Politike

30 Shtator 2020, 10:28 Nga DOSJA

TIRANË- Kreu i Bashkisë së Tiranës, Erion Veliaj deklaroi në emisionin “Wake Up”, në Top Channel, se dy nga çështjet që u zvarritën për faj të politikës ishin projekti i Unazës së Madhe dhe Teatrit të ri Kombëtar.

“Ne, shqiptarët, e kemi të mundur të mos i politizojmë gjërat. Për sa kohë që, tek fusha e futbollit në Laprakë po lozin të majtë e të djathtë, për sa kohë që në Pazarin e Ri bëjnë pazar edhe nënat e majta edhe të djathta dhe për sa kohë tek Liqeni dalin për vrap edhe të majtë edhe të djathtë, do të thotë se është e mundur. Ne shqiptarët, thjesht duhet ta ndajmë mendjen të bashkëpunojmë dhe mos të pengojmë njëri-tjetrin. Ne humbëm tre vite tek Teatri. Ne humbëm tre vite tek “Astiri”. Kjo është arsyeja pse organizova 12 dëgjesa me artistët dhe sot 99% e tyre ranë dakord”, u shpreh Veliaj.

Ai u shpreh më tej se shumë nga ata që dje protestonin, sot kanë pranuar që janë përdorur nga politika.

“Qyteti nuk mund të humbasë më kohë! Kemi organizuar 12 dëgjesa; kam qenë edhe tek dëgjesa kur jam qëlluar me vezë, kam qenë edhe në dëgjesa ku një aktor merrte porosi direkt nga selia e partisë me mesazhe, por s’ka asnjë problem. Njerëzit kanë të drejtë të bëjnë karrierë në politikë, – madje u provua ajo që thashë, që dy organizatorët ishin edhe kandidatë për deputetë, – por, të ngatërrosh politikën me nevojën që ka qyteti për një shtëpi të madhe arti… Shumë prej atyre që protestonin për këndin e lodrave, jo vetëm që janë kthyer sot në miq, por kanë kërkuar ndjesë duke thënë ‘na marrosi politika’”, tha kryebashkiaku.

J.V/Dosja.al 

1 vit nga zgjedhjet e 25 prillit si e shikoni gjendjen e vendit:

View Results

politike politike erion veliaj teatri kombetar unaza e madhe erion veliaj teatri kombetar unaza e madhe

Sondazh

Poll

Politike 30 Shtator 2020, 09:58

TIRANË- Deputeti Damian Gjiknuri iu përgjigj në Komisionin e Ligjeve, batutës së deputetit të opozitës parlamentare, Myslym Murrizi, i cili e quajti “trans...

MË SHUMË