Aktualitet

Vrasjet e njëpasnjëshme në vend, autorët "pa gjurmë"! Lala: Policia merret me monopatinat! Mjafton të dëgjosh ulërimat e motrës së Mond Mëhallës, këkonte të shkonte te vëllai...

 E ftuar në emisionin “Të Paekspozuarit” në MCN TV, Lala deklaroi se policia kufizohet në marrjen në pyetje të personave të skeduar dhe në trajtimin e disa pistave “në letër”, por mungon puna reale hetimore, vëzhgimi dhe përgjimi i elementëve të dyshuar.

1 Dhjetor 2025, 21:58 Nga M.L
Vrasjet e njëpasnjëshme në vend, autorët "pa
Foto nga emisioni

TIRANA- Gazetarja Klodiana Lala ka ngritur kritika të forta ndaj mënyrës si po funksionon Policia e Shtetit, duke theksuar se strukturat e rendit po merren me veprime rutinë dhe propagandistike, ndërkohë që krimet e rënda vijojnë të ndodhin pa u parandaluar.

 E ftuar në emisionin “Të Paekspozuarit” në MCN TV, Lala deklaroi se policia kufizohet në marrjen në pyetje të personave të skeduar dhe në trajtimin e disa pistave “në letër”, por mungon puna reale hetimore, vëzhgimi dhe përgjimi i elementëve të dyshuar.

Gazetarja solli si shembull ngjarjen e rëndë të mbrëmjes së djeshme në Elbasan, ku vrasja e Mondi Mëhallës shkaktoi skena të rënda në familjen e tij, ndërsa sipas saj institucionet sot janë fokusuar te kontrollet për ndërtimet pa leje dhe njoftimet propagandistike.

Lala thekson se drejtues të lartë të policisë, përfshirë Ministrinë e Brendshme, në vend që të merren me parandalimin e krimit, po i kushtojnë vëmendje çështjeve dytësore si monopatinat. Ajo theksoi se brenda Policisë së Shtetit ka përplasje të forta dhe konflikt të hapur mes drejtuesve, sidomos pas ndryshimeve të bëra nga drejtori Ilir Proda.

Klodiana Lala: Policia ka mbetur te disa veprimeve rutinë për Rinasin, merr pyet persona të skeduar, ndalet te disa pista në letër. Nuk bën punë hetimore për të mbajtur persona në vëzhgim dhe përgjim.

Mbrëmë në Elbasan, mjafton të shihje motrën e Mond Mëhallës, moment tragjik, kërkonte të shkonte te vëllai, ulërimat, sot Ministria e Brendshme dhe Policia, sillnin njoftime se po kontrollohen ndërtimet pa leje, bëjnë propagandë. Del ministrja dhe drejtori i Policisë, në vend të parandalojën krimet, flasin për monopatinat. Nuk mund të merret drejtori i përgjithsëhm i Policisë, drejtuesit e qarqeve,të bëjnë luftë klanesh me njëri tjetrin. Duhet strukturë policore e mirfilltë, sepse parandalimi ka vdekur, por të paktën hetimet, që një hetues pastaj ta hapë nesër. Këtu na serviren ndërtimet pa leje dhe monopatinat.

Ka përplasje shumë të forta në polici. Kur erdhi zoti Proda bëri konkurs fiktiv, i emëroi, por tani nuk do ti mbajë sepse disa nuk i ka nën kontroll. Është luftë e hapur. Si po merren gradat? Paradhoma e Ilir Prodës, është me grada të pamerituara, të nesërmen do ti kesh të gjithë drejtorë. Tjetra, kemi një sërë zyrtarësh që po përballen me SPAK. Në terren, ka një sërë problematikash. Si ngrihen ndërtimet pa leje? Me bekimin e policisë, ndër të tjera.

E dini çfarë ndodh me inertet? Secili shef komisariati merr para. AMP duhet të hetojë për këtë. Në Policinë e Shtetit, një grup profesionistësh të mirë janë dërguar në Akademinë e Policisë, janë lënë për orekse pushteti dhe parash. Për para, influencë, territor, për këto gjëra zihen./ Dosja.al

klodiana lala policia e shtetit mondi mëhalla alias edmond hyka

Sondazh

Poll

MË SHUMË