Pas vendimit të Gjykatës së Krimeve të Rënda për të mos zgjatur hetimet për ish-ministrin e Brendshëm Saimir Tahiri, ka reaguar edhe Partia Demokratike.
Përmes deputetit demokrat Flamur Noka, PD shprehet se ky vendim ishte i paralajmëruar. Deputeti Noka, në një dalje për mediet u ka bërë thirrje partnerëve ndërkombëtarë që të reagojnë për garantimin e drejtësisë.
Ai u shpreh se vendimi i sotëm ishte një tjetër goditje për Reformën në Drejtësi, ndërsa ngriti pyetjen: “A kanë udhëtuar me Habilajt gruaja dhe babai i Saimir Tahirit?”
Deputeti Noka akuzoi kryeministrin Rama se po përdor gjykatën për të penguar hetimet ndaj Tahirit, teksa ftoi shqiptarët të bashkohen më 16 shkurt para kryeministrisë për t’i dhënë shans Shqipërisë të bëhet një vend normal, ku drejtësia të jetë e njerëzve të zakonshëm dhe jo e kriminelëve me pushtet
Deklarata e plotë e Flamur Nokës
Sa herë që Saimir Tahiri ka një hall me gjykatat dhe prokurorinë, sistemi i ri i drejtësisë provon se është plotësisht në shërbim të tij. Partia Demokratike ka paralajmëruar se Saimir Tahiri do të shfajësohet nga akuza për trafik droge dhe këtij skenari i shërbeu edhe vendimi i sotëm për të ndërprerë praktikisht hetimet e prokurorisë për Saimir Tahirin.
Fillimisht, Edi Rama përdori parlamentin për të penguar hetimet e grupit të prokurorëve, duke mos dhënë autorizimin për arrestimin e Ministrit të Brendshëm.
Pastaj, përdori Arta Markun për të shpërbërë grupin e prokurorëve, si u faktua, në kundërshtim me ligjin.
Tani, Edi Rama po përdor gjykatën për të penguar vijimin e hetimeve, pikërisht në kohën kur prokurorët presin përgjigje nga Mali i Zi për aktivitetin e Saimir Tahirit dhe lidhjet e tij me grupin e Habiljave. Kjo do të thotë se, nëse brenda 3 javëve Mali i Zi nuk kthen përgjigje, dosja mund të shkojë në gjykatë e paplotë. Sado që drejtësia e kontrolluar nga Edi Rama ta lehtësojë Saimir Tahirin, në dosjen e tij ka faktë të rënda të përfshirjes së familjarëve më të afërt të Saimir Tahirit me grupin e Habiljave. Në vend që Edi Rama t’u thotë shqiptarëve t’i kërkojnë falje Saimir Tahirit, është më mirë të ngarkojë dikë që t’i përgjigjet një pyetje të thjeshtë:
A kanë udhëtuar së bashku me Habilajt, të cilët ai i quan llum, babai dhe bashkëshortja e Saimir Tahirit? Vendimi i gjykatës për të penguar vijimin e plotë të hetimeve vjen pas kërcënimeve publike të pak kohëve më parë të vetë Saimir Tahirit. Me mbështetjen publike të Edi Ramës ai kërcënoi çdo polic, prokuror dhe gjyqtar që të mos guxojnë të vazhdojnë hetimin ndaj tij. Vendimi i sotëm i Gjykatës është një tjetër goditje e rëndë ndaj Reformës në Drejtësi.
Është momenti që partnerët e huaj që i premtuan popullit shqiptar drejtësi të vërtetë dhe kapjen e peshqve të mëdhenj, të mbajnë premtimin dhe të mos lejojnë që një kriminel si Saimir Tahiri të shpëtojë pa u ndëshkuar. Është momenti edhe për të gjithë ata shqiptarë, të cilët duan një drejtësi të barabartë për të gjithë, të mos rrinë më të heshtur! I ftojmë ata që ta bashkojnë zërin e tyre me zërin e mijëra shqiptarëve të tjerë në 16 shkurt përpara kryeministrisë për t’u dhënë shans Shqpërisë të bëhet një vend normal, ku drejtësia është në shërbim të njerëzve të zakonshëm dhe jo të kriminelëve me pushtet.
Kujtojmë që Tahiri është nën hetim për prej tetorit të 2018-ës, pasi akuzohet se ka qenë pjesë e grupit kriminal “Habilaj”, të cilët po gjykohen në Itali.
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Banorët e Astirit kanë vijuar të protestojnë në ditën e 100-të kundër projektit “Unaza e madhe”. Protestuesit kërkojnë jo vetëm dëmshpërblim në vlerë 100% të ba...
Ka dy lloj reagimesh pas vendimit të një gjykate që i ka hequr dënimin e përjetshëm Dritan Dajtit, akuzuar për vrasjen e katër oficerëve të policisë.Reagimi i p...
Partia Demokratike ka reaguar sërish pas deklaratave të ministers së drejtësisë Etilda Gjonaj në lidhje me ndryshimin e dënimit të vrasësit të 4 policëve, nga i...
UNICEF, organizata botërore e mbrojtjes së Fëmijëve ka reaguar pas përdhunimit të të miturës në Kavajë nga 8 djem të moshës së saj. UNICEF, përmes një deklarate...
Një denoncim i hapur për kreun e bashkise së Tiranës, Erion Veliaj dhe strukturat në varësi të tij, ka ardhur nga deputeti i LDK-së në Kuvendin e Kosovës, njëk...
Kreu i Partisë Demokratike, Lulzim Basha ka reaguar ashpër ndaj videos së policit të Malësisë së Madhe, i cili ngacmonte seksualisht një të mitur 15 vjeç...
Lideri i Partisë Demokratike Lulzim Basha është ndalur pasditen e sotme në qytetin e Lushnjës. Gjatë bashkëbisedimit me qytetarët kreu i opozitës premtoi rikhti...
TIRANË– Ishin ditët e fundit të tetorit, kur gjeneral Sandër Lleshi mësoi se kryeministri Edi Rama e kishte zgjedhur për t’a vënë në krye të Ministrisë së ...
TIRANË- Momente “pikante” kanë dalë në media nga oborri i Parlamentit. Deputeti i PS-së, Spartak Braho është fotografuar nga Panorama me kolegen e tij, Klo...
TIRANË- Kryetari i Bashkisë së Tiranës, Erion Veliaj ka reaguar për herë të parë lidhur me ‘shndërrimin’ e terminalit të autobusëve në një qendër tregtare....