TIRANË- Prokurori Dritan Peka, i cili kaloi pak ditë më parë provën e Vetting-ut duket se nuk i ka mbyllur ende llogaritë. Komisioneri Publik ka ankimuar sot vendimin e KPK-së dhe pritet që shumë shpejt të zhvillohet seanca në Komisionin e Posaçëm të Apelimit.
Në një njofim për mediat Komisioneri Publik bën me dije se ka depozituar pranë KPA-së ankimin për vendimin e Komisionit të Pavarur të Kualifikimit. “Pasi shqyrtoi vendimin e mësipërm të Komisionit të Pavarur të Kualifikimit, vlerëson se, bazuar në provat dhe faktet e administruara nga Komisioni i Pavarur i Kualifikimit, subjekti i rivlerësimit, z. Dritan Peka nuk plotëson kushtet për konfirmimin në detyrë”, shtohet në njoftim.
NJOFTIMI I PLOTË
Komisioneri Publik, brenda afatit ligjor, ushtroi ankim në Kolegjin e Posaçëm të Apelimit, pranë Gjykatës Kushtetuese, kundër vendimit nr. 112, datë 4.3.2019, të Komisionit të Pavarur të Kualifikimit, për subjektin e rivlerësimit z. Dritan Peka, prokuror, Drejtues i Prokurorisë pranë Gjykatës së Apelit Tiranë. Komisioneri Publik, pasi shqyrtoi vendimin e mësipërm të Komisionit të Pavarur të Kualifikimit, vlerëson se, bazuar në provat dhe faktet e administruara nga Komisioni i Pavarur i Kualifikimit, subjekti i rivlerësimit, z. Dritan Peka nuk plotëson kushtet për konfirmimin në detyrë.
Nëpërmjet këtij ankimi, Komisioneri Publik kërkon nga Kolegji i Posaçëm i Apelimit të marrë në shqyrtim çështjen në seancë publike dhe, në përfundim të gjykimit, të ndryshojë vendimin nr. 112, datë 4.3.2019, të Komisionit të Pavarur të Kualifikimit, duke vendosur shkarkimin nga detyra të subjektit të rivlerësimit, z. Dritan Peka. Mbështetur në pikën 1, të nenit 16 të rregullores së Institucionit të Komisionerëve Publikë, ankimi është publikuar në faqen zyrtare të këtij institucioni: www.ikp.al
Institucioni i Komisionerëve Publikë është ngritur dhe funksionon në bazë të nenit 179/b dhe aneksit të Kushtetutës së Republikës së Shqipërisë, dhe ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”. Komisionerët Publikë përfaqësojnë interesin publik gjatë procesit të rivlerësimit kalimtar të gjyqtarëve dhe prokurorëve në Republikën e Shqipërisë.
Komisioni i Pavarur i Kualifikimit në datën 4 mars 2019, njoftoi konfirmin në detyrë të drejtuesit të Prokurorisë së Apelit në Tiranë, Dritan Peka. Trupa gjykuese e përbërë nga Roland Ilia, Olsi Komici dhe Lulzim Hamitaj konfirmoi Pekën pasi kishte shtyrë seancën e njoftimit të vendimit ndaj tij për gati dy javë. Po ashtu u vendos kalimi i një praktike punësimi që ishte gjetur si problem për procedim të mundshëm disiplinorë. Dritan Peka e ka filluar karrierën në sistemin e drejtësisë në Shqipëri në vitin 1997. Ai ka punuar si prokuror i Prokurorisë së Tiranës deri në vitin 2008, kur është promovuar si prokuror i Apelit të Tiranës. Ai është drejtuesi i Prokurorisë së Apelit të Tiranës prej vitit 2015.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Vazhdon të prodhojë lajm grabitja spektakolare që ndodhi 10 ditë më parë në aeroportin e Rinasit, ku u morën rreth 10 mln euro në barkun e avionit....
TIRANË– Ministrja e Arsimit, Besa Shahini ka informuar publikun për reduktimin e zyrave arsimore në varësi të fluksit të punës. Në një deklaratë për shtyp ...
DW: Cili është opinioni juaj për situatën në Shqipëri lidhur me të drejtën e pronës? Ju pyes duke patur parasysh që Komisioni Europian ka nxitur, për më shumë s...
Tiranë- Dosja.al mëson se personi i tretë i cili dyshohet se ka marrë pjesë në grabitjen spektakolare të 10 milionë eurove në Rinas është Aleks Pepa. Dyshohet ...
TIRANË- Dy ditë më parë banorët e Bregut të Lumit dolën sërish në protestë për të mbrojtur banesat e tyre.(Lexo këtu) Edhe pse ata bënë rezistencë për disa...
TIRANË– Kreu i Partisë Konservatore, Kujtim Gjuzi, po pret radhën e tij për të marrë mandatin si deputet i Kuvendit. Por mesa duket jeta e tij sentim...
ÇOROVODË: Inspektorati Kombëtar i Mbrojtjes së Territorit ka prishur në pak minuta me shpërthim të kontrolluar një objekt pesë katësh në qytetin e...
TIRANË- Në 20 shtator 2018 Arta Marku vendosi të transferojë disa prokurorë të Krimeve të Rënda, pasi refuzuan të ndiqnin çështjen Shullazi.Ngër&cce...
TIRANE- Dosja.al mëson se një nga grabitësit e Rinasit është Klement Cala, një person me precedent të mëparshëm penalë, i njohur si njëshi i grabitjeve të banka...
ÇOROVODË– Inspektorati Kombëtar i Mbrojtjes së Territorit ka prishur ditën e sotme me shpërthim të kontrolluar një objekt pesë katësh në qytetin e &...