi Rama ITALI- Kryeministri Edi Rama e konsideron Shqipërinë një Itali, veçse pak më të ngatërruar. N&eu...
Edi Rama dhe Luigi Di Maio ITALI- Kryeministri Edi Rama ka zbuluar për herë të parë se vendi mik që soolli vaksinat nga Rinasi gja...
Saimir Korreshi LUSHNJE- Deputeti i Partisë Demokratike Saimir Korreshi e ka kaluar këtë të dielë duke gatuar në shtëp...
Sali Berisha TIRANË- Partia Demokratike nuk është dominante në rrjetet sociale. Këtë e pohoi ditën e sotme, kreu i Parti...
Sali Berisha TIRANË- Kryetari i Partisë Demokratike Sali Berisha i ka quajtur frymëzim fitoret e partive simotra të PD-së n&...
Sali Berisha TIRANË- Kryetari i Partisë Demokratike Sali Berisha bëri një lapsus ditën e sotme. Ai u shpreh se Partia e Moderuar n...
Sali Berisha TIRANË- Kryetari i Partisë Demokratike, Sali Berisha deklaroi sot se PD do të shpallë kandidatët për Bashkit&eum...
