“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Duke folur në një deklaratë për shtyp Blushi e ka cilësuar atë një akt-akuzë të re zyrtare shumë të rëndë për kryeministrin Edi Rama.
TIRANË- Sekretari i Përgjithshëm i Partisë së Lirisë, Tedi Blushi, ka reaguar pas publikimit të raportit të Departamentit të Drejtësisë së SHBA-ve për çështjen McGonigal. Duke folur në një deklaratë për shtyp Blushi e ka cilësuar atë një akt-akuzë të re zyrtare shumë të rëndë për kryeministrin Edi Rama.
Sekretari i Përgjithshëm i PL-së theksoi se raporti fakton se Kryeministri është diskredituar ndërkombëtarisht, ilegjitim, i inkriminuar dhe de facto i rrëzuar nga pushteti. Blushi gjithashtu akuzoi kreun e SPAK, Altin Dumanin, për bllokim të qëllimshëm të hetimeve, duke mos ndërmarrë asnjë veprim për tre vite lidhur me këtë aferë. Ndër të tjera Blushi theksoi se do kërkojnë Komision hetimor parlamentar për “McGongia.
Deklarata e Plotë e Blushit:
Raporti tronditës i Departamentit të Drejtësisë për çështjen McGonigal është një akt-akuzë e re zyrtare shumë e rëndë për Kryekorruptuesin, Edi Rama, qartësisht tanimë një Kryeministër i diskredituar ndërkombtarisht, ilegjitim, i inkriminuar dhe “de facto” i rrëzuar nga pushteti. Ndërkohë që në SHBA publikohen fakte të reja për kreun e Ramaduros, në Shqipëri ka mëse 3 vjet që Altin Dumani bllokon qëllimisht dhe me vetëdije dhe nuk bën asnjë veprim për të hetuar çështjen McGonigal.
Ky bllokim nuk ka qenë i rastësishëm sepse të gjithë e dinë shumë mirë që Altin Dumani, qysh kur të gjitha faktet dhe provat u bënë publike në mediat amerikane, deklaronte se nuk kemi se ku t’i gjejmë fakte dhe se nuk e dimë se për çfarë bëhet fjalë. Edhe pse me një kallëzim penal mbi tavolinë, Altin Dumani për 3 vite me rradhë ka penguar me vetëdije dhe qëllimisht që Edi Rama zyrtari kryesor përgjegjës për korruptimin e Charles McGongial, të dalë para drejtësisë, deri duke mos guxuar as ta thërrasë njëherë të vetme për ta marrë në pyetje, ndërkohë që të gjitha faktet janë tanimë në dritë të diellit.
Ndërkohë është po i njëjti SPAK që thërret 200 fshatarë për të dëshmuar për një autokombajnë të blerë 30 vite më pare dhe përdor lloj-lloj dëshmitarësh të rremë dhe me probleme me drejtësinë për të sajuar hetime farsë dhe politike kundër liderëve të opozitës dhe që mbështetur mbi hiç-dëshmi, por thjesht dhe vetëm mbi urdhra politikë të Edi Ramës burgos liderët politikë, rrëmben në mënyrë terroriste Presidentin e Partisë së Lirisë dhe vijon ta mbajë atë në izolim ekstrem, pa prova dhe pa fakte penale, prej më shumë se 10 muajsh.
Zbardhja në detaje nga drejtësia amerikane të një prej aferave më të rënda dhe të paprecedenta në historinë politike të një vendi anëtar të NATO-s, fakton katërcipërisht komplotin e mirëfilltë të Edi Ramës kundër demokracisë, pluralizmit politik dhe shtetit të së drejtës në Shqipëri, si dhe asgjeson çdo alibi të SPAK-ut për të mos vepruar.
Çdo sekondë e humbur nga SPAK rrënon përfundimisht integritetin moral dhe ligjor të këtij institucioni të kapur, e shpall zyrtarisht Altin Dumanin si mbështetës dhe mbrojtës të krimit shtetëror të nivelit të lartë, si edhe e bën pluhur e hi të ashtëquajturën “Reformën në Drejtësi”, të shpërfytyruar në “Ramaformën” kriminale me 69 vota, të denoncuar botërisht nga Presidenti i Partisë së Lirisë, Ilir Meta, qëndrimet e drejta të të cilit sot konfirmohen edhe nga gjetjet e raportit të Departamentit të Drejtësisë.
