Politike

Berisha: Policia dhunon gazetarin, i fshiu fotot që dokumentonin brutalitetin me tifozët

Sipas kryetarit të Partisë Demokratike dokumentohej dhuna e policisë ndaj tifozëve të Romës e Feynoord.

25 Maj 2022, 13:26 Nga DOSJA
Berisha: Policia dhunon gazetarin, i fshiu fotot që dokumentonin
Sali Berisha dhe Gent Shkullaku

TIRANË- Ish-kryeministri Sali Berisha ka denoncuar dhunimin e një gazetari në Tiranë. Në një postim në Facebook, Berisha shkruan se efektivët e policisë i kanë thyer aparatin fotografik gazetarit të LSA-së, Gent Shkullaku si dhe i kanë fshirë të gjitha fotot të kishte bërë. Në imazhe, sipas kryetarit të Partisë Demokratike dokumentohej dhuna e policisë ndaj tifozëve të Romës e Feynoord.

POSTIMI I PLOTE

Stop dhunës policeske brutale ndaj mediave! Narko-policia Rama-Çuçi keqtrajton fotoreporterin në detyrë të agjencisë LSA. Ajo i mori foto-reporterit përdhunisht mjetin e punës, aparatin fotografik në të cilin kishte fiksuar skena të brutalitetit të paparë të narko-policëve ndaj tifozëve dhe qytetarëve, dhe i fshiu të gjitha fotot e skenave të dhunës antiligjore dhe krimit shtetëror të falangave të narkos-ve me uniformë. I shpreh solidaritetin tim të plotë reporterit të dhunuar në krye të detyrës të agjencisë LSA. Dënoj me ashpërsinë më të madhe keqtrajtimin e fotoreporterit në detyrë nga narko-policia dhe ju bëj thirrje të gjitha agjencive dhe organizatave kombëtare dhe ndërkombëtare të mbrojtjes së mediave të denoncojnë Edi Ramën dhe narko-policinë si ndër dhunuesit më kryesorë të lirisë së mediave në Evropë.

Sot është finalja Europiane e Conferencë League. Në orën 21:00 Roma-Feyenoord do të përballen në stadiumin ‘Air Albania’ në Tiranë duke e kthyer këtë ndeshje në një moment historik për futbollin shqiptar. Nata e kaluar ishte nën terrorin e sulmeve të tifozëve në Tiranë. Si pasojë e dhunës së ushtruar nga tifozët e të dy skuadrave, u plagosën 10 efektivë dhe u dëmtua një automjet policie. Ndërkohë u shoqëruan 60 persona, 48 tifozë të Romës 12 të Feyenoord.

(F.m/dosja.al)

Sondazh

Poll

MË SHUMË