TIRANË– Këshilli i Emërimeve në Drejtësi, ka skualifikuar 4 aplikantë për garën e emërimëve në Gjykatën Kushtetuese. KED ka bërë me dije me anë të një njoftimi se vetëm Sonila Bejtja mori sot “dritën jeshile” për garën për t’u bërë anëtare në Gjykatën Kushtetuese për vakancën e shpallur nga presidenti Ilir Meta pas largimit të Besnik Muçit si pasojë e Vettingut. Ndërkohë që është skualifikuar Eugen Papandile, sekretari i përgjithshëm e Gjykatës Kushtetuese. Aktualisht gjykata Kushtetuese ka 4 anëtarë, ndërsa funksionimi i saj është një nga kushtet e Brukselit për konferencën e parë ndërqeveritare për çeljen e negociatave me Bashkimin Europian. Politika shqiptare ka premtuar se fundi i këtij viti dhe fillimi i tjetrit do ta gjejnë vendin me Gjykatë funksionale.
NJOFTIM PËR MEDIAN:
Këshilli i Emërimeve në Drejtësi (KED), vijoi këtë të premte, datë 09.10.2020, mbledhjen e tij të radhës, me këtë rend dite:
1. Shqyrtimi i gjetjeve në procedurën e verifikimit për kandidatin për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
– Eugen Papandile
– Sonila Bejtja
2. Vendimmarrja lidhur me lejimin/ndalimin e kandidimit të kandidatëve të mësipërm.
Në mbledhjen e sotme merrnin pjesë anëtarët e KED, anëtarët zëvendësues, përfaqësuesi i Avokatit te Popullit, përfaqësuesit e Presidentit të Republikës, përfaqësuesi i Kryetarit të Kuvendit.
Mbledhja nisi me miratimin e procesverbalit të mbledhjes së datës 05.10.2020.
Shqyrtimi i rasteve të kandidatëve për vendet vakante për gjyqtar në Gjykatën Kushtetuese është vendosur në përfundim të procedurave të verifikimit rigoroz dhe të thelluar të ndjekura nga Këshilli, sipas ligjit dhe standardeve tashmë të njohura e të aplikuara që kërkohen për përzgjedhjen, qenien dhe konfirmimin në detyrën e magjistratit apo anëtarit të Gjykatës Kushtetuese.
Këshilli i Emërimeve në Drejtësi, pasi shqyrtoi aktet dhe procedurën e ndjekur për verifikimin e kandidaturave dhe dokumentacionin e përgatitur lidhur me plotësimin e kushteve ligjore për kandidim, për secilin kandidat të përcaktuar në rendin e ditës, pasi dëgjoi mendimin e Avokatit të Popullit lidhur me procedurën e ndjekur në verifikimin e kandidaturave, unanimisht vendosi:
A. Lejimin e kandidimit të kandidatëve për gjyqtar në Gjykatën Kushtetuese :
1.Sonila Bejtja, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
B . Ndalimin e kandidimit të kandidatëve për gjyqtar në Gjykatën Kushtetuese si më poshtë:
1.Eugen Papandile, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
Vendimet e plota dhe të zbardhura do të publikohen të arsyetuara në faqen elektronike të Gjykatës së Lartë, në pjesën e caktuar për Këshillin e Emërimeve në Drejtësi.
Kandidatët për të cilët është vendosur ndalimi, kanë patur mangësi të një apo disa kushteve të parashikuara nga Kushtetuta dhe ligji. Kandidatët kanë të drejtën e ankimit në Gjykatën Administrative të Apelit, jo më vonë së 5 ditë nga dita e njoftimit të vendimit të arsyetuar.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
ELBASAN– Mbrëmjen e sotme në hyrje dhe dalje të qytetit të Elbasanit janë ngritur pika të shumta kontrolli për kapjen e personave të cilët janë shpallur së fund...
TIRANË- Policia e Shtetit në një reagim të sajin për mediat, ka shkruar se me anë të së, opinioni publik po bombardohet me pamje filmike të viteve të shku...
TIRANË– Dy vëllezërit Duka, Leonardi dhe Erlisi, kryesorët e klanit që organizoi vrasjen e ish-efektivit Santiago Malko, kishin m...
TIRANË– Pamje e siguruara nga kamerat e sigurisë kanë zbardhur ndjekjen e Santiago Malkos nga Blendi Teta dhe anëtarët e klanit D...
FIER- Policia e Fierit ka shoqëruar pesë adoleshentë, të cilët kanë publikuar në rrjetet sociale ku shfaqeshin duke dhunuar një 19-vjeçar disa muaj më pa...
TIRANË– Blendi Teta, i akuzuar tashmë për “vrasje me paramendim” kryer nga grupi i strukturuar kriminal dhe pjesëmarrë...
TIRANË- Ditën e sotme policia e Tiranës ka arrestuar 8 persona, të cilët akuzohen për vepra penale të ndryshme. Blutë bëjnë me dije se në pranga kanë rënë ...
DURRËS– Pesë persona janë arrestuar ditën e sotme në Durrës për vepra të ndryshme penale. Policia ka bërë të ditur se të prangosurit akuzohen për kul...
SHQIPËRI -411 viktima, 5273 të infektuar aktivë dhe 9215 të shëruar. Ky është bilanci i Covid-19 në Shqipëri, që nga fillimi i pandemisë. Ministria e Shënd...
TIRANË- Gjykata ka ndryshuar ditën e sotme masën e sigurisë për Denis Durrësin, i cili ishte me detyrë drejtor i Drejtorisë Ekonomike tek Agjencia Kombët...