Aktualitet

Ministrja e Mbrojtjes emëron Gjeneralin e Brigadës Ushatarake, Xhaçka: Meritokracia dhe profesionalizmi, guri i themelit për

22 Shtator 2020, 17:47 Nga DOSJA
Ministrja e Mbrojtjes emëron Gjeneralin e Brigadës Ushatarake,

TIRANE– Ditën e sotme është emëruar në pozicionin e gjeneralit të brigadës ushataraku Arben Kingji. Ky lajm është bërë i ditur nga ministrja e Mbrojtjes, Olta Xhaçka e cila ka ndarë disa foto nga emërimi i ish-ushtarakut.

Ajo shkruan se ky emërim është bërë në bazë të meritokracisë, profesionalizmit dhe përkushtimit që Kingji ka treguar.

‘Sot i vendosëm gradën gjeneral brigade një nga ushtarakëve më të spikatur të Forcave të Armatosura. Gjeneral brigade Arben Kingji ka bërë një punë të shkëlqyer kudo ku ka shërbyer si komandant në batalionin Komando, Forcat Speciale, në Policinë Ushtarake, atashe ushtarak jashtë vendit e së fundmi komandant i Batalionit të Mbështetjes së Shtabit të Përgjithshëm të FA. Meritokracia, bazuar në profesionalizmin, pasionin e përkushtimin do të vijojë të jetë guri i themelit për një FA profesioniste e të mirëorganizuar!’- shkruan Xhaçka.

Por, kush është Arben Kingji?

Gjeneral brigade Arben Kingji ka ushtruar edhe detyra të tjera si ajo e atasheut ushtarak të Republikës së Shqipërisë në Rumani. Me herët ai ka qenë edhe komandant i Policisë ushtarake.

Ka kryer Kursin e Shtabit të Përgjithshëm në Akademinë e Mbrojtjes në Tiranë. Kingji ka mbajtur detyrën e komandantit të kontigjentit në disa misione në Afganistan e Irak.

Në vitin 2016 ai përfundoi edhe studimet për drejtësi në Winsdom University. Për kontributet e tij në Forcat e Armatosura, gjenerali Kingji është nderuar me disa medalje një ndër to ajo e Artë e Shqiponjës, dhënë nga Presidenti i Republikës.

(A.B)/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet olta xhacka olta xhacka

Sondazh

Poll