“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Sipas tij, Gjoni duhet të mbajë përgjegjësi politike dhe ligjore për përshkallëzimin e situatës.
TIRANË- Drejtuesi politik i PS në qarkun e Lezhës, njëherësh ministër i Drejtësisë Ulsi Manja, ka reaguar për incidentin në fshatin Dajç të Lezhës, mbrëmjen e së dielës. Manja përmes një reagimi në rrjetin social facebook, ka akuzuar kandidatin e PD në këtë qark Gjin Gjoni për nxitje të një klime dhune në zonat e Lezhës, Kurbinit dhe Mirditës.
Sipas tij, Gjoni duhet të mbajë përgjegjësi politike dhe ligjore për përshkallëzimin e situatës. Sipas drejtuesit politik të qarkut të Lezhës, ky rast është tashmë në duart e SPAK dhe strukturave të drejtësisë së re. Gjithashtu Manja ka paralajmëruar se nuk do të tolerohet asnjë përpjekje për zvarritjen apo manipulimin e procesit. Po ashtu ai njofton se ka informuar edhe misionin OSBE-ODIHR për atë që po ndodh dhe angazhimin e PS për të zbatuar vetëm ligjin.
Postimi i Plotë:
Reagim për ngjarjen e rëndë në Dajç të Lezhës
Ngjarja e rëndë që ndodhi mbrëmjen e djeshme në Dajç të Lezhës, ku u kërcënuan me armë babai, motra dhe gjithë shtabi elektoral i kandidates sonë për deputete, znj. Klotilda Ndreca, është një akt i patolerueshëm që shkon përtej çdo kufiri të konfliktit politik.
Kandidati Gjin Gjoni duhet të marrë përgjegjësinë politike dhe ligjore për klimën e dhunshme që po nxit në Lezhë, Kurbin dhe Mirditë. Nëse dëshiron të shfaqet si trim, le t’i qëndrojë deri në fund kësaj strategjie të frikësimit dhe të mos bëjë “shokun e trimit”, duke manipuluar ngjarjen nga frika e ndëshkimit, por t’i dalë për zot trimnisë së tij e jo të fshihet pas gishtit!
Ngjarja ka prova filmike dhe audio që vërtetojnë qartë kërcënimet dhe dhunën dhe i ka në dispozicion hetimi. Koha kur Gjini ndërtonte vetë vendngjarjet me “çekiçin” e drejtësisë së vjetër ka marrë fund me Reformën në Drejtësi.
Reformën në drejtësi dhe SPAK-un i ngritëm pikërisht për raste si ky që askush të mos fshihet më pas pushtetit apo lidhjeve politike, por të jetë i barabartë përpara ligjit. Ky rast është tashmë në duart e drejtësisë së re dhe nuk do të tolerohet asnjë përpjekje për ta zvarritur apo deformuar.
Gjin Gjoni dhe kushdo tjetër që mendon si ai do të mbajnë përgjegjësi të plotë për përshkallëzimin e klimës së tensionuar dhe për prishjen e atmosferës politike në qarkun e Lezhës.
Sot kam informuar zyrtarisht misionin e vëzhguesve afatgjatë të OSBE/ODIHR për ngjarjen në Dajç dhe, si drejtues politik i PS për qarkun Lezhë, u kam garantuar angazhimin tim personal dhe të partisë që përfaqësoj për një proces zgjedhor të ndershëm dhe të qetë.
Për ne socialistët, kjo që po ndodh këto ditë të fundit me PD-në lokale dhe atë në qendër, është një film i vjetër që e kemi parë në 10 fushata me radhë. Fundin e dimë – jo vetëm ne, por çdo shqiptar. Dhe kështu do ndodhë edhe më 11 maj, mbajeni mend:
• Në takimet përmbyllëse do të shpallin fitoren dhe do të këndojnë himnin,
• Në mëngjes do fillojnë të varin veshët,
• Në drekë do zvarritin numërimin me justifikime banale,
• Në darkë do thonë: “Na i vodhën prapë!”
Me të njëjtin regjisor nuk mund të ketë një film ndryshe! Më 11 maj, ne do t’i mundim për herë të dhjetë PD+ASHM & Co!
Ftoj të gjithë mbështetësit e PS të mos bien pre e provokimeve dhe tensioneve të qëllimshme. Ne do të fitojmë me qytetari, me projekt dhe me angazhim – jo me armë dhe kërcënime.
Ne distancohemi qartësisht nga çdo akt dhune apo veprim antiligjor që cënon zgjedhjet e lira dhe kërkojmë nga institucionet kompetente të hetojnë çdo shkelje të ligjit zgjedhor, pa asnjë përjashtim!
TIRANË- Kryetari i Partisë Demokratike, Sali Berisha publikoi të hënën një dokument të prezantuar si një vendim i Gjyk...
Sali Berisha TIRANA- Kreu i Partisë Demokratike Sali Berisha deklaroi sot se ai ka pasur programin si platformë, edhe kur ka qenë ...
Sali Berisha DIBËR- Kreu i Partisë Demokratike, Sali Berisha gjatë takimit në Dibër u shpreh se Rama nuk e njeh Dibrën....
Sali Berisha DIBËR- Kreu i Partisë Demokratike, Sali Berisha gjatë prezantimit të programit për Shqipërinë Madh&e...
Kandidatja DURRËS- Kreu i partisë "Shqipëra Bëhet" ka bërë një denoncim në rrjetet sociale ku thotë se një...
Sali Berisha DIBËR- Kryetari i Partisë Demokratike, Sali Berisha gjatë takimit në Dibër, u kërkoi dibraneve dhe di...
Edi Rama KORÇA- Kryeministri Edi Rama ka zhvilluar sot një takim elektoral në Korçë. Rama u ka kërkuar korça...
Sali Berisha DIBËR- Kryetari i Partisë Demokratike, Sali Berisha ka mbajtur takimin përmbyllës elektoral në qytetin e Dibr&eu...
Parashuta HIMARA- Deputeti i Partisë Socialiste, Vullnet Sinaj organizoi dy ditë më parë një takim elektoral me qytetarë...
Edi Rama KORÇA- Kryeministri Edi Rama ka zhvilluar sot një takim elektoral në Korçë. Rama tha nuk janë në gar&e...
