Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
LUSHNJE – Formulari i dekriminalizimit ka shkaktuar sërish përplasje mes Partisë Demokratike dhe koalicionit “Shtëpia e Lirisë”. Sekretari i Përgjithshëm i PD-së, Gazment Bardhi ka kërkuar nga Komisioni Qendëror i Zgjedhjeve hetimin të shkuarës së kandidatit për kryebashkiak në Lushnje, Elton Bano, për të cilin pretendon se është dënuar në Britaninë e Madhe. Sipas Bardhit, në vitet 1998-2000, Bano është dënuar me burg për grabitje, gjë që nuk e ka deklaruar në vetëdeklarim.
“PD kërkon verifikim për Elton Bano. Kandidati i LSI-PDK fshehu dënimin për vjedhje në Angli të përjashtohet nga kandidimi. Partia Demokratike i kërkoi KQZ-së verifikimin sipas ligjit të dekriminalizimit të kandidatit të LSI-PDK në Lushnjë Elton Bano. PD ka të dhëna se ai ka fshehur një dënim për vjedhje në Britaninë e Madhe. “Sipas informacioneve të verifikuara në rrugë konfidenciale nga Partia Demokratike, rezulton se shtetasi Elton Ilir Bano, i datëlindjes 24.07.1978 ka qenë i proceduar dhe i dënuar në Britaninë e Madhe për kryerjen e veprës penale të vjedhjes, në periudhën 1998-2000.”- thuhet në kërkesën e PD drejtuar KQZ-së. PD thekson se këto të dhëna janë fshehur qëllimisht në deklarimin e kandidatit, një fakt që sjell përjashtimin e menjëhershëm të tij.“Fshehja e këtyre të dhënave ka qenë me qëllim për të penguar institucionet të kryejnë verifikimin.”-thuhet në kërkesën e PD për verifikimin e Elton Banos, kandidat i LSI-PDK për Bashkinë e Lushnjës. 3 vitet e fundit, PD ka bërë kërkesa për verifikime të përfaqësuesve te PS në disa Bashki pas zgjedhjeve të Qershorit 2019 dhe të gjitha faktet e bëra publike kanë rezultuar të vërteta,”-shkruan Bardhi.
Ndërkohë që nuk ka munguar edhe përgjigjia e Elton Banos. Kandidati në fjalë përgënjeshtroi akuzat nga selia blu se ka fshehur të dhënat e dënimit për grabitje në Britaninë e Madhe, duke pretenduar se nuk ka qenë i dënuar për asnjë vepër penale asnjëherë gjatë jetës së tij. Ndërsa sqaron se ka qëndruar si emigrant deri në vitin 2010 pasi i përfundonte lejeqëndrimi. Në deklaratën e tij të publikuar në Facebook, kandidati i “Shtëpisë së Lirisë” për Lushnjen premton se do ta ndjekë çështjen në fjalë në gjyq duke paditur Partinë Demokratike për shpifje dhe prishje imazhi.
“Deklaroj se nuk kam qënë kurrë i dënuar për asnjë vepër penale në asnjë nga shtetet ku kam qëndruar ndryshe nga kandidatët e Bravës. • Deklaroj se në Angli kam jetuar si cdo emigrant i ketij vëndi dhe kam poseduar leje qëndrimi që më lëjonte të shkoja e të vija deri në vitin 2010. • Deklaroj se të gjitha portalet gjobvënëse në posedim të krimit, qeverisë apo Bravës do marrin pergjigjen e merituar në 6 Mars e do pergjigjen para ligjit. Sulmi politik i sotëm për mua është një sulm personal që padyshim do ndiqet në rrugë ligjore për shpifje dhe prishje imazhi parashikuar nga neni 120/2 i Kodit Penal. Përgjigjen sot po e jap për personin më të rëndesishëm në jetën time, që sot e kam larg vetes në vendin ku po kurohet që ju po prap nuk hezituat ta përdornit për shpifjet tuaja,”-i përgjigjet Bano.
