Politike

VD-Presidenti/ Balla: Mediu do të negociojë me të gjithë Opozitën, presim emra

Sipas Ballës, pas negociatave do të dilet me propozime konkrete nga ana e tyre për kandidatët për president.

13 Maj 2022, 13:43 Nga DOSJA
VD-Presidenti/ Balla: Mediu do të negociojë me të gjithë
Taulant Balla

TIRANË- Kreu i grupit parlamentar të Partisë Socialiste, Taulant Balla është shprehur se ka besin se Presidenti i ri i Republikës do të zgjidhet me koncensus. Në një prononcim për mediat, pas takimit që pati sot me kreun e Partisë Republikane Fatmir Mediu e Shpëtim Idrizin, Balla tha se do të jetë ai i pari që do të negociojë me të gjithë Opozitën. Sipas Ballës, pas negociatave do të dilet me propozime konkrete nga ana e tyre për kandidatët për president.

“Dua tju them që me të dy grupet parlamentare, ka pasur një gadishmëri për të hedhur në tavolinë emra konkretë. Zoti Mediu po bën një përpjekje për të ardhur me emra konkret, shpresoj që të ketë reagim dhe nga grupi parlamentar i PD, por tani nuk kemi më mundësi që të shtyjmë afatet, pasi në datë 16 është raundi i parë, nuk dua që të hyjmë sot në më shumë detaje, janë biseda shumë të frytshme. Të paktën me 2 nga 3 grupet ne jemi ulur në terma konkretë, kemi rënë dakord që të ulemi përsëri në ditët në vijim, madje në orët në vijim”, u shpreh Balla.

Balla priti sot Mediun e Alibeajn. Në takim nuk ishte i pranishëm Enkelejd Alibeaj. Të hënën është edhe raundi i parë i votimit për presidentin, ku socialistët pritet që të mos çojnë asnjë emër.

(f.m/dosja.al)

Sondazh

Poll

MË SHUMË