Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Presidenti Bajram Begaj mblodhi këtë të mërkurë Këshillin e Sigurimit, institucionin më të lartë të sigurisë kombëtare. •Gjatë takimit u bë një analizë e gjendjes së sigurisë kibernetike, dhe masat e marra nga institucionet për forcimin e mbrojtjes kibernetike në infrastrukturat kritike dhe të rëndësishme të informacionit. •Presidenca njofton se Irani ka zgjeruar veprimtarinë e saj kërcënuese dhe sulmet kibernetike si në sasi, por janë bërë edhe më të sofistikuara dhe më komplekse. •Institucionet AKSHI dhe AKCESK dhe institucionet e tjera do vijojnë bashkëpunimin me partnerët strategjikë SHBA, BE, NATO, si dhe vende të tjera partnere dhe aleate për forcimin e mbrotjes kibernetike. •Në këtë takim u diskutua edhe për çështje të tjera me rëndësi për sigurinë kombëtare, të cilat janë kryesisht të lidhura me kërcënimet që vijnë nga Irani, qofshin këto në formën e propagandës apo formave hibride. •Në verën e 2022, Shqipëria ra pre e sulmeve kibernetike nga Irani duke shkaktuar dhe ndërprerjen e marrëdhënieve diplomatike me këtë shtet në shtator të 2022.
3 artikuj për këtë temë.
TIRANE- Presidenca ka përcjellë detajet se për çfarë është diskutuar në mbledhjen e Këshillit të Sigurimit Kombëtar. Në këtë takim është bërë një analizë e gjendjes së sigurisë kibernetike, dhe masat e marra nga institucionet, për forcimin e mbrojtjes kibernetike në infrastrukturat kritike dhe të rëndësishme të informacionit.
Po kështu theksohet se Irani e ka zgjeruar veprimtarinë e saj kërcënuese dhe sulmet kibernetike janë shtuar si në sasi, por janë bërë edhe më të sofistikuara dhe më komplekse. Ndër të tjera Predenca bën me dije se për forcimin e mbrojtjes kibernetike, institucionet AKSHI dhe AKCESK dhe institucionet e tjera do vijojnë bashkëpunimin me partnerët strategjikë SHBA, BE dhe NATO.
Rreth 1 vit nga sulmet kibernetike të urdhëruara nga regjimi i Iranit, rreziku për të tjera sulme në Shqipëri mbeten prezentë. Ndodhur në këto kushte, Presidenti Bajram Begaj mblodhi këtë të mërkurë Këshillin e Sigurimit, institucionin më të lartë të sigurisë kombëtare. Në verën e 2022, Shqipëria ra pre e sulmeve kibernetike nga Irani, duke shkaktuar dhe ndërprerjen e marrëdhënieve diplomatike me këtë shtet në shtator të 2022.
Njoftimi
"Përfundon mbledhja e Këshillit të Sigurimit Kombëtar me temë, “Gjendja e sigurisë kibernetike dhe masat e marra për forcimin e mbrojtjes kibernetike në Republikën e Shqipërisë”. Në këtë takim u bë një analizë e gjendjes së sigurisë kibernetike dhe masat e marra nga institucionet për forcimin e mbrojtjes kibernetike në infrastrukturat kritike dhe të rëndësishme të informacionit. Nga raportimet e institucioneve dhe diskutimet e anëtarëve të Këshillit të Sigurimit Kombëtar konstatohet se përgjatë një viti është bërë progres në forcimin e kapaciteteve dhe mbrotjes kibernetike në vend.
Republika Islamike e Iranit e ka zgjeruar veprimtarinë e saj kërcënuese dhe sulmet kibernetike janë shtuar si në sasi, por janë bërë edhe më të sofistikuar dhe më komplekse. Institucionet AKSHI dhe AKCESK dhe institucionet e tjera do vijojnë bashkëpunim me partnerët strategjikë SHBA, BE, NATO-n, si dhe vende të tjera partnere dhe aleate për forcimin e mbrotjes kibernetike.
Do vijojmë me përmirësimet e duhura ligjore, investimet në teknologji, arsimimin, trajnimin dhe ndërgjegjësimin e specialistëve, ekspertëve dhe të gjithë përdoruesve të cilët kanë akses në sisteme teknologjike për krijimin e kultura së sigurisë kibernetike. Sfidat që po kalojmë sot janë me spektër të gjerë. Në këtë takim të sotëm, u diskutua edhe për çështje të tjera me rëndësi për sigurinë kombëtare, të cilat janë kryesisht të lidhur me kërcënimet që vijnë nga Irani, qofshin këto në formën e propagandës apo formave hibride.
Institucionet ligjzbatuese dhe ato përgjegjëse në fushën e sigurisë kombëtare do vlerësojnë dhe informojnë në mënyrë të vijueshme partnerët dhe aktorë të tjerë ndërkombëtarë lidhur me kërcënimet që vijnë nga Irani dhe vendosmërinë e Shqipërisë se nuk do të lejojë aktivitetin e asnjë individi apo grupi në dëm të sigurisë kombëtare të Republikës së Shqipërisë. Institucionet të bëjnë vlerësimin e kërcënimit dhe rrezikut dhe do të marrin masa për forcimin e kapaciteteve të mbrotjes kibernetike, mbrojtjes ajrore, forcimit të strukturave të inteligjencës për grantimin e sigurisë kombëtare".
