Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Lideri u opozitës gjithashtu u shpreh se ia dolën t’i japim ndëshkimin e merituar ndërkombëtar atyre që prekën votën e shqiptarëve.
TIRANË- Kreu i Partisë Demokratike, Sali Berisha, gjatë takimit me të zgjedhurit vendorë dhe këshilltarët bashkiakë në selinë blu, u shpreh se me angazhimin e Partisë Demokratike, u mbrojt vota e shqiptarëve me rezoluta ndërkombëtare. Berisha tha se në 2023-shin ishin të përçarë, ishin pra pa emër në fletë votimi dhe pa asnjë qindarkë financim dhe ishin në përballje me mafien më të rrezikshme të rajonit dhe botës me Xhorxh Sorosin, ndërsa sot janë forca politike më e mbështetur me tre rezoluta ndërkombëtare. Lideri u opozitës gjithashtu u shpreh se ia dolën t’i japim ndëshkimin e merituar ndërkombëtar atyre që prekën votën e shqiptarëve.
"Ku jemi sot? Në 2023-shin ishim të përçarë, ishim pra pa emër në fletë votimi, ishim pa asnjë qindarkë financim, ishim në përballje me mafien më të rrezikshme të rajonit dhe botës me Xhorxh Sorosin. Ndërsa sot jo që nuk jemi të izoluar, por jemi forca politike më e mbështetur me tre rezoluta ndërkombëtare, të cilat faktojnë një për një ato që kemi deklaruar përpara shqiptarëve në mënyrën më të përsëritur. Ju jeni dëshmitarë, me të drejtë qytetarët kanë shtruar pyetjen, si po e mbroni votën, pse nuk po e mbroni votën. Por sot secili prej nesh i thotë çdo shqiptari se në rast se tre rezoluta ndërkombëtare damkosën zgjedhjet në Shqipëri dhe deklaruan se Shqipëria zhvillon farsë elektorale, se në Shqipëri, shteti dhe krimi janë një sipërmarrje e përbashkët, unë mendoj se kjo është mbrojtje botërore e votës.
Jo vetëm shqiptare, por edhe botërore. Ne ia dolëm t’i japim ndëshkimin e merituar ndërkombëtar atyre që prekën votën e shqiptarëve. Cilido është i ftuar të lexojë rezolutat që sanksionuan narkoshtetin shqiptar dhe qëndrimin e tij ndaj zgjedhjeve. Kjo është një arritje shumë e madhe. Ju garantoj se pa procesin e 14 majit, kjo nuk do mund të bëhej. Bëri gjithçka Edi Rama që të braktisim zgjedhjet, po të braktisje zgjedhjet do të thotë të braktisje betejën. Beteja vazhdoi edhe pas zgjedhjeve, gjersa zgjedhjet morën dënim ndërkombëtar. Pse u ndala në këtë analizë të shkurtër? U ndala për të theksuar se PD dëshmoi një vitalitet të jashtëzakonshëm. Përpjekje çnjerëzore u bënë për ta shuar këtë forcë. Ajo u bashkua, është në këmbë më e fuqishme se kurrë, shkon drejt zgjedhjeve më e sigurt se kurrë në fitore.
Për çdo shqiptar, ne sot jemi ata që bëmë avokatinë në radhë të parë të votës së tij. Por bëmë avokatinë jo vetëm të votës, bëmë edhe avokatinë e pasurisë kombëtare, edhe të fondeve buxhetore. Kurrë ndonjëherë në historinë e këtij vendi nuk kanë qenë në tryezën e operacionit siç janë qeveritarët e sotëm. Secili më i damkosur se tjetri. Si opozitë kemi bërë opozitën më efiçente që është bërë ndonjëherë në këtë vend. Me dokumente, me fakte. Por pa asnjë lloj kompromisi. Komisionet hetimore parlamentare nxorën të gjithë shëmtinë e vjedhjeve të papërmbajtura të qeveritarëve. Edhe tre jetë po të ketë Edi Rama, gur në qafë do mbajë djegësin e Tiranës, 130 milionë euro të zhdukura. Asgjë nuk do mund ta shpëtojë atë nga ajo vjedhje e padëgjuar ndonjëherë në histori.
Edhe tre jetë po të ketë Edi Rama, afera e sterilizimit me Beqën e tij, me të cilën rritën çmimet e sterilizimit me 83 herë për të vjedhur, nuk i shpëton dot më.
Kurrë, të fluturojë në qiell dhe tokë Lubi Loti, nuk del kurrë, nuk shpëton kurrë nga krimet e shëmtuara që ka bërë duke ndarë një copë rrogë 13 kilometra në 14 lote për të vjedhur në çdo lot, siç bënte Edi Rama me lejet e ndërtimit. Apo Erion Veliaj, i cili aplikoi në Bashkinë e Tiranës modelin më të padëgjuar të vjedhjes 100 përqind.
Po jo vetëm të vjedhjes 100 përqind të parave të buxhetit, por një krim shumë më i avancuar, të shkatërrimit të dhjetëra pallateve të qytetarëve të Tiranës, për të rindërtuar aty pallate me dyfishin e kateve dhe për t’u bërë miliarder me hotelin më të madh në Shqipëri, 20 kate me xham dhe kristal," tha Berisha.
Sali Berisha TIRANË- Kreu i Partisë Demokratike, Sali Berisha, ka mbledhur të zgjedhurit vendorë dhe këshilltarët bashkiak&eu...
Jozefina Topalli TIRANË- Drejtueja politike e PD-së, Jozefina Topalli, tha se largimi i mbi 1 milionë shqiptarëve në 10 vitet...
Nuredin Dumani dhe Nasip Naço TIRANA- Ish-ministri i Drejtësisë Nasip Naço ka reaguar pas dëshmisë së të p...
EDI RAMA ABU DHABI- Kryeministri Edi Rama ka udhëtuar sot drejt Emirateve të Bashkuara Arabe, në kuadër të pjesëmarrjes n&eum...
Luçiano Boçi TIRANË- Nënkryetari i PD-së Luçiano Boçi ka folur për angazhimi e Partisë Demokratike n&e...
Eriselda Sefa TIRANA- Kryetarja e Bashkisë së Lushnjes, Eriselda Sefa është paraqitur këtë të martë në a...
Gazment Bardhi TIRANA- Kreu i Grupit Parlamentar të Partisë Demokratike, Gazment Bardhi është drejtuar me një kërkesë p&...
Nënshkrimi i marrëveshjes TIRANË- Ministri për Evropën dhe Punët e Jashtme Igli Hasani, ministri i Brendshëm Ervin ...
alqi bllako TIRANË- Gjykata e Posaçme ka pranuar kërkesën e ish-deputetit socialist, Alqi Bllako për gjykim të shkurtuar. ...
Alqi Bllako TIRANË- Në Gjykatën e Posaçme Antikorrupsion ditën e sotme ka nisur seanca e parë në ngarkim t&...
