Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Përmes një postimi në rrjetin social Facebook, Aga u shpreh se kjo protestë nuk duhet të jetë si “të tjerat”, as në formë dhe as në qëllim.
TIRANË- Ish-kandidat per deputet i Partisë Demokratike, Ethem Aga ka bërë thirrje për pjesëmarrje masive në protestën e opozitës, e cila do të mbahet në 24 janar. Përmes një postimi në rrjetin social Facebook, Aga u shpreh se kjo protestë nuk duhet të jetë si “të tjerat”, as në formë dhe as në qëllim.
Ai tha se vendi është në krizën më të madhe politike, ekonomike dhe ligjore, ndaj pjesëmarrja e qytetarëve nuk duhet parë si numër që mbush sheshin, por si një shpresë se nuk janë aty vetëm për një rrotacion politik. Sipas tij prania e çdo qytetari të panagazhuar politikisht, është vlera kryesore e një proteste.
Ish-kandidati tha se besimi te demokracia, qeverisja e mirë dhe te e drejta, nuk duhet të jenë domen i një grupi njerëzish politikbërës. Aga deklaroi se PD ka vetëm një rrugë: vendosmërinë dhe krijimin e besimit se janë të gatshëm të sakrifikojnë për çdo kauz që shkon në shërbimin qytetar dhe jo në kalkulimet politiko-partiake.
Në fund, ai tha se qeverisja e tanishme i ka bërë dëme të mëdha vendit, por përgjegjësi morale kanë edhe ata që forcën e tyre nuk e kanë përdorur mjaftueshëm për të ndaluar shkatërruesin.
Postimi i Ethem Agës
Ejani për të mos ikur, protesta e 24 janarit, jo vetëm e PD-së
Protesta e 24 janarit nuk duhet të jetë si “të tjerat”, as në formë dhe as në qëllim. Vendi është në krizën më të madhe politike, ekonomike dhe ligjore,- tre elementë madhorë për të qenë i bindur në pjesëmarrjen e madhe, por numrat nuk mjaftojnë. Protesta ka nevojë për vendosmëri, ide dhe qëllim të pastër se ku do të arrijë.
Mbi të gjitha qëllim të shfaqur. Edhe pse thirrja e protestës vjen nga Partia Demokratike, pjesë e së cilës jam edhe unë, nevoja që sheshi të mbushet edhe nga qytetarë të paangazhuar politikisht është e madhe. Flamuri kombëtar është më i rëndësishëm se çdo rëndësi e flamujve politik. Vendi është në rrezik dhe armiku më i madh që mund të na çojë në një shteg pa krye, është koha. Çdo ditë që kalon është më vonë se vetë e vona. Çdo orë që shkon mban në këmbë vetëm një qeveri të kurruptuar dhe që dikton fatin e keq të një populli të varfër. Çdo minutë që ikën është vdekje e ngadaltë e demokracisë, çdo sekondë e shkuar dëm, është shpresë e humbur për fëmijët tanë.
Pjesëmarrja!
Anëtarët, simpatizantët dhe çdo votues i PD-së e ka detyrë shpirtërore dhe detyrim moral të jetë në shesh. Ata kanë një vlerë të madhe pasi nuk mbajnë në jetë një parti, por frymën e opozitarizmit politik, pa të cilën Shqipëria do ishte de fakto në diktaturë. Nga ana tjetër, sot askush nuk duhet lënë vetëm në kauzat e ngritura. Nevoja është për masivitet qytetarësh mbetet sfida më e rëndësishme e cila duhet arritur. Pjesëmarrja e tyre nuk duhet parë si numër që mbush sheshin, por cilësi dhe mbi të gjitha shpresë se nuk janë aty vetëm për një rrotacion politik ngjyrash qeverisëse. Ata duhet të diktojnë devizën e humbur se kushdo që do të vijnë nuk përngjan me ata që do ikin dhe pse jo të kenë kërkesa që gabimet e së shkuarës nuk do të përsëriten kurrë. Ky vend nuk ka me nevojë për eksperimente. Prania e çdo qytetari të panagazhuar politikisht do ishte vlera e çdo proteste dhe besimi se demokracia, qeverisja e mirë dhe e drejta, nuk duhet të jenë domen i një grupi njerëzish politikbërës. Demokracia, liria, e drejta e pronës, konkurrenca e ndershme dhe drejtësia e pavarur, janë “pronë popullore” dhe jo element i dorëzuar në duart e pak njerëzve që qeverisin sot, apo që do të qeverisin nesër.
