Trump urdhëron daljen e SHBA nga Organizata Botërore e Shëndetësisë 21 Janar, 07:25 Marco Rubio konfi...
"Partitë e reja opozitare më të vendosura të luftojnë njëra-tjetrën sesa regjimin e Ramës," Gresa Hasa: ...
"Nuk do pushtohemi..."/ Trump: Fuqia jonë do të ndalojë çdo luftë dhe do sjellë paqen në një botë...
Mbreti Charles i dërgon urime Trumpit: Mbretëria e Bashkuar dhe SHBA, marrëdhënie të veçanta dhe të që...
Zëdhënësja e PD-së shton se 3 ditë përpara se të hapej gara për funksionin në fjalë Rakipi themeloi një tjetër shoqëri, e regjistruar në QKB në korrik 2020, periudhë kur ai do të aplikonte për tu zgjedhur si Drejtues i Shkollës së Magjistraturës. Garo thekson se sipas ligjit për Shkollën e Magjistraturës dhe rregullores së saj, kjo përbën shkelje të hapur dhe vendosje në kushtet e konfliktit të interesit.
TIRANË- Zëdhënësja e PD-së, Floriana Garo ka zhvilluar ditën e sotme një deklaratë për mediat. Gjatë fjalës së saj Garo shprehet se Arben Rakipi, drejtor i Shkollës së Magjistraturës dhe ish-kryeprokuror shkel ligjin në mënyrë flagrante dhe të përsëritur pa i hyrë gjemb në këmbë. Garo shtoi se në konflikt interesi dhe në shkelje të ligjit, Arben Rakipi në qershor 2020 themeloi kompaninë Zyra Ligjore Rakipi & Partners.
Ajo thekson se Rakipi zotëron 55% të aksioneve dhe familjarë të tij pjesën që mbetet e ndarë mes të birit dhe 2 ortakëve. Garo tha se siç rezulton nga dokumentet, Arben Rakipi, edhe pse i komanduar si Drejtor i Shkollës së Magjistraturës, ka ushtruar aktivitetin privat të avokatit.
Zëdhënësja e PD-së shton se 3 ditë përpara se të hapej gara për funksionin në fjalë Rakipi themeloi një tjetër shoqëri, e regjistruar në QKB në korrik 2020, periudhë kur ai do të aplikonte për tu zgjedhur si Drejtues i Shkollës së Magjistraturës. Garo thekson se sipas ligjit për Shkollën e Magjistraturës dhe rregullores së saj, kjo përbën shkelje të hapur dhe vendosje në kushtet e konfliktit të interesit. Sipas saj Rakipi vijoi i pashqetësaur edhe pas zgjedhjes si Drejtor i Shkollës së Magjistraturës për një mandat 4 vjeçar dhe madje ai i shton shkeljet ligjore.
Deklarata e Floriana Garos:
Arben Rakipi, drejtor i Shkollës së Magjistraturës dhe ish-kryeprokuror shkel ligjin në mënyrë flagrante dhe të përsëritur pa I hyrë gjemb në këmbë. Ja edhe provat të denoncuara fillimisht nga emisioni PLUG në Syri TV: Firma Rakipi & Partners, vec të tjerash, është studio që mbron kryebashkiakun dhe te shoqen. Jo vetëm kaq por ortakët e saj paguhen në bordet e ojf-ve që bashkëshortja e kryebashkiakut drejton. Në konflikt interesi dhe në shkelje të ligjit, Arben Rakipi në qershor 2020 themelon kompaninë Zyra Ligjore Rakipi & Partners.
Rakipi zotëron 55% të aksioneve dhe familjarë të tij pjesën që mbetet e ndarë mes të birit dhe 2 ortakëve. Siç rezulton nga dokumentet, Arben Rakipi, edhe pse i komanduar si Drejtor i Shkollës së Magjistraturës, ka ushtruar aktivitetin privat të avokatit.
3 ditë përpara se të hapej gara për funksionin në fjalë ai themelon një tjetër shoqëri, e regjistruar në QKB në korrik 2020, periudhë kur Arben Rakipi do të aplikonte për tu zgjedhur si Drejtues i Shkollës së Magjistraturës.
Sipas ligjit për Shkollën e Magjistraturës dhe rregullores së saj, kjo përbën shkelje të hapur dhe vendosje në kushtet e konfliktit të interesit. Rakipi vijoi i pashqetësaur edhe pas zgjedhjes si Drejtor i Shkollës së Magjistraturës për një mandat 4 vjeçar. Madje ai i shton shkeljet ligjore.
Pas më shumë se dy muajve nga emërimi, Arben Rakipi vendos t’ia dhurojë aksionet bashkëshortes, Vilma Rakipi. Por kjo nuk është më shumë se një manovër për të shmangur konfliktin e interesit. Ai vetëm sa ndryshon emrin e aksionerit, pasi sipas regjimit bashkëshortor, ai mbetet përfitues me 50% i cdo pasurie të krijuar gjatë martesës.
