Kreu i Partisë Demokratike, Lulzim Basha ishte sot në Vlorë ku zhvilloi një takim me student dhe pedagogë të Universitetit “Ismail Qemali”. Basha fajësoi qeverinë për gjendjen e arsimit në vendin tonë, por tha gjithashtu se edhe opozita, sipas tij ka ‘mëkatet’ e veta për krizën në arsim.
“Në këtë krizë kemi edhe ne mëkatet tona, sepse në disa raste kemi bërë emërime që nuk kanë pasur lidhje me detyrën që merrnin, apo raste kur janë marrë 3-5 mijë euro për emërime mësues. Këto sdo përsëriten kurrë. Por kurrë s’na e ka marrë mendja se pas 28 vitesh do të vinim në një stad ku për t’u emëruar në arsim duhet të merren injorantë e njerëz me precedentë penalë veç se janë anëtarë të një sekti kriminal si “Rilindja”. Kjo tani është kthyer në rregull, çka ka shkatërruar cilësinë e mësimdhënies dhe besimin e prindërve tek arsimi publik. Së pari, rikthimi tek arsimi cilësor kërkon demilitantizimin dhe demaskarizimin e sistemit arsimor. Esenciale është që ky model i degjeneruar të marrë fund një orë e më parë. Esenciale është që kur themi se arsimi është prioritet, ta trajtojmë si prioritet,”-tha Kreu i Partisë Demokratike.
Më tej ai shpalosi programin e tij për arsimin në Shqipëri dhe foli për protestën e studentëve duke e cilësuar atë si shtysën kryesore të zbardhjes së problemeve të arsimit në vend.
“Unë besoj se vendi s’mund të ketë asnjë të ardhme pa financuar fuqishëm arsimin në Shqipëri. 5 % e financimit për arsimin është një mimimum i minimumeve. Plani ynë për nxjerrjen e arsimit nga kriza përbëhet nga 3 komponentë. Po e nis nga sistemi parauniversitar. Arsimi parauniversitar është përcaktuesi në masën 8-90 përqind i cilësisë së arsimit të lartë që do të merrni në duar. Edhe nëse cilësia e pedagogëve dhe e auditoreve është në shkallën më sipërore, kjo s’është garanci se studenti mund të përfitojë 100 përqind nga kjo cilësi. Pra, kemi të bëjmë me një fushë shumë të veçantë. Nga një anë pa financuar cilësinë e mësimdhënies nuk do kemi produkt, nga ana tjetër financimi në të gjithë zinxhirin është garancia që shoqëria të ecë përpara dhe të ruajë e përmirësojë nivelet e treguesve ekonomikë e kërkimit shkencor e teknologjik. 9 vjeçari dhe i mesmi është në kolaps total,”- vijoi Basha.
Ndër të tjera kreu i opozitës sulmoi kryebashkiakun e Durrësit Vangjush Dakon që sipas tij duhet të ishte në burg.
“Kodi penal i Republikës së Shqipërisë i amenduar pas 17 majit thotë se kush kapet duke vjedh vota: Vendin e ka në burg. Në vend që ta kemi Vangjush Dakon në burg, sot e kemi kryetar bashkie,”– u shpreh Basha.
Kryeopozitari gjatë fjalimit cilësoi kryeministrin Edi Rama si një njeri të pashkollë që kujton se është ‘pashai’ i Vlorës dhe i gjithë Shqipërisë.
“Arsimi do të jetë në një ditë më të zezë nëse vazhdohet me këtë ligj të Arsimit të Lartë, që i vuri kazmën universiteteve publike. Demokratizimi i vendimmarrjes është normë evropiane, është garanci, siç është garanci për shtetin është garanci edhe për universitetin. Siç kemi ardhur sot në këtë ditë këtu, se e gënjen mendja atë që është Pashai i Vlorës dhe i të gjithë Shqipërisë, se ai i di të gjitha, prandaj ai meriton të ketë edhe pushtetin ekzekutiv, edhe parlamentin, edhe gjyqësorin, edhe median, edhe ekonominë.
Edhe po t’i kishte fakultetet intelektuale nuk do të arrinte kurrë ti bënte, lëre më kur kemi të bëjmë me një njeri të mangët, në shkollim, në formim dhe në performancë. Përqendrimi i të gjitha pushteteve në një dorë është fundi i mirëmenazhimit të një sistemi. Prandaj, demokratizimi i sistemit arsimor do të jetë prioritare për ne. Çështjet kryesore të vendimmarrjes do t’u takojnë vetë universiteteve dhe aty ku duhet, do të jenë të përfaqësuar sa duhet edhe student,”– deklaroi ai.
Në fund kryetari i Partisë Demokratike ftoi të gjithë vlonjatët në protestën e 16 shkurtit që opozita do të mbajë në Tiranë.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Akademiku Artan Fuga ka publikuar një shkrim në rrjetet sociale ku ironizon fjalorin e përdorur në seancat e fundit në Kuvend. Në një status në profilin e tij z...
Presidenti shqiptar Ilir Meta thotë se për rastin e Unazës së Re në Tiranë janë ndjekur procedura ekstraligjore që sipas tij nuk tregojnë për një...
Në emisionin “Java në RTSH” kanë qenë të ftuar deputeti socialist Ilir Beqaj dhe sekretari i çështjeve ligjore në PD, Çlirim Gjata. Gjithashtu në ...
Banorët e Astirit kanë dalë sërish mbrëmjen e sotme në prostestë kundër projektit “Unaza e Madhe”. Ata kërkojnë jo vetëm dëmshpërblim në vlerë 100% të banesave ...
Kryeministri Edi Rama ka bërë sot një vizitë në qytetin e Ersekës për të prezantuar projektin e tij “100 fshatrat”. Kjo vizitë nuk kaloi pau komentuar nga ish-k...
Partia Drejtësi Integrim dhe Unitet ka zhvilluar një takim me strukturat e Tiranës. Gjatë takimit, kryetari i PDIU-së Shpëtim Idrizi, i bëri thirrje shqiptarëve...
Pas vendimit të djeshëm të Gjykatës së Krimeve të Rënda për Dritan Dajtin i cili u dënua me 25 vite heqje lirie ka reaguar edhe ish-kryeministrit Sali Berisha.K...
TIRANË- Pas publikimit të pamjeve të familjarëve të të miturës së përdhunuar në Kavajë, ministrja e Shtetit, Elisa Spiropali është shprehur se të gabosh ës...
Kreu i PD-së Lulzim Basha po zhvillon një takim me demokratët e Mirditës. Basha është shprehur se të gjithë duhet t’i bashkohen thirrjes së 16 Shkurtit pasi duh...
KAVAJË- Ditën e djeshme, kryeministri Edi Rama në profilin e tij në Facebbok postoi një video, ku të pranishëm ishin edhe dy prindërit e të miturit e vajzë...