Aktualitet

Kush fshihet në Fier? Dumani ngre në këmbë Policinë e Shtetit, rinis aksioni

Ende nuk ka një rezultat nga ky aksion i policisë pasi është në vijim e sipër, por paraprakisht bëhet me dije se blutë po kërkojnë ‘kokat’ që dolën nga goja e Dumanit, por u shpëtuan prangave një ditë më parë.

20 Maj 2022, 22:00 Nga DOSJA
Kush fshihet në Fier? Dumani ngre në këmbë Policinë e
Kontrolle nga policia në Fier

FIER- Kur rrëfimeve të të penduarit Nuredin Dumani nuk u ka dalë ende fundit, Policia e Shtetit ka nisur një tjetër aksion. Mësohet se Fieri është ‘blinduar’ dhe kanë nisur kontrollet në thuajse në të gjitha mjetet që futen apo dalin nga ky qytet. Ende nuk ka një rezultat nga ky aksion i policisë pasi është në vijim e sipër, por paraprakisht bëhet me dije se blutë po kërkojnë ‘kokat’ që dolën nga goja e Dumanit, por u shpëtuan prangave një ditë më parë.

E gjithë dosja e Prokurorisë së Posaçme kundër Korrupsionit dhe Krimit të Organizuar lidhur me operacionin “Plumbi i Artë” me dy të penduarit Nuredin Dumani dhe Henrik Hoxhaj është zbardhur nga Dosja.al. Më shumë se 12 janë ngjarjet kriminale mendohet se janë zbardhur nga dëshmia e Nuredin Dumanit, pas arrestimit. SPAK ka goditur dje 8 grupe kriminale në Tiranë, Durrës dhe Elbasan dhe bëhet fjalë për krimet ndër më të rëndat në këto vitet e fundit, ekzekutime mafioze por edhe urdhra për vrasje. Por, 14 persona u kanë shpëtuar prangave.

14 personat e shpallur në kërkim:

1.Eljo (Ervis) Bitri,

2.Festim Qoli,         

3.Alban Bengasi,

4.Ervis Martinaj,

5.Elvin Merlika

6.Alket Xhixha

7. Marjus (Suel) Lulaj (Çela),

8.Agron (Kamber) Mehja,

9. Aleks Çela alias (Tom Qorri),

10. Talo Çela,

11. Agim Gjini,

12.Mikael Qosja (Kamami) (Stefo),

13. Florenc Çapia

14. Abedin Mama (Dine Çami)

(F.m/dosja.al)

Sondazh

Poll

MË SHUMË