Aktualitet

Vrasja e dyfishtë në Kosovë/ Autori dhëndri i familjes, shkoi në shtëpi për të marrë gruan por...

Ngjarja dyshohet se ka pasur motiv familjar, i cili kishte filluar më herët mes palëve. I dyshuari, sipas hetimeve paraprake, sot ka shkuar në shtëpinë e viktimave për të marrë gruan e tij. Por, pasi është larguar disa metra, ai është kthyer përsëri dhe ka hapur zjarr ndaj dy vëllezërve që ndodheshin para derës së shtëpisë.

6 Nëntor 2025, 13:21 Nga E. D
Vrasja e dyfishtë në Kosovë/ Autori dhëndri i familjes,
foto ilustruese

KOSOVË- Detaje të reja janë zbardhur lidhur me vrasjen e dy vëllezërve në fshatin Golluboc të Malishevës. Bëhet me dije se autori i krimit Astrit Isufi, i cili është në arrati është dhëndri i viktimave. Sipas informacioneve fillestare, viktimat janë të moshave rreth 32 dhe 45 vjeç, të cilët janë qëlluar me armë zjarri para shtëpisë së tyre.

Ngjarja dyshohet se ka pasur motiv familjar, i cili kishte filluar më herët mes palëve. I dyshuari, sipas hetimeve paraprake, sot ka shkuar në shtëpinë e viktimave për të marrë gruan e tij. Por, pasi është larguar disa metra, ai është kthyer përsëri dhe ka hapur zjarr ndaj dy vëllezërve që ndodheshin para derës së shtëpisë.

Të dy kanë ndërruar jetë si pasojë e të shtënave, njëri në vendin e ngjarjes e tjetri rrugës. Dyshohet se edhe vëllai i të dyshuarit kishte pasur konflikte të mëhershme me viktimat, të cilat mund të kenë shkaktuar rëndimin e situatës dhe shpërthimin e dhunës fatale sonte.

Sipas mediave të Kosovës, trupat po dërgohen për ekzaminim, ndërsa  dyshuari është në kërkim dhe po zhvillohen veprime të shpejta operative për kapjen e tij. Sakaq, Policia dhe Prokuroria janë në vendngjarje dhe po punojnë për zbardhjen e plotë të ngjarjes./Dosja.al

astrit isufi vrasja ne kosove

Sondazh

Poll

MË SHUMË