Aktualitet

Plas në ish-Bllok, sherr me armë zjarri tek “The Code”, si u terrorizua Tirana gjatë natës (Dëshmitë+VD)

Të shtëna me armë zjarri tek "The Code". Gjithçka nisi pas një sherri mes disa personave. 12 persona janë arrestuar, ndërsa 27 të tjerë janë shoqëruar për posedim kokaine dhe armëmbajtje pa leje. Policia e Shtetit mohon se ngjarja ka ndodhur duke rrëzuar dëshmitë dhe pamjet.
Featured image of article: Plas në ish-Bllok, sherr me armë zjarri tek “The Code”, si u terrorizua Tirana gjatë natës (Dëshmitë+VD) Pamje nga dje

TIRANË– Të shtëna me armë zjarri janë dëgjuar orët e para të mëngjesit në zonën e ish-Bllokut në kryeqytet.

Mësohet se një sherr me arme zjarri ka ndodhur ndodhur në lokalin The Code pas një konflikti mes disa personave që ishin brenda ambienteve të “clubit”.

Burime për Dosja.al bëjnë me dije se gjatë ndërhyrjes së Policisë në lokalin e natës, 12 persona janë arrestuar, ndërsa 27 të tjerë janë shoqëruar për posedim kokaine dhe armëmbajtje pa leje.

Në përpjekje për të mësuar më shumë detaje lidhur me ngjarjen, Dosja.al ka kontaktuar me zëdhënësin e Policisë së Shtetit, Gentian Mullaj. Ky i fundit ka mohuar ngjarjen duke u shprehur se nuk kishte ndodhur asnjë ngjarje e tillë.

“Ishte një telefonatë nga një qytetar ajo që dha alarmin për persona me armë. Por doli e rremë. Arrestimi me Audi nuk ka asnjë lidhje me ngjarjen,”-tha për Dosja.al Mullai.  

Për më shumë bëhu pjesë e grupit më viral në Facebook, Dosja.al

Ndërkohë sipas dëshmitarëve në vendin e ngjarjes, forcat “Shqiponja” kanë mbërritur me urgjencë dhe neutralizuan personat e përfshirë në ngjarje. 

JOQ ka publikuar edhe videon e arrestimit të një “të forti”, i cili u nxorr me forcë nga makina e tij dhe u shoqërua drejt Komisariatit. 

Kjo nuk është hera e parë që një ngjarje e tillë ndodh në një klub nate në Shqipëri. Vetëm pak javë më parë e njëjta situatë ishte edhe në Jalë. Një sherr mes dy grupeve ndodhi pas mesnate, ngjarje e cila gjithashtu u mohua nga Policia e Vlorës.

(k.m/dosja.al)

  • 9:53

    'Pati një krismë të madhe', dëshmia pas sherrit me armë në ish-Bllok: Një polic erdhi me kallash, nuk zgjati 5 minuta...

    Forcat “Shqiponja”

    Pas sherrit me armë zjarri tek “The Code” gjatë orëve të para të mëngjesit, vijnë dëshmitë e para nga të pranishmit.

    Sipas dëshmivë që qytetarë kanë dhënë për JOQ, forcat “Shqiponja” kanë mbërritur në vendngjarje në kohë rekord.

    “Unë isha në fund dhe pati një krismë me armë. Nuk zgjati 5 minuta nga ulërimat e sherrit dhe më pas erdhi policia. Erdhën “Shqiponjat” me motora e sirena dhe ca policë me kallash në dorë duke vrapuar,”-tha një prej dëshmitarëve. 

  • 9:45

    Dalin pamjet pas sherrit me armë te ‘The Code’/ Shqiponjat arrestojnë të “fortin” me Benz (VIDEO)

    Dalin pamjet e para pas sherrit me armë te ‘The Code’. JOQ ka siguruar pamjen e arrestimit të një personit, identiteti i të cilit ende nuk dihet.

    Siç duket edhe nga pamjet, Shqiponjat kanë nxjerrë nga makina “fortin” me Benz, i cili në momentin e ndalimit nga Policia ishte në vendin e pasagjerit.

Shto Koment