Aktualitet

Atentati ndaj Hasanajt ‘nxjerr rrënjët’, babai i shefit të policisë tregon një konflikt pronësie, xhaxhai i shënjestr

12 Tetor 2020, 19:48 Nga DOSJA
Atentati ndaj Hasanajt ‘nxjerr rrënjët’, babai i shefit

TIRANË– Atentati ndaj shefit të policisë bashkiake Mentor Hasanaj, duket se e ka një pistë. I pyetur nga policia, teksa qëndron i shtruar bashkë me të birin, Xhelal Hasanaj, ka përmendur para hetuesve një konflikt pronësie që familja ka pasur vite më parë.

“Bëhet fjalë për një konflikt të vjetër pronësie,”– ka thënë ai, pa dhënë më tepër detaje. Por kaq ka mjaftuar, që nga ana tjetër, policia të ketë një pistë për të hetuar.

Ndërsa, Nazmi Hasanaj, xhaxhai i kryepolicit të plagosur tha se këtë çështje duhet ta zgjidhë drejtësia dhe se autori i shpallur në kërkim, 19-vjeçari Ilirjan Hasanaj nuk ka asnjë lidhje me fisin e tyre. Hasanaj shtoi gjithashtu se gjendja e dy të plagosurve është e stabilizuar, sipas mjekëve.

“Gjendja është e stabilizuar sipas mjekëve, ne jemi shokuar nga ngjarja, nuk e kemi pritur dhe nuk kemi pasur asnjë konflikt me askënd, jo vetëm si familje por edhe si fis. Në kemi një mbiemër por në Malësinë e Madhe janë 3 fise me të njëjtin mbiemër  dhe as nuk e njohim dhe as nuk kemi asnjë lidhje me autorin. Mentori është marrë sot në pyetje nga inspektorët e policisë po ne realisht nuk dimë gjë. Këto do i sqarojë policia dhe drejtësia që është kompetente për atë punë, ne nuk kemi asnjë argument dhe asnjë fakt që Mentori të ketë pasur probleme me të riun. Nuk kemi pasur asnjë komunikim pasi as nuk e di i kujt është dhe as ku rri. Nuk ka lidhje me gjakmarrjen pasi nuk kemi pasur probleme të tilla,”– tha Nazmiu në një telefonatë për Report TV.

Sot është shpallur në kërkim 19-vjeçari Ilirjan Hasani. Ai akuzohet se ka qenë mbi motor dhe ka qëlluar me breshëri plumbash drejt makinës së policisë bashkiake, brenda të cilës ndodhej shefi Mentor Hasanaj, babai i tij Xhelali dhe e shoqja Vjollca. Kjo e fundit, ishte e vetmja që u shpëtoi plumbave.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet atentat shefit te policise ne malesine e madhe mentor hasanaj vjollca hasanaj xhelal hasanaj atentat shefit te policise ne malesine e madhe mentor hasanaj vjollca hasanaj xhelal hasanaj

Sondazh

Poll

Aktualitet 12 Tetor 2020, 19:33

LUSHNJE- Prej 10 ditësh, Dajana Mita, kjo 22-vjeçare nga Lushnja që shihni në këtë foto, është larguar nga banesa e saj pa lënë asnjë gjurmë. Ishte data ...

MË SHUMË