Aktualitet

Çelja e negociatave/ Ministri gjerman flet HAPUR: Shqipërisë i mbeten edhe dy kushte për t’u plotësuar

17 Nëntor 2020, 17:49 Nga DOSJA
Çelja e negociatave/ Ministri gjerman flet HAPUR: Shqipërisë i

BRUKSEL– Shqipëria ka ende dy kushte për të plotësuar, të cilat e pengojnë nga rruga drejt Bashkimit Europian. Detajet i ka konfirmuar ministri gjerman, Michael Roth në një prononcim për gazetaren e ABC, Erisa Zykaj. Sipas Roth, Shqipëria duhet që të plotësojë dy kushtet në mënyrë që të organizohet Konferenca e Parë Ndërqeveritare.

“Për Shqipërinë mbeten dy kushte për t’u plotësuar. Gjykata Kushtetuese duhet të jetë funksionale dhe zbatimi i Kodit Zgjedhor,”- ka thënë Roth.

PJESË NGA INTERVISTA:

Ndjeva që takimi i sotëm ishte për të arritur një përfundim të suksesshëm deri në fund të presidencës sonë, që do të thotë miratimin e kornizës negociuese dhe hapjen e konferencave të pranimit. Ka dy çështje të pazgjidhura dhe pjesa e konkluzioneve të këshillit të prillit. Së pari, krijimi i Gjykatës së Lartë për të bërë punën e saj dhe së dyti: zbatimin e reformës zgjedhore. Kjo është një temë e vështirë dhe puna e Gjykatës së Lartë ka të bëjë me procesin e Vettingut. Shqipëria është vend i vogël dhe kjo do të marrë ca kohë. Dhe sigurisht në një vend të polarizuar si Shqipëria ka konflikte politike. Kjo është e vërtetë për shumë vende. Është e vështirë të arrihet konsensusi për ligjin zgjedhor por Shqipëria është në rrugën e duhur. Nëse mundemi të kemi një përfundim të suksesshëm deri në fund të vitit, kjo është diçka që nuk mund ta them akoma. Bullgaria iu referua pikave të cilat i konsideron si të rëndësishme. Javën e kaluar Presidenca Gjermane është përpjekur, por nuk kemi arritur të bindim miqtë tanë bullgarë që të bien dakord për kornizën e negociatave. Ne po përpiqemi të krijojmë një pozicion të arsyeshëm, por nuk është vetëm në duart tona.

Më herët ministrat e çështjeve europiane të Bashkimit Europian, të cilët u mblodhën sot nuk kanë mundur të zhbllokojnë pengesën lidhur me aprovimin e kuadrit të negociatave me Shqipërinë dhe Maqedoninë e Veriut. Shqipëria nuk ka plotësuar ende kushtet, ndërsa Maqedonia e Veriut është penguar nga Bullgaria.

(k.m/dosja.al) 

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet celja e negociatave me be 2020 michael roth celja e negociatave me be 2020 michael roth

Sondazh

Poll

Aktualitet 17 Nëntor 2020, 17:18

Profesori i komunikimit Artan Fuga, në një intervistë në “News 24”, tregoi simptomat që kaloi, gjatë kohës që ishte i infektuar me Covid-19. Fuga u shpreh se ki...

Aktualitet 17 Nëntor 2020, 15:57

Humb jetën minatori në Minierën e Krastës

BULQIZË– Ka ndërruar jetë një tjetër minator në Bulqizë. Mësohet se minatori ka humbur jetën në minierën e Krastës, pasditen e sotme. Një masiv shkëmbor e ...

MË SHUMË