Vet komunikimet e Charles McGonigal të publikuara në gjetjet e raportit të Departamentit të Drejtësisë, fakti se më 9 shtator 2017, ai i dërgoi një mikut të tij personal një fotografi me Kryeministrin Rama, ndërsa një tjetër miku i shkruan se “Kryeministri po reformonte drejtësinë dhe kjo paraqet shumë mundësi”, konfirmon se “Ramaforma” nuk është gjë tjetër veçse një plan i mirëorkestruar për kapjen e sistemit të drejtësisë dhe përdorimin e saj si mjet politik nga Edi Rama për eliminimin e kundërshtarëve politikë.
Konsiderimi nga vet McGonigal i “Ramformës” si një “mundësi” për përfitime personale të kundraligjshme konfirmon tanimë botërisht se Edi Rama nëpërmjet organizatës kriminale SPAK dhe gjyqtarëve nën shantazh po e përdor atë si armë politike për të asgjesuar pluralizmin politik dhe sunduar me metoda mafioze. Çështja McGonigal është një skandal i qartë korrupsioni ndërkombëtar, ku përzihen interesa personale, përdorim i paligjshëm i funksioneve shtetërore dhe shkelje flagrante e sovranitetit kombëtar.
Përdorimi i McGonigal për të porositur hetime dhe sulme ndaj opozitës shqiptare përbën shkelje të rënda të Kushtetutës së Shqipërisë, të ligjit dhe të parimeve demokratike mbi të cilat duhet të funksionojë një shtet i lirë.
Tanimë të gjithë shqiptarët e kanë të qartë se sulmet ndaj liderëve të opozitës, shpallja “Non grata” e Sali Berishës, rrëmbimi terrorist dhe mbajtja në izolim ekstrem i Presidentit Meta, procesi farsë kundër Fatmir Mediut, janë urdhëruar personalisht nga Edi Rama, janë mundësuar falë korruptimit nga Charles McGonigalët dhe janë zbatuar verbërisht nga Altin Dumanët.
Edi Rama ka tejkaluar çdo kufi të konfliktit të interesit, duke u bërë promotor i një regjimi të korruptuar që synon shkatërrimin e pluralizmit politik dhe instalimin e një narkoshteti kleptokratik. Rama permendet 14 here ne akuzen e drejtësisë amerikane ndaj McGonigal, që sot ndodhet pas hekurave, por asnjë akuzë nuk ka ndaj tij nga SPAK-u! Edi Rama është faktuar se e ka shndërruar zyrën e Kryeministrit në një strofull të sigurt për mafian vendase dhe ndërkombëtare, nga Ndrangheta e deri te Sinaloa, ku interesat kriminale të pushtetit të tij mbrohen deri duke korruptuar zyrtarë të niveleve të larta në SHBA.
Edi Rama është faktuar se në mënyrë mafioze ka keqpërdorur informacioneve zyrtare të Qeverisë për të goditur opozitën, duke paguar si mafioz në garazhdet e bodrumet e hoteleve në Amerikë, 225 mijë USD për të korruptuar një zyrtar të larte të FBI për trafik influence dhe për të goditur opozitën, në shkëmbim të përfitimeve financiare, deri duke falur prona publike të shqiptarëve, si në rastin e koncesioneve për oligarkun rus Deripaska, që ishte nën sanksionet amerikane por u shpall investitor strategjik, ndërtues hidrocentralesh dhe pronar licencash hidrocentralesh.
Edi Rama tanimë është nën akuzë për akte shumë të rënda korruptive të provuara nga drejtësia amerikane, është një kryeministër i diskredituar, ilegjitim dhe i rrëzuar, që qëndron në pushtet për shkak se “Ramaforma” e ka shndërruar SPAK-un në një patericë të regjimit, që afërmendsh nuk heton asnjë dosje ku provat e inkriminimit të Kreut të Organizatës janë në dritë të diellit.
Me publikimin e raportit të Departamentit të Drejtësisë, provohet se Shqipëria jo vetëm nuk ka sot Kryeministër por nuk ka as SPAK, por thjesht një organizatë mafioze që ka kapur për fyti drejtësinë dhe e përdor atë si armë për të vrarë opozitarizmin, pluralizmin politik dhe demokracinë në vend. Departamenti i Drejtësisë përfundimisht e shpall Edi Ramën një kufomë politike mafioze dhe Altin Dumanin një mercenar të diskredituar dhe të kapur në shërbim të verbër të Kreut të Organizatës.
