Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Sulmi në Facebook i adresohej gjyqtarit Klarent Demiri dhe kishte si objekt dy vendime të tij për masën e përkohshme të sigurimit të padisë lidhur me aksionin e verës së qeverisë për çlirimin e hapësirave publike.
Në linjën e mesazheve të përsëritura gjatë verës, kryeministri Edi Rama targetoi të premten një tjetër gjyqtar të Gjykatës Administrative, duke e akuzuar atë pa ofruar ndonjë evidencë se kishte marrë vendime kundër “interesit publik”.
Sulmi në Facebook i adresohej gjyqtarit Klarent Demiri dhe kishte si objekt dy vendime të tij për masën e përkohshme të sigurimit të padisë lidhur me aksionin e verës së qeverisë për çlirimin e hapësirave publike.
“Çfarë duhet të ketë ngrënë gjykatësi Klarent Demiri kur ka marrë vendimin për të penguar ekzekutimin e vendimit të çlirimit të kësaj “toke të xanun?” insinuoi Rama përmes një postimi në Facebook, duke e shoqëruar mesazhin e tij me simbolin e një kocke.
“Dhe nuk ka marrë një, po dy vendime të tilla, duke u shquar si i vetmi gjykatës deri tani që i ka rënë ndesh haptaz interesit publik, interesit të komuniteteve për çlirimin e hapësirave të tyre publike dhe zbatimit të programit të qeverisë në dobi të qyteteve e në funksion të Shqipërisë 2030 në BE,” shtoi ai.
Sulmi personal ndaj gjyqtarit Demiri nuk është një rast i izoluar. Më herët gjatë verës, kryeministri Rama targetoi prokuroren e Shkodrës, Elsa Gjeli si “të padenjë” dhe gjyqtarin e Gjykatës Administrative, Hazbi Balliu si “të pacipë”, në një ofensivë të re ndaj sistemit të drejtësisë që cenon parimin e ndarjes së pushteteve dhe ngre shqetësime për efekte të mundshme të frikësimit.
Sistemi i drejtësisë në Shqipëri qeveriset nga Këshilli i Lartë Gjyqësor dhe Këshilli i Lartë i Prokurorisë, por të dyja këto institucione kanë bërë një vesh shurdh ndaj deklaratave të përsëritura të kryeministrit ndaj gjyqtarëve apo prokurorëve të caktuar.
Edhe të premten, Këshilli i Lartë Gjyqësor vlerësoi se nuk ishte rasti për të reaguar.
“Në këndvështrimin e këtij Këshilli, pyetjet duhet të drejtohen tek gjyqtari i medias apo Këshilli i gjykatës përkatëse, në bazë të rregulloreve të miratuara. Në këtë kuptim janë dhe unionet dhe shoqatat e gjyqtarëve të formuara,” iu përgjigj KLGJ pyetjeve të BIRN mbi çështjen.
“Nëse situata të tilla vazhdojnë, KLGJ vlerëson që të reagojë nëpërmjet deklaratave publike,” shtoi më tej.
Gjykata Administrative e Shkallës së Parë, ku punojnë dy gjyqtarët Demiri dhe Balliu, nuk kishte gjithashtu asnjë koment deri në publikimin e këtij shkrimi.
Ndryshe nga dy institucionet e mësipërme, Shoqata Kombëtare e Gjyqtarëve të Republikës së Shqipërisë, një organizëm vullnetar i gjyqtarëve, i tha BIRN përmes një deklarate të detajuar se po i përcillte me shqetësim të thellë sulmet e fundit ndaj gjyqtarëve të Gjykatës Administrative.
“Për fat të keq, këto nuk përbëjnë raste të izoluara por po kthehen në një fenomen që po merr udhë në raportet ndërmjet sistemit të drejtësisë dhe pushtetit politik,” deklaroi Shoqata Kombëtare e Gjyqtarëve të Shqipërisë.
