Aktualitet

10 Nëntor 2020, 18:11 Nga DOSJA

TIRANË– Epidemiologu Ilir Alimehmeti është shprehur se masat e marra nuk janë të mjaftueshme për parandalimin e virusit dhe se asnjë element nuk ka arritur nivelin e duhur.

I ftuar në emisionin “Historia ime” në Tv Klan, Alimehmeti foli edhe vetëvrasjet në spitalet ku kurohen pacientët me Covid-19. Epidemiologu tha se kjo gjë ka të bëjë me fenomenin ‘copycat’, që sa më shumë mediat të flasin për diçka, aq më shumë rritet mundësia që edhe pacientët e tjerë të imitojnë të njëjtën gjë në ditët në vijim.

“Kjo duhet parë më gjërë. Vetëvrasjet kanë ndodhur dhe më përpara dhe po ndodhin dhe tani. Duhet të marrim parasysh diçka, ekziston një fenomen që quhet Copycat, sa më shumë flitet nëpër media diçka, aq më shumë rritet risku që ta imitonjë këtë gjë në ditët në vijim dhe sa më shumë të flasim për probleme kaq të rënda dhe ngushëllime shumë familjarëve, duhet të marrim përgjegjësinë të gjithë ne që flasim në media për një rast si vetëvrasja që dikush mund ta imitojë në vijim. Ky është një fenomen që njihet sepse një njeri që është në depresion, nuk i kupton këto fjalë që ne themi. Pra ai sheh aktin dhe ka një risk të madh të ndodhë fenomeni Copycat. E dyta, fillojmë nga terreni. Kemi përgatitur një terren që nga Marsi me një situatë psikologjikisht të rënduar për të gjithë popullatën pa qënë fare i infektuar. Elementi kyç është se ne nxjerrim të gjitha rastet që shkojnë keq, rastet që shkojnë mirë, i themi që janë, por nuk i japim peshën relative që kanë dhe shumica dërmuese e rasteve shërohen dhe shkojnë mirë. Duke qenë se numrat janë shtuar, kjo përqindje sjell numra absolut më të lartë dhe shumë të shtruar në spital,”– tha Alimehmeti

69-vjeçari u hodh mesditën e sotme nga kati i tretë i Infektivit. Ai kishte ardhur dje nga Fieri dhe pas shtrimit në Tiranë kishte marrë vesh që ishte i infektuar me Covid-19. QSUT-ja deklaroi se mjekët po përpiqen ta shpëtojnë, ndërsa ministrja Manastirliu shtoi se nuk i ka munguar ndihma mjekësore, por nuk dinë çfarë e ka shkaktuar pacientin të kryejë këtë akt. Ky është rasti i katërt. Tre të parët janë vetëhedhur nga ballkoni i spitalit “Shefqet Ndroqi” dhe fatkeqësisht kanë ndërruar jetë.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet epidemiologu ilir alimehmeti fenomeni copycat ilir alimehmeti vetëvrasjet tek shefqet ndroqi epidemiologu ilir alimehmeti fenomeni copycat ilir alimehmeti vetëvrasjet tek shefqet ndroqi

Sondazh

Poll

Aktualitet 10 Nëntor 2020, 18:00

TIRANË– Rritja e numrit të të infektuarve me Covid-19, ka bërë që përpara spitalit Infektiv të krijohet një situatë kaotike. Prej ditësh, pacientë dhe fami...

MË SHUMË