TIRANË- Mesditën e sotme është mbledhur Këshilli i Sigurimit Kombëtar, me urdhër të Presidentit Bajram Begaj. Në fokus të diskutimit është rreziku nga sulmet kibernetike, pas ngjarjeve të paprecedenta në korrik të vitit të kaluar, ku vendi ynë u sulmua disa herë. Kreu i Shtetit theksoi se sulmet synuan shkatërrimin e infrastrukturës dixhitale të Shqipërisë, me qëllim nxitjen e destabilitetit në vend. Një vit pas sulmeve, Begaj deklaroi se është koha të reflektojmë se çfarë kemi bërë dhe sa të përgatitur jemi në përballje me sulme të mundshme. Teksa bëri një bilanc të situatës, kreu i shtetit shtoi se aktorët kërcënues kibernetikë, kryesisht të mbështetur dhe financuar nga Irani, e kanë zgjeruar veprimtarinë e tyre.
"Një vit më parë, ne u përballëm me sulme shumë të rënda, komplekse dhe të sofistikuara kibernetike. Sulmet synuan shkatërrimin e infrastrukturës dixhitale të Republikës së Shqipërisë, me qëllim nxitjen e destabilitetit në vend. Institucionet tona bënë të mundur që aktorët që ndërmorën këto sulme, të mos e realizonin qëllimin e plotë të tyre.
Vlerësoj maksimalisht punën e bërë nga institucionet. Bashkëpunimi me partnerët strategjikë SHBA, BE, NATO ka mundësuar trajnimin e specialistëve, ekspertëve. Ligji i ri për sigurinë kibernetike dhe strategjia kombëtare e sigurisë kibernetike do i shërbejnë më së miri ndërtimit të kapaciteteve moderne.
Pavarësisht masave të marra, aktorët kërcënues kibernetikë, kryesisht të mbështetur dhe financuar nga Republika Islamike e Iranit e kanë zgjeruar veprimtarinë e tyre. Sulmet kibernetike janë shtuar si në sasi, por janë bërë edhe më të sofistikuar.
Një vit pas sulmeve, është koha të reflektojmë se çfarë kemi bërë, sa të përgatitur jemi në përballje me sulme të mundshme. Të vendosim se ku duhet të fokusohen përpjekjet dhe investimet tona, për forcimin e mëtejshëm të mbrojtjes kibernetike. Krahas sigurisë kibernetike, ne do diskutojmë edhe për çështje të tjera me rëndësi për sigurinë kombëtare. Diskutimet gjatë KSK edhe mbi kërcënimet që vijnë nga Irani, në formën e propagandës dhe në forma hibride", tha presidenti.
TIRANË- Këshilli i Sigurimit Kombëtar do të mblidhet ditën e sotme në orën 12:00 për të diskutuar mbi gjendjen e sigurisë kibernetike në Shqipëri.
“Thirrja e mbledhjes së Këshillit të Sigurimit Kombëtar synon të bëjë një analizë gjendjes aktuale të sigurisë kibernetike, sfidave dhe kërcënimeve me të cilat përballemi në këtë drejtim. Insititucionet përgjegjëse do të informojnë Këshillin e Sigurimit Kombëtar për masat e marra për forcimin e mbrojtjes kibernetike në zbatim të rekomandimeve të dhëna nga mbledhja e Këshillit të Sigurimit Kombëtar, në muajt Tetor 2022 dhe Janar 2023”-thuhet në njoftimin e bërë nga zyra e shtypit e presidencës.
Thirrja e mbledhjes së Këshillit të Sigurimit Kombëtar synon të bëjë një analizë gjendjes aktuale të sigurisë kibernetike, sfidave dhe kërcënimeve me të cilat përballemi në këtë drejtim. Insititucionet përgjegjëse do të informojnë Këshillin e Sigurimit Kombëtar për masat e marra për forcimin e mbrojtjes kibernetike në zbatim të rekomandimeve të dhëna nga mbledhja e Këshillit të Sigurimit Kombëtar, në muajt Tetor 2022 dhe Janar 2023.
Pjesëmarrës në këtë mbledhje do të jenë:
1. Kryetari Kuvendit të Republikës së Shqipërisë, Lindita NIKOLLA
2. Kryeministri i Republikës së Shqipërisë, Edi RAMA
3. Zv/Kryeministër dhe Ministër i Infrastrukturës dhe Energjisë, Belinda BALLUKU
4. Ministri i Mbrojtjes, Zoti Niko PELESHI
5. Ministri për Evropën dhe Punët e Jashtme, Olta XHAÇKA
6. Ministri i Drejtësisë, Ulsi MANJA
7. Ministri i Brendshëm, Blediar ÇUÇI
8. Minstri i Finacave dhe Ekonomisë, Delina IBRAHIMI
9. Kryetari i Komisionit Parlamentar të Sigurisë, Nasip NAÇO
10. Shefi Shtabit të Përgjithshëm të FARSH, Gjeneral brigade Arben KINGJI
11. Drejtori i Përgjithshëm i Policisë së Shtetit, Drejtues Muhamet RRUMBULLAKU
12. Drejtori i Shërbimit Informativ Shtetëror, Vlora HYSENI
Në këtë mbledhje janë ftuar të marrin pjesë edhe:
1. Zv/Kryetar i Komisionit Parlamentar të Sigurisë, Ferdinand XHAFERAJ
2. Drejtori i Autoriteti Kombëtar për Çertifikimin Elektronik dhe Sigurisë Kibernetike, Igli TAFA
3. Drejtori i Agjencisë Kombëtare të Shoqërisë së Informacionit, Mirlinda KARÇANAJ
