TIRANË– Dita e sotme shënon përkujtimin e viktimave të sistemeve totalitare. Përmes një statusi në rrjetet sociale, kreu i Partisë Demokratike, Lulzim Basha ka përkujtuar këtë ditë të rëndësishme, teksa shkruan se kujtesa dhe respekti për mijëra viktimat e sistemit më të egër komunist në Europë duhet dhe do të jetë pjesë e rëndësishme e historisë moderne të Shqipërisë.
Sipas Bashës, vuajtjet dhe mohimi i të drejtave themelore të shqiptarëve gjatë diktaturës, sakrificat e mijëra familjeve shqiptare në komunizëm janë udhërrëfyesi më i mirë për të vulosur, pas 30 vitesh tranzicion, sistemin e vlerave të demokracisë europiane.
“23 gushti është dita e kujtesës për viktimat e sistemeve totalitare, por dhe paralajmërim për të gjithë ata që keqpërdorin vullnetin e popullit në përpjekje për të rivendosur autoritarizmin. Kujtesa dhe respekti për mijëra viktimat e sistemit më të egër komunist në Europë duhet dhe do të jetë pjesë e rëndësishme e historisë moderne të Shqipërisë. Vuajtjet dhe mohimi i të drejtave themelore të shqiptarëve gjatë diktaturës, sakrificat e mijëra familjeve shqiptare në komunizëm janë udhërrëfyesi më i mirë për të vulosur, pas 30 vitesh tranzicion, sistemin e vlerave të demokracisë europiane. Projekti ogurzi i kthimit pas në epokën e pushtetit absolut, i kontrollit të gjithçkaje në vend nga një grusht pushtetarësh, të lidhur me një grusht oligarkësh dhe kriminelësh, projekti i rrënimit të lirive, demokracisë dhe ekonomisë, si dhe i zbrazjes së vendit, do të marrë përgjigjen e merituar nga qytetarët shqiptarë. Partia Demokratike është në krah të të mbijetuarve dhe familjarëve të viktimave të diktaturës, në krah të rinisë, intelektualëve dhe shtresës së mesme, sipërmarrjes dhe fermerëve shqiptarë, e vendosur për ta shkatërruar projektin e rikthimit të shqiptarëve në një skllavëri kolektive në shërbim të një pakice. Historia e re e Europës është dëshmi e qartë e fundit pa lavdi të çdokujt që është përpjekur të sundojë me forcën e autoritarizmit. I tillë është fundi i këtij projekti, projektuesve dhe ndihmësve të tij. Shqipëria do të jetë si gjithë Europa, demokratike, e lirë, e zhvilluar ekonomikisht, me mundësi dhe shanse për të gjithë shqiptarët,”– shkruan Basha krah një fotoje.
Çfarë është dita Europiane e Përkujtimit të Viktimave të Sistemeve Totalitare?
Dita Europiane e Përkujtimit të Viktimave të Sistemeve Totalitare, e njohur si Dita e Shiritit të Zi në disa vende, e cila zhvillohet në 23 gusht, është dita ndërkombëtare përkujtimore e viktimave të ideologjive totalitare, specifikisht regjimeve komuniste si stalinizmi, nazizmi dhe fashizmi. 23 gushti, u caktua nga Parlamenti Europian në 2008/2009 si “Dita e Kujtimit për të gjithë Europën për viktimat e të gjitha regjimeve totalitare dhe autoritare, për t’u përkujtuar me dinjitet dhe paanësi” dhe është përkujtuar çdo vit nga organet e Europës së Bashkuar që nga viti 2009.
Krijimi i 23 Gushtit si një ditë përkujtimore ndërkombëtare për viktimat e totalitarizmit u mbështet gjithashtu nga Deklarata e Vilniusit e Asamblesë Parlamentare të OSBE-së.
23 Gushti u zgjodh për të përkuar me datën e nënshkrimit të Paktit Molotov-Ribbentrop, një pakt pa agresion i vitit 1939 midis BRSS dhe Gjermanisë naziste që përmbante një protokoll që ndau Rumaninë, Poloninë, Lituaninë, Letoninë, Estoninë dhe Finlandën në Sferat gjermane dhe sovjetike të influencës.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Ish-deputeti i Partisë Demokratike, Ervin Salianji ka akuzuar kryeministrin Edi Rama se nuk e ka mbajtur premtimin e tij për t’u siguruar shqiptarë...
LEZHË– Batuta dhe thumba mes kryebashkiakut të Lezhës, Pjerin Ndreut dhe zv.kryeministrit Erion Braçe. Ndreu postoi një fotot të Shëngjinit gjatë n...
TIRANË– Deputetja e Kuvendit të Shqipërisë, Rudina Hajdari duket se i ka mbyllur pushimet dhe ka nisur përgatitjet për muajin shtator. Në rrjetin e s...
TIRANË– Ish-kryeministri i vendit, Sali Berisha ka publikuar denoncimin e një qytetari, i cili pretendon se efektivëve të Policisë së Shtetit nuk u p...
TIRANË– Ardian Dvorani kërkoi disa ditë më parë rikthimin e tij në Këshillin e Emërimeve në Drejtësi, institucion që dikur e drejtonte vetë ai. Përmes një ...
BERAT– Ditën e sotme, kryebashkiakja e Roskovecit, Majlinda Bufi ka marrë gjithë vëmendjen e mediave, pasi në makinën e institucionit që ajo drejton është gjetu...
TIRANË– Deputeti i Partisë Socialiste, Eljo Hysko është një nga politikanët shqiptarë që u prekën nga pandemia e koronavirusit. Në një intervistë për...
TIRANË– Ish-deputetja e Partisë Demokratike, Jorida Tabaku nëpërmjet një statusi në rrjetin social Facebook ka denoncuar mungesën e investimit nga ba...
TIRANË– Ish-kryeministri Sali Berisha ka bërë publik denoncimin e një qytetari lidhur me rastin e drogës në makinën e kryebashkiakes së Roskovecit, Majlind...