Postimi i Elton Banos:
DEKLARATË Lushnje, 22 Shkurt 2022. Unë, Elton Bano kandidat I kualicionit ‘’Shtëpia e Lirisë’’ për bashkinë Lushnje dua fillimisht të falenderoj çdo bashkëqytetar lushnjar, çdo përkrahës, të rinj dhe të reja, burra dhe gra qe I jeni bashkuar fushatës time në mënyrën më profesionale të mundshme. E ndjej që sot për herë të parë të reagoj për një shpifje dhe baltën që po mundohen të hedhin mbi mua për të disatën herë rradhazi. Lushnja dhe bashkëqytetarët e mi më njohin dhe e dinë se mua nuk më përndjekë asnjë e shkuar e errët, e dinë se misioni politikë që kam ndermarrë në të vertetë është një mision për qytetin ku jam lindur dhe rritur, shkolloj fëmijët dhe bashkëjetoj më prindërit e mi tashmë në pension. Pergjigja ime nuk i drejtohet as Gazrave të cilët vijnë ende aromë kimikatesh nga ato që sulmuan demokratët në 8 Janar e as personit që më pantallona të shkurtra në 20 Shkurt rrëzoi bustin e Enver Hoxhes. Une i drejtohem të gjithë qytetarëve të ndershëm lushnjar, prindërve dhe femijëve te mi. • Deklaroj se nuk kam qënë kurrë i dënuar për asnjë vepër penale në asnjë nga shtetet ku kam qëndruar ndryshe nga kandidatët e Bravës. • Deklaroj se në Angli kam jetuar si cdo emigrant i ketij vëndi dhe kam poseduar leje qëndrimi që më lëjonte të shkoja e të vija deri në vitin 2010. • Deklaroj se të gjitha portalet gjobvënëse në posedim të krimit, qeverisë apo Bravës do marrin pergjigjen e merituar në 6 Mars e do pergjigjen para ligjit. Tentativa juaj e pashpresë për të përbaltur emrin tim do të shkërrmoqet ashtu si është shpërbërë kredibiliteti juaj tek qytetaret lushnjarë. Ju bëj me dije dhe ju këshilloj që mijëra eurot të cilat i shpërdoroni duke krijuar filma mbi jetën time ti përdorni për kauza sociale e bamirësie. Pavarsisht çdo tentative të bërë deri tani, pavarsisht dëshirës tuaj të dëshperuar për të penguar fushatën tonë model, të pastër, të ndershme duke trokitur derë më derë, dukë u ulur përkrahë qytetarëve të cilët nuk kanë nguruar të na shohin dritë shprese dhe ndryshimi, pavarsisht çdo gjëje të keqe që po planifikoni në dëshpërim e sipër nga humbja e thellë,une nuk mund të lejoj të luhet pisët me emrin tim nga disa të pafe që politikën nuk e shohin si dicka tjetër veçse zhvatje e popullit shqiptarë dhe perfitime personale. Sulmi politik I sotëm për mua është një sulm personal që padyshim do ndiqet në rrugë ligjore për shpifje dhe prishje imazhi parashikuar nga neni 120/2 i Kodit Penal. Përgjigjen sot po e jap për personin më të rëndesishëm në jetën time, që sot e kam larg vetes në vendin ku po kurohet që ju po prap nuk hezituat ta përdornit për shpifjet tuaja. Zemra e babit, sa gjysmën e guximit dhe forcës tënde të kishin këta mjeranë Lushnja dhe Shqipëria nuk do ishin në këto kushte. Rrofte Demokracia! Rrofte Shqiperia! Rroftë Lushnja dhe lushnjarët!
Në një kohë kur zgjedhjet e pjesshme lokale zhvillohen kryesisht prej “djegies” së disa prej kryebashkiakëve socialistë që nuk kishin deklaruar dënimet e tyre të mëparshme, para se t’i futeshin politikës, duket se probleme ka edhe kandidatët e rinj. Përveç Banos që u denoncua sot, edhe Ferdinand Saraçi, kandidati i PD për Rrogozhinës, rezulton se është dënuar. Por ky i fundit e ka deklaruar dënimin e tij në formular, megjithatë hetimet kanë nisur edhe për të, ndërsa priten informacione të tjera nga Italia.
(k.m/d.v/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Kryetarja e Komisionit Hetimor për Inceneratorët, Jorida Tabaku kërkoi gjatë mbledhjen ndërhyrjen e Gardës pasi pretendon se kryebashkiaku i ...
TIRANË– Kryebashkiaku i Tiranës, Erion Veliaj ka dhënë dëshminë e tij në Komisionin e Inceneratorëve për atë të Tiranës, duke shpjeguar mënyrën sesi ...
TIRANË– Nënkryetari i Lëvizjes Socialiste për Integrim, Petrit Vasili ka reaguar pas dëshmisë së kryebashkiakut Erion Veliaj në Komisionin Hetimor pë...
TIRANË– Kryetari i Bashkisë së TIranës, Erion Veliaj ka përmendur ish-homologun e Kavajës, Isa Sakja lidhur me çëështjen e inceneratorëve. Sip...
TIRANË– Kryebashkiaku Erion Veliaj në dëshminë në Komisionin Hetimor Parlamentar ka vijuar përplasjen e ashpër me kryetaren Jorida Tabaku. Në fjalën ...
SHKODËR– Ish-kryeministri Sali Berisha komentoi edhe një herë deklaratën e ambasadores amerikane Yuri Kim pasi ajo u kujtoi dje kandidatëve shpalljen...
TIRANË- Kryebashkiaku i Tiranës Erion Veliaj dhe kryetarja e Komisionit Hetimor për Inceneratorët, Jorida Tabaku kanë nisur debat të ashpër që në fillim të...
TIRANË– Ministrja e Financave dhe Ekonomisë Delina Ibrahimaj pranoi ditën e sotme mundësinë e rritjes së mëtejshme të çmimeve të karburanteve,...
TIRANË– Ministrja e Financave dhe Ekonomisë, Delina Ibrahimaj, deklaroi ditën e sotme se do të merren parasysh kërkesat e shoqatës së transporit. Gja...
TIRANË- Partia Demokratike akuzon ish-kryeministrin Sali Berisha, të cilin e etiketojnë si “non grata”, se po vijon me sulmet komisionit hetimor të incene...
