Aktualitet

VD-Zbulohet depo për modifikim armësh në Tiranë, 2 të arrestuar. Policia: Do shiteshin për vrasje

Zbulohet depoja e armëve në Tiranë. Vila me tre kate ishte kthyer në një vend të sigurtë për fshehjen dhe modifikimin e armëve që më pas dyshohet se përdoreshin për ngjarje kriminale.

16 Qershor 2022, 09:35 Nga k.m.
VD-Zbulohet depo për modifikim armësh në Tiranë, 2 të
Pamje nga armët e gjetura

TIRANË-  Policia e Tiranës ka zbuluar një depo që merrej me modifikimin e armëve të zjarrit në zonën e Yzberishtit, në periferi të kryeqytetit. Vila me tre kate ishte kthyer në një vend të sigurtë për fshehjen dhe modifikimin e armëve që më pas dyshohet se përdoreshin për ngjarje kriminale. Gjatë operacionit të Policisë së Tiranës, mbrëmë në pranga kanë përfunduar 30-vjeçari Ervis Bakalli dhe Dorian Kalo, 45 vjeç, të dy banues në Tiranë.

Dy të rinjtë janë kapur në flagrancë duke modifikuar armët në një prej dhomave të vilës, në pronësi të Bakallit, ndërsa në të njëjtën shtëpi jetonin edhe një çift. Por nuk dihet lidhja me të pranosurin. Gruaja ka bërë me dije se nuk e kishte idenë çfarë kishte ndodhur në banesën ku ajo banonte, ndërsa shtoi se makineritë nuk i kishte parë kurrë. Të dy akuzohen se armët i modifikonin dhe më pas i shisnin për përdorim në ngjarje të caktuara kriminale.

Sipas Policisë, dyshohet se këto armë modifikoheshin dhe më pas shiteshin tek persona me precedentë të theksuar kriminal dhe shiteshin me qëllim për të vrarë. Në gamën e gjerë të tyre kishte: pistoleta, silenciator, shotgan, celularë dhe pjesë të ndryshme të municioneve luftarake që përdoreshin për montimin e armëve. Të gjitha do të dërgohen në laborator për ekspertizë, për të parë nëse janë përdorur për ndonjë ngjarje kriminale të mëparshme.

Dorian Kalo nuk është një emër i panjohur për drejtësinë. Ai rezulton se edhe më parë është marrë me riparimin e armëve të zjarrit të llojeve të ndryshme, të cilat i modifikojnë duke i riparuar dhe duke i ndërruar pjesët e tyre për ti bërë funksionale.

Në dëshminë e bashkëpunëtorit të drejtësisë Enver Jamakut, ai rrëfeu tregoi para hetuesve se Admir Kuçuku, Akil Kulla, Klodian Kulla, Dorian Kalo, Sokol Xhura, Algert Hysa, Dervish Hasi, Ervin Kalaja, Mentor Doda, Eugert Manushi, Artur Muhedini, Enes Hasi, Petrit Shera dhe Ilir Hyka, disponojnë ose i marrin nga uzina e riparimit të armëve ushtarake, armë zjarri të llojeve të ndryshme, të cilat i modifikojnë, duke i riparuar dhe ndërruar pjesët e tyre. Këto armë më pas i shisnin me porosi tek individë dhe anëtarë të grupeve kriminale, që i përdorin më pas për kryerjen e krimeve kundër jetës. 

 

policia e tiranës tirane depo me arme ne yzberisht operacioni silent

Sondazh

Poll

MË SHUMË