“Pushteti gjyqësor nuk është i pakritikueshëm, por kur kjo kritikë kthehet në një sulm personal ndaj një gjyqtari të caktuar, e shoqëruar me gjuhë vulgare dhe për më tepër e artikuluar nga përfaqësuesit më të lartë të ekzekutivit, bëhet e papranueshme dhe meriton më së paku reagim mediatik nga organet që mbrojnë pavarësinë e gjyqtarëve si dhe organizimet vullnetare të tyre,” shtoi më tej Shoqata.
Pavarësimi i sistemit gjyqësor dhe mbrojtja e tij nga ndikimi apo presioni politik nxitën një dekadë më parë një reformë të thellë në drejtësi, si një kusht për rritjen e besimit të publikut dhe forcimin e shtetit ligjor në Shqipëri.
Shoqata Kombëtare e Gjyqtarëve të Republikës së Shqipërisë vlerëson se pas kësaj reforme, është “sa absurde aq edhe kontradiktore” që të ketë sërish reagime të tilla të pakuptimta.
“Afërmendsh, vendimi gjyqësor sjell pakënaqësi për disa a qoftë për shumicën, por linçimi publik i gjyqtarit, si mënyrë primitive reagimi ndaj këtij vendimi, është i refuzuar,” vlerëson Shoqata, e cila i konsideron deklaratat e kryeministrit si formë presioni jo vetëm ndaj gjyqtarëve, por edhe ndaj organeve që ushtrojnë kontrollin ndaj veprimtarisë gjyqësore.
Kreu i Unionit të Gjyqtarëve, Gerd Hoxha i tha BIRN se nuk kishte një reagim pasi “sapo ishte kthyer nga jashtë dhe nuk e dinte përse bëhej fjalë”.
Ndërsa ish-magjistrati Elsion Sadiku i sheh deklaratat e kryeministrit jo vetëm si shkelje të rëndë të Kushtetutës, por në një kontekst më të gjerë të gjendjes së demokracisë në vend.
“Në këndvështrimin tim, është një shkelje e rëndë e Kushtetutës… që po kryhet me vetëdije të plotë, sepse nuk ka kryeminstër në botë që nuk e njeh parimin e ndarjes dhe balancimit të pushteteve,” tha Sadiku për BIRN.
“Jemi duke shkuar drejt autokracisë dhe të gjithë jemi fajtorë për këtë. Më së shumti, KLGj dhe KLP,” theksoi ai./Reporter.al
edi rama TIRANË- Unioni i Gjyqtarëve të Shqipërisë ka reaguar pas sulmeve të kryeministrit Edi Rama ndaj gjyqtarëve Klar...
dorian teliti TIRANË- Nënkryetari i Këshillit Bashkiak të Tiranës, Dorian Teliti ka dalë sot në një deklaratë...
spiropali, rama TIRANË- Kryeministri Edi Rama insinuoi të premten, pa dhënë prova, se një gjyqtar i Gjykatës Administrative t...
genta vangjeli TIRANË- Zëdhënësja e Departamentit të Antikorrupsionit në Partinë Demokratike, Genta Vangjeli ka dal&eum...
ilir meta TIRANË- Presidenti i Partisë së Lirisë, Ilir Meta ka reaguar nga burgu lidhur me arsyetimin e Gjykatës së Posa&cced...
foto ilustruese KOSOVË- Vendet e QUINT-it i kanë bërë thirrje Qeverisë në detyrë dhe partive politike në Kosov...
edi rama dhe adea pirdeni TIRANË- Administrata publike pritet që t’i nënshtrohet një riorganizimi që do të bazohet mbi ...
spak TIRANË- Prokuroria e Posaçme Kundër Korrupsionit dhe Krimit të organizuar ka publikuar në faqen e saj zyrtare në sekto...
Foto KOSOVË- Seanca e sotme në Kuvendin e Kosovës ka dështuar sërish pas votimit të kandidatit të Lëvizjes Vet...
Meta TIRANË- Gjykata e Posaçme kundër Korrupsionit dhe Krimit të Organizuar, GJKKO ka publikuar vendimin e arsyetuar lidhur me m...
