Aktualitet

“Të na japin librezat dhe të zhdukemi nga ky vend”/ Naftëtarët e Ballshit me lot në sy: Jemi 1 mijë familje pa bukë

13 Tetor 2020, 09:42 Nga DOSJA
“Të na japin librezat dhe të zhdukemi nga ky vend”/

BALLSH- Ditën e sotme naftëtarët e Ballshit kanë dalë në protestë. Sot ndryshe nga herët e tjera ata kanë kërkuar të marrin librezat e punës dhe “të zhduken” nga ky vend sa më parë.

“Do futemi aty, të vijë pronari. Të na japi liberzat  dhe të zhdukemi nga ky vend, e të mos dukemi më. Kryeministri të mos dali në studio e të thotë mos u mërzisni. Pse i duan nga 3 milionë lekë ata depuetë atje? Pse i duan ata ato lekë? Turpi do t’i mbulojë. Turpi do t’i mbulojë”, tha një prej naftëtarëve.

Ndërsa një tjetër u shpreh: “Janë 1 mijë familje pa bukë. Na mbytën mafiozët. Të vijë këtu kryeministri i Shqipërisë. Të na japi përgjigje”. 

Naftëtarët e Ballshit kanë disa muaj që protestojnë për të marrë pagat e tyre dhe rifillimin e punës,  por zëri i tyre nuk është dëgjuar dhe kështu morën aktin ekstrem. Disa prej tyre ndodhen sot në ditën e 16 e grevës së urisë dhe janë në gjendje të rënduar shëndetësore.

Pas mbylljes së rafinerisë që administrohet nga “Tosk Energji”, janë më shumë se 800 punëtorë që kanë mbetur pa punë.

Disa javë më parë ata protestuan edhe para ministrisë së Infrastrukturës dhe Energjisë, dhe kërkuan takim me ministren Balluku, por kjo e fundit nuk i priti në zyrë.

J.V/Dosja.al 

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet greva e urisë së naftëtarëve greva e urisë së naftëtarëve

Sondazh

Poll