Vendosmëria
Qytetarët janë të lodhur dhe zhgënjyer. Pakënaqësia mbetet e madhe ndërsa shkëndija që pakënaqësia të derdhet në shesh në protestë nuk po shihet. Arsyet janë të shumta, disa prej të cilave nuk varen nga opozitarizmi politik, por kjo e fundit ka për detyrë që në plan të parë të vendosë qytetarin.
Shembulli duhet dhënë nga vetja. PD ka vetëm një rrugë: vendosmërinë dhe krijimin e besimit se janë të gatshëm të sakrifikojnë për çdo kauz që shkon në shërbimin qytetar dhe jo në kalkulimet politiko-partiake. Ai shesh para kryeministrisë nuk duhet lëshuar. Vendosmëria për të arritur qëllimet duhet dhe kam besimin se do të jetë moto e PD-së, e cila sot ka një përgjegjësi të madhe para çdo qytetari.
Qeverisja e tanishme i ka bërë dëme të mëdha vendit, përgjegjës i madh është ai që e shkakton, por përgjegjësi morale kanë edhe ata që forcën e tyre nuk e kanë përdorur mjaftueshëm për të ndaluar shkatërruesin. Përballje dhëmb për dhëmb me të keqen dhe shembull se gjithkush duhet të sakrifikojë.
Çdo reagim dhe veprim kundër së ligës që ka mbërthuer qeverisjen në çdo qelizë e ind të saj, janë të përligjura për të arritur një të mirë publike. Qytetari në plan të parë, jo interesi i ngushtë politik! Ata, (qytetarët) janë vlera për tu mbrojtur. Çdo mjet demokratik duhet përdorur fort. Kthim pas nuk duhet të ketë! Sakrifica duhet nisur nga vetja!/Dosja.al
Foto ilustruse KOSOVË- Kryetari i Komisionit Qendror të Zgjedhjeve, Kreshnik Radoniqi ka deklaruar ditën e sotme se procesi i rinumërim...
Foto ilustruese KOSOVË- Komisioni Qendror i Zgjedhjeve ka vendosur që të ketë rinumërim të plotë të të gjitha ...
Komisionerët duke numëruar votat për zgjedhjet e parakohshme të 28 dhjetorit KOSOVË- Koalicioni i organizatave që monitoron p...
Sali Berisha TIRANË- Kryetari i Partisë Demokratike ka deklaruar se PD nuk ka bojkotuar parlamentin. Gjatë një deklarate ne ...
Sali Berisha TIRANË- Kreu i PD-së Sali Berisha ka deklaruar se shqiptarët do të japin përgjigjen e merituar për Edi Ramë...
Sali Berisha TIRANË- Kryetari i Partisë Demokratike Sali Berisha ka denoncuar projektin “Smart City”. Gjatë deklaratës...
sali berisha TIRANË- Kreu i Partisë Demokratike tha sot se, me 'Smart City', Edi Rama kompleton survejimin më të paligjshëm dhe&nb...
Klodiana Spahiu TIRANË- Nënkryetarja e Kuvendit Klodiana Spahiu ka kërkuar ditën e sotme ndëshkimin e mediave, për akuza...
Erion Veliaj TIRANË- Gjykata e Posaçme ka rrëzuar sot kërkesën e avokates së caktuar kryesisht të kryebashkiakut...
Agron Gjekmarkaj TIRANË- Nënkryetari i Partisë Demokratike Agron Gjekmarkaj, iu drejtua mazhorancës duke thënë se, ...
