TIRANË– Këshilli i Ministrave ka firmoasur ditën e sotme paketën e rimbursimit të barnave COVID për të gjithë të prekurit nga pandemia në vendin tonë. Sipas VKM-së së publikuar, për të gjithë ata që kanë pasur simptoma të lehta do të marrin jo më shumë se 165 mijë lekë të vjetra, ndërsa të tjerët do të marrin thuajse 1 milion lekë të vjetra.
V E N D I M PËR MIRATIMIN E PAKETËS SË BARNAVE PËR TRAJTIMIN AMBULATOR NË BANESË TË PERSONAVE TË DIAGNOSTIKUAR ME COVID-19, QË DO TË FINANCOHET NGA FONDI I SIGURIMIT TË DETYRUESHËM TË KUJDESIT SHËNDETËSOR
Në mbështetje të nenit 100 të Kushtetutës dhe të pikës 6, të nenit 10, të ligjit nr.10383, datë 24.2.2011, “Për sigurimin e detyrueshëm të kujdesit shëndetësor në Republikën e Shqipërisë”, me propozimin e ministrit të Shëndetësisë dhe Mbrojtjes Sociale, Këshilli i Ministrave
V E N D O S I:
1. Rimbursimin e paketës së barnave për trajtimin ambulator në banesë për personat e diagnostikuar me COVID-19 nga Fondi i Sigurimit të Detyrueshëm të Kujdesit Shëndetësor.
2. Paketa e barnave për trajtimin ambulator në banesë të pacientëve të diagnostikuar me COVID-19 përbëhet nga dy skema trajtimi, në përputhje me formën e sëmundjes, sipas udhëzuesit të miratuar nga Komiteti Teknik i Ekspertëve.
3. Vlera e rimbursimit të paketës së barnave për skemën 1 të trajtimit (forma e lehtë) do të jetë jo më shumë se 1 650 (një mijë e gjashtëqind e pesëdhjetë) lekë.
4. Vlera e rimbursimit të paketës së barnave për skemën 2 të trajtimit (forma e mesme) do të jetë jo më shumë se 10 900 (dhjetë mijë e nëntëqind) lekë.
5. Mjeku i familjes, për personat e testuar pozitiv për Sars-Cov-2 (të konfirmuar nga institucionet shëndetësore publike përgjegjëse), në përputhje me formën e sëmundjes dhe indikacionet e përcaktuara në udhëzuesin e miratuar nga Komiteti Teknik i Ekspertëve, lëshon recetën me rimbursim, sipas rregullave të përcaktuara nga Fondi i Sigurimit të Detyrueshëm të Kujdesit Shëndetësor.
6. Për diagnozën COVID-19, e gjithë popullata konsiderohet përfituese nga skema e sigurimeve shëndetësore, duke u regjistruar dhe identifikuar si e siguruar.
7. Efektet financiare për zbatimin e këtij vendimi do të përballohen nga buxheti i Fondit të Sigurimit të Detyrueshëm të Kujdesit Shëndetësor.
8. Ngarkohen Ministria e Shëndetësisë dhe Mbrojtjes Sociale dhe Fondi i Sigurimit të Detyrueshëm të Kujdesit Shëndetësor për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në buxhetin e vitit 2021, janë përcaktuar 1.2 milionë lekë për subvencionimin e ilaçeve anti-Covid. Qeveria do të japë fondet për rimbursimin e ilaçeve COVID më 1 janar 2021.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Presidenti Ilir Meta e ka humbur pjesën e parë të ndeshjes së Kombëtares Shqiptare të Futbollit kundrejt skuadrës së Bjellorusisë. Teksa futej në s...
TIRANË– Këshilli i Lartë i Prokurorisë ka pezulluar aplikimet për plotësimin e vendeve vakante. Në një njoftim thuhet se ky vendim ka ardhur pas urdhrit t...
SHKODËR– Ministri i Brendshëm, Sandër Lleshaj ka deklaruar se Policia e Shtetit la nisur nga punë për aksionin anti-kanabis për vitin 2021, në mënyrë që të...
TIRANË– Kryetari i Partisë Demokrartike, Lulzim Basha, ka thënë se Shqipërisë i duhet një qeveri që nuk rri në Instragram, por në vijën e parë të luftës me...
TIRANË- Presidenti Ilir Meta ditën e sotme ka kërkuar që mjekët, infermierët dhe personeli shëndetësor në spitalet COVID, të mbështeten me ndihmë finaciar...
DURRËS- Kryeministri Edi Rama, ka inspektuar zonën e ish-Kënetës në Durrës ku po bëhen punime për rindërtimin e shtëpive të dëmtuara nga tërmeti i 26 në...
BRUKSEL– Eurodeputeti David Lega, raporteri për Shqipërinë në Parlamentin Europian dhe njëherazi përfaqësuesi i PPE, së bashku me dy eurodeputetë të tjerë i kan...
TIRANË- Partia Demokratike ka reaguar në lidhje me lajmet Bashkimi Europian refuzoi çeljen e negociatave.Ish-deputeti i Partisë Demokratike, Genc Po...
DURRËS– Kryeministri Edi Rama ka qenë në Durrës ditën e sotme, ku edhe ka vizituar dhe inspektuar nga afër disa pallate të rikonstruktuara pas tërmetit të ...
DURRËS– Kryeministri Edi Rama ishte i pranishëm ditën e sotme në Durrës prej nga pa më nga afër punimet e objekteve të dëmtuara nga tërmeti i një viti më p...