Madje sipas kësaj kontrate Vilma Rakipi nuk do të mundej t’i tjetërsonte aksionet pa miratimin paraprak të Arben Rakipit. Ligji 115/2016 dhe Rregullorja e Institucionit, në nenin 23, parashikon që bashkë me Drejtuesin e Shkollës së Magjistraturës, edhe familjarët ndalohen të kenë aktivitet fitimprurës. Shkeljet vijojnë, a thua se Arben Rakipi është një nxënës mbetës i Juridikut, dhe jo drejtori i shkollës që duhet të përgatisë elitën e Jurisprudencës shqiptare.
Përcaktimet në STATUTIN e kompanisë e theksojnë qartë mënyrën se si bëhet kalimi i kuotave të aksioneve. Sipas nenit 11 të statutit, të firmosur nga Arben Rakipi, përcaktohet se kontrata për transferimin e kuotave te bashkëshortja duhej të ishte e noterizuar sëbashku me vendimin e Asamblesë së Ortakëve.
Dokumentacioni i dorëzuar pranë QKB, fakton se kontrata dhe vendimi nuk janë noterizuar dhe QKB nuk duhet të bënte kalimin e kuotave pasi KONTRATA ËSHTË NUL. Sipas përcaktimit në STATUT dhe Ligjit “Për Shoqëritë Tregtare”, Arben Rakipi është de facto dhe de jure aksioner i Shoqërisë dhe kontrata nuk ka asnjë vlerë juridike.
Këto janë shkelje të rënda ligjore të kryera nga Arben Rakipi, i përzgjedhur tashmë dhe për një mandat të dytë në Drejtimin e Shkollës së Magjistraturës. Kjo është pjesa e parë e serisë së shkeljeve të Arben Rakipit. Ai e ka kthyer shkollën e Magjistraturës në çiflig familjar.
Sipas verifikimeve, Arben Rakipi ka punësuar në shkollën e Magjistraturës bashkëshorten dhe motrën. Gruaja e Rakipit, është punësuar në Shkollën e Magjistraturës si Profesore eksperte në trajnimin e studentëve për lëndët e krimit ekonomiko-financiar, PPP, Tendera, Tatime, Dogana etj.
Konflikti i interesit në rastin Rakipi thyen rekorde tribale: burri ka dy herë vartëse gruan, njëherë në kompaninë private dhe herën tjetër si pedagoge të shkollës që ai vetë drejton. Zonja Rakipi në stilin e të shoqit, dhe për të fshehur konfliktin e interesit, është punësuar pranë shkollës së Magjistraturës me emrin Vilma Sharofi, pra me mbiemrin e vajzërisë.
Ndërsa motra e tij, Vera Rakipi është shefe departamenti pranë Shkollës së Magjistraturës. Këto janë standardet e drejtësisë së re, mu në zemër të sistemit ku rriten juristët e ardhshëm. Mentorët e tyre, në mësim u lektorojnë si të zbatojnë ligjin dhe jashtë tij e thyejnë sa herë u jepet rasti. Ja ku e ka drejtësia e re shembullin më të qartë dhe flagrant të nepotizmit, korrupsionit dhe banalitetit.
asllan dogjani TIRANË- Deputeti demokrat Asllan Dogjani është paraqitur ditën e sotme në GJKKO, pasi është marr&eu...
edi rama, benet beci SHKODËR- Kryeministri Edi Rama ka inspektuar ditën e sotme nga afër punimet që po kryhen në lagjen e vj...
foto ilustruese PRISHTINË- Kosova dhe Shtetet e Bashkuara së shpejti do të finalizojnë një marrëveshje për "dialogun str...
Berisha ne mbledhjen e grupit TIRANË- Kreu i demokratëve, Sali Berisha është shprehur se PD do ta bazojë fushatën në qin...
Berisha ne mbledhjen e grupit TIRANË- Kryedemokrati Sali Berisha ka folur për votat e elektoratit jashtë shqipërisë dhë pesh&...
Sali Berisha TIRANA- Kreu i Partisë Demokratike Sali Berisha tha në nisje të mbledhjes së Grupit Parlamentar të kësa for...
lista serbe KOSOVË- Lista Serbe, partia më e madhe e serbëve në Kosovë, ka shprehur pakënaqësi për përbër...
Sali Berisha TIRANË- Kryedemokrati Sali Berisha ka folur sot rreth çështjes së mohimit të koalicioneve parazgjedhore. Beris...
Sali Berisha TIRANË- Kreu i Partisë Demokratike Sali Berisha ka theksuar se axhenda dhe vendi i takimeve të PD-së ende nuk janë p&...
Sali Berisha TIRANA- Kreu i Partisë Demokratike Sali Berisha tha sot se do të miratojnë çdo kërkesë që i sh&...
