LIBAN- Shpërthimi i fuqishëm në Bejrut më 4 gusht thuhet se ndodhi për shkak të nitratit të amoniumit që ndodhej në një anije.
Kështu së fundmi mediat e huaja kanë zbuluar se cila është historia e anijes, kush ishte destinacioni i saj dhe sa përgjegjës ishin autoritetet duke e ditur rrezikun që mund të kanoste.
Anija, MV Rhosus, ishte nisur nga Tbilisi, Xhorxhia, në fund të shtatorit 2013, ku distancioni i saj ishte Beira, në Mozambik. Anija Rhosus u ndërtua në vitin 1986. Në udhëtimet përreth Mesdheut në fillim të vitit, ajo kishte rënë në duar të inspektorëve. Në korrik të vitit 2013, në portin e Seviljes, inspektorët gjetën 14 mangësi në anije dhe shumë pasiguri. Në anije ndodheshin 3,000 ton nitrat amoniumi me densitet të lartë. Gjatë asaj kohe, Kapiteni Boris Prokoshev dhe disa nga ekuipazhi i tij kishin ngecur në port me muaj.
Nga maji 2012, ajo kishte pronar , Igor Grechushkin, një biznesmen rus me qendër në Qipro. Sipas kontakteve të biznesit, ‘MV Rhosus’ ishte prova e parë e Grechushkin për të drejtuar anijen e tij. Mediat e huaja kanë publikuar dhe dekumentin ku paraqitet fatura e ngarkesës e cila e rendit Rustavi Azot LLC, si kompani që furnizon nitratin e amonit dhe thotë se ajo ka furnizuar dhe një firmë të vogël në Mozambik e specializuar në prodhimin e eksploziv tregtar.
Prokoshev, i cili thotë se u bashkua me Rhosus si kapiten në Turqi, është shprehur për mediate e huaja se anija kishte probleme të dukshme.
Ekuipazhi fillestar i anijes ishte larguar, pasi ata nuk ishin paguar për katër muaj. Sipas Prokoshev, kur anija dhe ekuipazhi i saj i ri arritën në Athinë, ushqimi dhe mallrat e tjera duhej tu ktheheshin mbrapa, sepse pronari nuk mund të paguante për to. Anija kaloi katër javë atje ndërsa pronari shkoi për të paguar tarifat e tranzitit përmes Kanalit të Suezit. Si përfundim anija u desh që të ndalonte në Bejrut pasi nuk mund të vazhdonte rrugëtimin për shkak të rezervave të pakta ushqimore.
Prokoshev tha për mediat e huaja se do të merrte ngarkesë shtesë, një dërgesë e pajisjeve për ndërtimin e rrugëve. Por dikush nuk i kishte bërë llogaritjet si duhet pasi në momentin që ngarkesa u ngjit në kapakët e kuvertës së anijes, ata filluan të zvarriten. Kështu që ata nuk mund ta fusnin atë brenda anijes dhe si përfundim ngarkesa mbeti jashtë.
Pas kësaj ai Prokoshev thotë se ai vendosi të shkojë në Qipro për të zgjidhur gjërat me Grechushkin. Por përpara se Rhosus të mund të largohej nga Beirut, autoritetet libaneze ndërhynë. Sipas bazës së të dhënave të inteligjencës së Lloyd’s List, anija përfundimisht ndaloi rrugëtimin më 4 shkurt 2014, për shkak të faturave të papaguara që arrinin në 100,000 dollarë. Disa anëtarë të ekuipazhit u lejuan të largoheshin, por Prokoshev u urdhërua të qëndrojë, së bashku me kryeinxhinierin e tij.
“Ata nuk u lejuan as të linin anijen. Ata na mbanin si peng,” i tha ai BBC-së.
Prokoshev thotë se ai u përpoq të kërkonte ndihmën e presidentit rus Vladimir Putin, duke i shkruar atij çdo muaj por që asnjëherë nuk mori përgjigje. Ajo tha se kompania e Igor Grechushkin nuk kishte para për të paguar borxhet, as për ekuipazhin, as për portin.
Mediat e huaja shkruajnë se përveç problemeve të mësipërme, ekuipazhi u shqetësua nga fakti se në anijen ‘Rhosus’ kishte një ngarkesë veçanërisht të rrezikshme, nitrat amoniumi. Autoritetet e portit të Bejrutit nuk lejuan shkarkimin e saj nga ajo anije për ta ngarkuar diku tjetër.
Bejruti është kthyer në një qytet fantazmë, pasi të martën në kryeqytetin Libanez, ndodhi një shpërthim i fuqishëm. Shkak i kësaj katastrofe është bërë shpërthimi i 2,750 ton nitrat amoniumi që ishin ruajtur në një mënyrë të pasigurt në një depo për plot gjashtë vite. Deri më tani raportohet për 157 viktima dhe mbi 5 mijë të plagosur. Ndërkohë nën rrënoja ndodhen edhe shumë persona të tjerë. Presidenti i Libanit, Michel Aoun ka bërë me dije se zyrtarët e portit tashmë janë në arrest shtëpie, ndërsa vijojnë hetimet për ngjarjen.
(A.K.dosja.al)
1 vit nga zgjedhjet e 25 prillit si e shikoni gjendjen e vendit:
ANGLI- Histori i trishtë. Scott Miller nga Edinburgu u infektua me COVID-19, por teksa ishte në terapi intesive ai humbi gjithë familjen e tij. Kur u zgjua, 43-...
SHBA- Drejtori amerikan i kundërzbulimit ka shprehur shqetësim për ndërhyrje nga Kina, Rusia dhe Irani në zgjedhjet e 2020.Zbulimi amerikan arrin në përfundimin...
Presidentit amerikan Donald Trump nuk ia kthyen dot mendjen as Republikanët e partisë së tij. As Kongresi. Dhe as letrat që u shkruan amerikanëve kryeministrat ...
KOSOVË– Ish-kryetari i Komunës së Kamenicës, Shaip Surdulli, përmes një shkrimi në llogarinë e tij në Facebbook, ka reaguar pas raportimeve për hyrje...
KOSOVË– Policia e Kosovës ka reaguar pak orë pasi pronari i një restoranti në Kamenicë publikoi videon ku shiheshin xhandarët serbë në territorin e Kosovës...
TIRANË– Pandemia Covid-19 më parë llogaritej me një javë, një muaj por tani, stinë dhe tashmë shpresojmë që nuk do të zgjasë me vite. Tre gjëra që mësuam k...
SHBA– Tuneli që po shikoni në foto është cilësuar si hapja e tokës më e sofistikuar që është përdorur për transportin e lëndëve narkotike. Mediat ndërkomb...
MAQEDONI E VERIUT– Në 24 orët e fundit në Maqedoninë e Veriut kanë humbur jetën dy qytetarë si shkak i koronavirusit.Ndërkohë Ministria e Shëndetësisë ka njoftu...
MAQEDONI E VERIUT– Grupet punuese të të dyja partive, që fituan në zgjedhjet e 15 korrikut (LSDM te maqedonasit dhe BDI te shqiptarët) thonë se angazhohen...
SPANJË– Mbarë bota e njeh Spanjën për festivalin e famshëm të demave, por gjatë pandemisë së koronavirusit ky sport kaloi një periudhë pushimi, sikurse ndo...