"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Mësohet se Ndreca bashkë me 15 ish-zyrtarë akuzohet nga SPAK për shkelje të rënda gjatë procedurave të prokurimit publik në vitin 2019.
TIRANË- Prokuroria e Posaçme ka dërguar sot për gjykim dosjen në ngarkim të deputetit socialist Plarent Ndreca. Mësohet se Ndreca bashkë me 15 ish-zyrtarë akuzohet nga SPAK për shkelje të rënda gjatë procedurave të prokurimit publik në vitin 2019. SPAK njofton se çështjet kanë të bëjnë me shpërdorimin e detyrës dhe abuzim me tenderat kur ishte sekretar te Ministria e Brendshme.
Deputeti akuzohet se ndryshoi fondin, pasi nuk e kishin në dispozicion, ku nga 4 Komisariate për ndërtim kaluan vetëm dy, duke favorizuar në fitimin e tenderit kompaninë fituese dhe biznesmenin. Ndërkohë që sipas dosjes së SPAK nga këto veprime të Ndrecës, shtetit i është shkaktuar një dëm financiar i vlerësuar në vlerën 34,248,000 lekë.
Njoftimi i SPAK:
Prokuroria e Posaçme Kundër Korrupsionit dhe Krimit të Organizuar, në datën 25.11.2024 ka dërguar për gjykim procedimin penal nr.240 të vitit 2021 në ngarkim të 16 ish-zyrtarë të Ministrisë së Brendshme dhe institucioneve të tjera, të akuzuar për shkelje të rënda gjatë procedurave të prokurimit publik në vitin 2019.
Favorizim në procedurat e prokurimit
Hetimet kanë zbuluar se zyrtarët e Ministrisë së Brendshme, Agjencisë së Zhvillimit të Territorit, Agjencisë Kombëtare të Planifikimit të Territorit dhe Inspektoratit Kombëtar të Mbrojtjes së Territorit kanë bashkëpunuar në mënyrë të qëllimshme për të favorizuar një bashkim operatorësh ekonomikë, duke shkelur dispozitat e ligjit për prokurimet publike.
Kontrata e prokurimit publik “Studimi dhe Projektimi i disa objekteve të Prokurorisë së Shtetit” kishte një vlerë totale prej 54,234,000 lekë (pa TVSH) për katër objekte policore, por në fakt përfundoi duke përfshirë vetëm dy objekte policore me një vlerë të reduktuar prej 34,248,000 lekë, kjo për shkak se Ministria e Brendshme nuk e kishte të plotë fondin, por për të favorizuar fituesin e lidhi kontratën vetëm për dy objekte, aq sa ishin fondet në dispozicion.
Shkeljet e dokumentuara
Nga provat e mbledhura, rezulton se një grup zyrtarësh të udhëhequr ex officio nga Plarent Ndreca, ish-Sekretar i Përgjithshëm i Ministrisë së Brendshme, i cili ka qenë Titullari i Autoritetit Kontraktor kanë kryer shkelje ligjore në fazat e tenderit për të shpallur fitues shtetasin Gjon Radovani, pavarësisht mospërmbushjes së kritereve ligjore nga ky i fundit.
Anëtarë të njësisë së prokurimit si Denisa Skënderaj, Lira Kolasi, dhe Blendi Kovi, së bashku me anëtarët e Komisionit të Vlerësimit të Ofertave, përfshirë Lindita Mukaj, Ferdinant Tarazhi, Silva Dauti, Grida Isufi, Deni Klosi, Jonarda Qurku kanë ndërmarrë veprime të qëllimshme për të devijuar procedurat ligjore të prokurimit. Gjithashtu, anëtarja e Komisionit të Shqyrtimit të Ankesave, Julia Hysa, dhe zyrtarët e tjerë të përfshirë si Elora Kokalari, dhe Aida Shehi, kanë kontribuar në devijimin e procedurave ligjore.
Një komision për marrjen në dorëzim të projektit, i përbërë nga Emiliano Mehmeti, Klejdi Meço dhe Erand Rrobaçi ka nënshkruar procesverbale të rreme për të justifikuar dorëzimin e projektit, ndërkohë që projekti përfundimtar nuk ishte realizuar.
Nga veprimet e paligjshme të kryera, shtetit i është shkaktuar një dëm financiar, i vlerësuar sipas kontratës në vlerën prej 34,248,000 lekë. Deri në këtë moment, kjo vlerë nuk është ezekutuar ndonëse përfituesi ka lëshuar faturat përkatëse për shkak të kundërshtimit/auditimit të Drejtorisë së Përgjithshme të Policisë së Shtetit mbi paligjshmëritë e evidentuara gjatë procesit.
Çështja ka 16 ish-zyrtarë të Ministrisë së Brendshme të dyshuar që janë hetuar dhe po procedohen në gjendje të lirë. Bëhet fjalë për procedura prokurimi të vitit 2019, mes tyre edhe rikonstruksione Komisariatesh, ku besohet se ka pasur abuzime me detyrën dhe ligjin, me dëme financiare.
Sali Berisha TIRANË- Kryetari i Partisë Demokratike Sali Berisha u shpreh se veprimi i tij tashmë është kryefjala e Sali Beri...
Selia e PD TIRANË- Menjëherë pas u njoftua lirimi nga "arresti shtëpiak" për kryedemokratin Sali Berisha, ka nisur entuziasmi nga ...
Berisha TIRANË- Kreu i Partisë Demokratike Sali Berisha ka mbërritur ditën e sotme në selinë blu, pasi u la i lirë....
Sali Berisha TIRANA- Kreu i Partisë Demokratike Sali Berisha ka mbërritur në oborrin e selisë blu ku është pritur nga mbë...
Sali Berisha TIRANA- Mediat e huaja i kanë kushtuar hapësirën e tyre në artikuj çështjes së heqjes së masës ...
Edi Rama TIRANË- Kryeministri Edi Rama ka deklaruar se digjitalizimi i Kadastrës në vend zgjidh shumë probleme për qytetarët....
Edi Rama TIRANË- Kryeministri Edi Rama ka deklaruar se në Bashkimin Evropian nuk shkohet si qeveri por si front institucionesh që ...
Sali Berisha TIRANA- Deputeti demokrat, Edi Paloka, mbajti një deklaratë para hyrjes në selinë blu ku komentoi heqje...
Edi Rama TIRANË- Kryeministri Edi Rama ka deklaruar se parlamenti duhet të jetë epiqendra e ndërveprimit intensiv për Ko...
Topalli TIRANË- Drejtuesja politike e Partisë Demokratike, Jozefina Topalli, ka reaguar pas vendimit të lirimit të kryeopozitarit, Sali...
