Aktualitet

Raporti i 2021/ Çela: S'kam pasur në asnjë rast presion politik, prokurorëve nuk u falet

Olsian Çela shtoi se sot prokurorët trajtohen më mirë se në të gjitha kohërat, duke i cilësuar si “zotër” të hetimeve dhe të paprekshëm.

17 Maj 2022, 14:44 Nga DOSJA
Raporti i 2021/ Çela: S'kam pasur në asnjë rast presion
Olsian Çela

TIRANË- Prokurori i Përgjithshëm, Olsian Çela tha në fjalën e tij gjatë raportimit në Komisionin e Ligjeve u shpreh se ndaj tij nuk ka pasur kurrë asnjë presion politik. Në fjalën e tij, Çela shtoi se sot prokurorët trajtohen më mirë se në të gjitha kohërat, duke i cilësuar si “zotër” të hetimeve dhe të paprekshëm. Ndërsa shtoi se drejtuesit e Prokurorive duhet që të japin më shumë llogari.

“Prokurori i Përgjithshëm nuk ka pasur në asnjë rast presion politik, të asnjë lloji. Prokurorëve sot që trajtohen më mirë se kushdo, u garantohet çdo gjë, nuk u falet që të jenë robër të drejtuesve abuzues. Nuk u falet të jenë robër të presioneve të çdo lloji. Është e pafalshme. Meriton ndëshkim kushdo nga ata, i cili mund të gjejë 1 mijë justifikime për mosveprim. Prokurorët sot janë zotër të hetimit dhe duhet të bëjnë atë për të cilën janë ngarkuar të bëjnë. Nëse nuk bëjnë as këtë, atëherë mendoj se nuk është çështje ligjesh dhe sistemesh, por qenka çështje njerëzish. Ju me të drejtë thatë që për 30 vite dështuam me atë sistem dhe jam shumë dakord me ju. Jam dakord që duhet të forcojmë pavarësinë. Duhet t’i japim kohezion prokurorisë që të veprojë si një organ i tërë në kuptimin organizativ. Këto rekomandimet, rezolutat të mos shkojnë në vesh të shurdhër. Sepse unë nxjerr udhëzimin e përgjithshëm edhe po nuk e bëri drejtuesi mirë, po e bëri prapë mirë. Jo, jo ne duhet t’i mbajmë përgjegjës për atë gjë këta njerëz. Këta njerëz duhet të japin llogari dhe unë duhet të kem instrumentet që t’i bëj që të japin llogari para KLP sepse kështu funksionon sistemi. Këtë kërkon Prokurori i Përgjithshëm,”-tha ndër të tjera në fjalën e tij Çela.

Sot, në Kuvend është dorëzuar raporti vjetor i Prokurorit të Përgjithshëm mbi gjendjen e kriminalitetit për vitin 2021 që përfshin shifra për ligjin e dekriminalizimit, veprat penale si dhe përqindjen e qarqeve. Kryeprokurori Olsian Çela, problemi kryesor me të cilin përballet organi i akuzës është pastrimi i parave.

(k.m/dosja.al)

Sondazh

Poll

MË SHUMË