Aktualitet

U kapën 45.5 kg kokainë në kontejnerat me mish pule, kush janë dy të arrestuarit? (EMRAT)

Ata akuzohen për veprën penale “Trafikimi i lëndëve narkotike”, pas sasisë së kokainës e cila u gjet në Portin e Durrësit.

16 Qershor 2022, 09:16 Nga A.B
U kapën 45.5 kg kokainë në kontejnerat me mish pule, kush
Porti i Durresit

DURRËS- -Arben Ferizi, me detyrë administrator i kompanisë dhe Egert Vargu, me detyrë agjent doganor në Portin e Durrësit, janë dy personat e arrestuar nga policia e shtetit. Ata akuzohen për veprën penale “Trafikimi i lëndëve narkotike”, pas sasisë së kokainës e cila u gjet në Portin e Durrësit.

Mbrëmjen e djeshme, Dosja.al raportoi e para për kapjen e 45.5 kilogramë kokainë e ndarë në 40 pako në Portin e Durrësit. Lënda narkotike ishte e fshehur në një kontejner që vinte nga Brazili, i ngarkuar me mish pule. Secila pako peshonte nga 800-1400 gramë. Kamioni pasi u ndalua e pas kontrollit në skander është zbuluar se brenda kishte drogë që për destinacion kishte Maqedoninë e Veriut. Ngarkesa me mish po kalonte tranzit në Shqipëri dhe do të zbrazej në magazinën e një firme private në vendin fqinj. Droga mban të stampuar dy personazhë të filmit të animuar ‘Dragon Ball’, konkretisht personazhet ‘Goku’ dhe ‘Buda’, gjë që nënkupton se pritës të lëndës narkotike mund të kenë qenë dy persona.

45.5 kg kokaine ne durres arben ferizi egert vargu

Sondazh

Poll

MË SHUMË