Sipas tij, si gjatë martesës dhe pas saj, ai kurrë nuk ka dhunuar apo qoftë të ketë prekur një fije floku të ish-bashkëshortes së tij, Fatbardha Ulbrich, e cila në Shqipëri njihet me emrin artistik Maya.
TIRANË- Pas lajmit se këngëtarja e muzikës popullore Maya ishte dhunuar nga bashkëshorti i saj Arben Shuaipi, ka reaguar ky i fundit duke hedhur poshtë të gjithë versionin e servirur nga këngëtarja. Gjatë një bisede telefonike me redaksinë e “Ora News”, biznesmeni Arben Shuaipi, thotë se ai prej disa vitesh jeton dhe punon në Itali si arkitekt dhe s’ka asnjë mundësi të dhunojë fizikisht apo psikologjikisht, ish-gruan e tij.
Sipas tij, si gjatë martesës dhe pas saj, ai kurrë nuk ka dhunuar apo qoftë të ketë prekur një fije floku të ish-bashkëshortes së tij, Fatbardha Ulbrich, e cila në Shqipëri njihet me emrin artistik Maya. Më tej ky i fundit shton se ish-bashkëshortja i bën këto taktika juridike, për ta baltosur para organeve të ligjit në Shqipëri, me qëllim krijimin e pengesave për të takuar djalin dhe më tej të rrëmbejë pronësinë e dy vilave luksoze që ndodhen në 2 komplekse rezidenciale.
“...në muajin Mars 2024, gjyqtarja Fahrije Stringa ka marrë një vendim për lëshimin e një urdhër-mbrojtje në favor të “Majës”, e cila pretendonte se unë e kisha dhunuar. Gjykata ka caktuar që unë të qëndroj 200 metra larg ish-gruas time. Së pari ky vendim është tërësisht antiligjor, pasi është marrë pa prezencën time dhe pa më dëgjuar mua si palë e paditur. Së dyti unë jam me qindra kilometra larg ish-gruas dhe jo 200 metra siç thotë gjykata, pasi jetoj në Itali ku punoj si arkitekt. S’mund të dhunoj gruan në shtëpi apo rrugëve të Tiranë, kur fizikisht nuk jam as në shtëpinë e saj dhe as në Tiranë, por në një shtet të huaj siç është italia. Ne si ish-burrë e grua na bashkon vetëm djali ynë pasi tashmë jetojmë në dimensione dhe vende të ndryshme...” - ka treguar për Arben Shuaipi.
“Unë kam heshtur dhe kam menduar që konfliktin tonë familjar ta zgjidhnim me mirëkuptim dhe përmes ligjit, duke parë dhe të mirën e djalit, që është pasuria jonë më e çmuar. E gjithë lufta bëhet për djalin, dhe vilat tona që janë në komplekse rezidenciale. Maja mua kërkon të më nxjerrë totalisht nga pronësia e këtyre dy pasurive në Tiranë, njëherësh të më ndalojë dhe takimin me fëmijën. Maja, me sa duket e këshilluar nga mendje të tjera lakmitare ka vendosur të publikojë në media një konflikt familjar tonin, vetëm me qëllimin për të më diskredituar dhe mos lejuar që unë të takoj djalin. Në Shqipëri vij vetëm për të takuar fëmijën tim, madje as gjyqet kam filluar të mos i ndjek duke ja lënë në dorë mbrojtjen avokates time...” ka treguar Arben Shuaipi.
Ndërkohë ditën e sotme është zhvilluar seanca e radhës e përballjes gjyqësore mes çiftit Arben dhe këngëtares Maja në Gjykatën e Tiranës, ku gjykata i la kohë palëve që të sjellin analizat toksikologjike dhe çdo provë tjetër shkresore që ato çmojnë të nevojshme. Ndërsa pritet që në 14 Maj 2024 të dorëzohet dhe akti i ekspertimit psikologjik i fëmijës.
Bon Jovi dhe Dorothea SHBA- Këngëtari amerikan Jon Bon Jovi ka pranuar se e ka kaluar kufirin disa herë gjatë martesës së...
Beyonce SHBA- Ndërsa albumi i Beyoncé-s në country 'Cowboy Carter' vazhdon të jetë në krye të Billboard 200, nj&e...
Kanye dhe Michelle SHBA- Reperi Kanye West zbuloi në një intervistë të re se do të donte të bënte seks me ish-zonj&...
Amber Heard SPANJË- Aktorja Amber Heard ka disa kohë që ndodhet në Spanjë dhe sipas shtypit spanjoll ajo tani banon në i...
Kim Kardashian SHBA- Kim Kardashian është si të gjithë ne, dhe këtë e vërteton fakti që ndjek disa rutina dhe ...
John Lennon SHBA- Një kitarë e përdorur nga John Lennon në regjistrimin e albumit të “The Beatles” dhe filmit &ld...
Megan Thee Stallion SHBA- Këngëtarja Megan Thee Stallion u padit së fundmi nga një ish-punonjës i cili e akuzoi për krij...
Sydney Sweeney HAWAII- Aktorja seksi e “Euphoria”, Sydney Sweeney është ende në Hawaii me pushime dhe duke ndarë foto ...
Alec Baldwin SHBA- Fotot e reja nga episodi i djeshëm ku aktori Alec Baldwin thyen celularin e një gruaje që i kërkoi atij të...
Bella dhe Gigi SHBA- Supermodelja Gigi Hadid kishte ditëlindjen dhe një mori njerëzish të modës e më shumë e uruan ...