Art&Argëtim

U gjet në një papafingo pas 50 vitesh, kitara e John Lennon del në ankand me një shifër marramendëse

Kitara akustike me 12 tela nuk ishte parë apo luajtur për më shumë se 50 vjet përpara se të rizbulohej në shtëpinë e një çifti britanik.

24 Prill 2024, 14:32 Nga S.B
U gjet në një papafingo pas 50 vitesh, kitara e John Lennon del
John Lennon

SHBA- Një kitarë e përdorur nga John Lennon në regjistrimin e albumit të “The Beatles” dhe filmit “Help!” del në ankand pasi u gjet në një papafingo. Kitara akustike me 12 tela nuk ishte parë apo luajtur për më shumë se 50 vjet përpara se të rizbulohej në shtëpinë e një çifti britanik.

Tani do të dalë në ankand ku vlerësohet të arrijë nga 485,000 deri në 647,000 paund. Organizatorët e ankandit besojnë se mund të vendosë një rekord të ri botëror për kitarën më të shitur të Beatles.

Modeli Hootenanny, i bërë nga firma gjermane Framus, u përdor nga grupi i Liverpool-it në 1965 Help! film, konkretisht në skenën kur grupi performon ‘You've Got To Hide Your Love Away’.

“Të gjesh këtë instrument të jashtëzakonshëm është si të gjesh një Rembrandt ose Picasso të humbur, dhe ende duket dhe luan si një ëndërr pasi është ruajtur në një papafingo për më shumë se 50 vjet”, tha Darren Julien, bashkëthemelues dhe drejtor ekzekutiv në shtëpinë e ankandeve Julien's Auctions.

Julien's Auctions ka shitur më parë një kitarë akustike të Lennon-it për 2.4 milionë dollar, kompleti i daulleve të Ringo Starr-it Ludwig u ble për 2.2 milionë dollar dhe një bas i baterisë Ludwig i përdorur në The Ed Sullivan Show u shit në ankand me 2 milion dollarë.

john kennon kitarë akustike

Sondazh

Poll

MË SHUMË