Asnjë përpjekje për të bllokuar të vërtetën nuk do ta ndalë zbardhjen e plotë të çështjes McGongial dhe vendosjen përpara drejtësisë të të gjithë atyre që kanë shfrytëzuar deri në shpërfytyrim institucionet shtetërore për interesa të ulta personale, korruptive dhe kriminale. Edi Rama, Altin Dumani, Irena me 5 mbiemra, Dvoranët dhe ortakët e tyre, të kapur me presh në duar si armiq të shtetit të së drejtës dhe opozitës shqiptare në veçanti, do të mbajnë përgjegjësi shumë të rënda përpara ligjit dhe popullit shqiptar.
Në kushtet kur edhe pas raportit të Departamentit të Drejtësisë dhe pas më shumë se dy vite pas burgosjes së Charles McGonigal, Altin Dumani ende nuk ka nisur hetimin e kësaj çështje atëhere lind detyra e Kuvendit të ri që me nisjen e sesionit parlamentar të miratojë me urgjencë ngritjen e një Komisionin Hetimor Parlamentar për çështjen McGonigal. Më shumë se tre vjet bllokim nga Altin Dumani është fytyra e vërtetë e SPAK-u që shpik dhe sajon të gjitha llojet e shpifjeve dh gënjeshtrave për të dënuar liederët e opozitës, por akuzat e McGonigalit nuk i prek me dorë.
Që pas publikimit të dosjes i tërë SPAK-u, me Altin Duman dhe dreq e të bir duhet të mos rrinin në zyrat e veta por të sekuestronin, bllokonin dhe të kontrollonin derimë një zyrat e Edi Ramës, për ta marrë të pandehur.
Në të njëjtin SPAK që sillen si persona në dijeni për shou mediatik kushedi sa njerëz, persona të kapur me presh në dorë siç është Edi Rama nuk thirren asnjëherë.
Ndaj dhe raporti i Departamentit të Drejtësisë nga dje e ka zhbërë përfundimisht edhe SPAK-un, krijesën më të shëmtuar të “Ramaformës”. Asnjë alibi apo përpjekje e dëshpëruar e Altin Dumanit për mbrojtur Edi Ramën, për të fshehur të vërtetën dhe për të relativizuar një komplot të madh kundër sistemit demokratik në vend nuk mund të ndalojë nevojën ulëritëse për dënimin e merituar ligjor jo vetëm të Kryekorruptuesit por edhe të kujtdo prokurori të shndërruar në vegël qorre të tij. Faleminderit!
Sali Berisha TIRANË- Kreu i Partisë Demokratike, Sali Berisha duke folur në konferencë për gazetarët u ndal edhe tek do...
Sali Berisha TIRANË- Kreu i Partisë Demokratike Sali Berisha theksoi se Shën Tereza i dha nder emrit shqiptar dhe çdo njeriu t&e...
Vjosa Osmani KOSOVË- Presidentja e Kosovës, Vjosa Osmani, ka kujtuar figurën e Nënë Terezës në Ditën e Shenjtë...
Nënë Tereza dhe Sali Berisha TIRANË- Kreu i Partisë Demokratike, Sali Berisha e ka cilësuar Nënë Terezën si një...
Charles Mcgonigal SHBA- New York Times ka nxjerr detaje të reja nga publikimi i investigimit të plotë ndaj Charles McGonigal di...
Charles McGonigal SHBA- Publikimi i investigimit të plotë ndaj Charles McGonigal ditën e djeshme ka rihapur sërish këtë ...
Ervin Salinaji TIRANË- Një moment ka ndodhur në nisjen e emisionit 'Top Story' mbrëmjen e kaluar. Teksa moderatorja Grida Duma ka preza...
Nene Tereza TIRANË- Kryeministri Edi Rama ka përkujtuar ditën e sotme shenjtërimin e Nënë Terezës. Me anë t&eu...
intervista TIRANË- Kryeministri Edi Rama mbrëmjen e sotme në intervistën për Opinion preku dhe çështjen e bastisjes s&...
edi rama TIRANË- Kryeministri Edi Rama thotë se numri i turistëve në vendin tonë këtë sezon është rritur me 6%...
