Aktualitet

Sot Shqipëria në karantinë! Covid-19 mbyll katër gjykata dhe infekton 128 arsimtarë brenda 24 orëve, shënohen 11 viktima

11 Nëntor 2020, 06:42 Nga DOSJA
Sot Shqipëria në karantinë! Covid-19 mbyll katër gjykata dhe

TIRANË– Nis mbyllja e dytë për Shqipërinë prej pandemisë së koronavirusit. Masat për të frenuar përhapjen e koronavirusit kanë hyrë në fuqi ditën e sotme deri më 2 dhjetor. Siç edhe u lajmërua më herët nga Dosja.al, duke nisur nga sot bizneset e llojit bare apo restorante, pas orës 22:00 do të duhet të mbyllin dyert deri në orën 06:00 për çdo ditë, dhe gjithashtu nuk lejohet as qarkullimi i qytetarëve. Masat ndëshkuese që do të merren për ata që nuk i binden karantinës, do të jenë të njëjtat me ato të lëshuara në aktin normativ të datës 25 mars. 

Dosja.al ka shpjeguar me detaje edhe mënyrën e marrjes së lejes së posaçme nga çdo person që do t’i duhet të lëvizë pas orës 22:00-06:00 deri në datën 2 dhjetor, ditë kur dhe përfundon karantina e pjesshme. Për ta marrë këtë leje, duhet të logoheni në llogarinë tuaj në portalin ‘E-Albania’ dhe të klikoni në opsionin ‘leje për dalje’. Pasi të zgjidhni shërbimin “Leje për dalje”, klikoni butonin “Përdor” e më pas përzgjidhni llojin e lejes që ju nevojitet;

Në rast se ju nevojitet leje për punë:

– Përzgjidhni opsionin “Leje për punë”;
– Përzgjidhni mënyrën e qarkullimit “Me mjet” ose “Pa mjet”
– Në rast se do të përzgjidhni opsionin “Qarkullim me mjet”, nëse mjeti është në pronësinë tuaj, do t’ju shfaqet automatikisht ne listë për përzgjedhje;
– Nëse mjetinuk është në pronësinë tuaj, plotësoni të dhënat duke vendosur targën dhe numrin e shasisë së tij me të cilin do të kryeni lëvizjen;
– Klikoni butonin “Dërgo” për finalizimin e aplikimit tuaj;
– Autorizimi do të miratohet vetëm për punonjësit e bizneseve, që lejohen të ushtrojnë aktivitetin e tyre sipas akteve normative
– Miratimi do të dërgohet në moment adresën e-mail që keni përdorur për regjistrimin në portalin në e-Albania dhe është i vlefshëm gjatë gjithë javës;
– Në rast se dëshironi të përdorni një email tjetër, ju duhet ta ndryshoni në rubrikën “Hapësira Ime” duke klikuar: Ndrysho të dhënat e llogarisë.

Në rast se ju nevojitet leje për arsye të domosdoshme:

– Përzgjidhni opsionin “Leje për arsye të domosdoshme”;
– Shkruani saktë datën dhe arsyen e lëvizjes;
– Nëse lëvizja për arsye të domosdoshme do të bëhet me mjet, lutemi shtoni në aplikimin tuaj të dhënat e tij: Targën dhe numrin e shasisë ;
– Miratimi do të dërgohet në moment adresën e-mail që keni përdorur për regjistrimin në portalin në e-Albania
– Në rast se dëshironi të përdorni një email tjetër, ju duhet ta ndryshoni në rubrikën “Hapësira Ime” duke klikuar: Ndrysho të dhënat e llogarisë.

Edhe bilanci i Covid-19 sa vjen e rëndohet. Sot janë shënuar 11 vitkima të tjera, mes tyre edhe 69-vjeçari që një ditë më parë, mori vendimin të vetëhidhej nga Spitali Infektiv. Deri më tani në Shqipëri janë shënuar gjithsej 590 viktima dhe 12 mijë e 718 të infektuar aktivë. Në 24 orët e fundit, në vendin tonë janë kryer 2,384 testime, prej të cilave 520 janë testime janë kryer për arsye depistimi dhe 507 qytetarë kanë rezultuar pozitivë me Covid-19. 

Aktualisht në 3 spitalet COVID, po trajtohen 363 pacientë, 18 në terapi intensive, nga të cilët 5 të intubuar. Në 24 orët e fundit janë shëruar 140 qytetarë, duke e çuar numrin e të shëruarve 12,493 që nga fillimi i epidemisë.

(k.m;f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet koronavirusi ne shqiperi mbyllja e dyte ne shqiperi koronavirusi ne shqiperi mbyllja e dyte ne shqiperi

Sondazh

Poll

MË SHUMË