Bota

Hoti i kthehet Vetëvendosjes: Qeveria rrëzohet nga brenda e jo nga opozita, fokusi jonë është luftimi i pandemisë

7 Gusht 2020, 06:02 Nga DOSJA
Hoti i kthehet Vetëvendosjes: Qeveria rrëzohet nga brenda e jo nga

KOSOVË– Kryeministri i Kosovë, Avdullah Hoti ka deklaruar se Lëvizja Vetëvendosje nuk i ka votat për të rrëzuar qeverinë e tij. Ai theksoi se një qeveri rrëzohet nga brenda dhe jo nga opozita.

“Qeverinë nuk e ka rrëzuar asnjëherë opozita. Ajo rrëzohet nga brenda. Opozita nuk i ka votat. Kemi nevojë të shqyrtojmë shumë çështje brenda koalicionit. Po punojmë për marrëveshjet e brendshme. Fokuset tona janë luftimi i pandemisë dhe rimëkëmbja ekonomike”, tha ai.

Hoti gjatë fjalës së tij foli edhe për debatin me deputeten e VV-së, Mimoza Kusari. Ai theksoi edhe njëherë se i ka respektuar të gjitha masat për COVID-19.

“Unë i kam respektuar plotësisht protokollet. Nuk kam pasur asnjë shenjë më herët përveç një kollë shumë të lehtë. Më kanë rekomanduar testin, ndërsa menjëherë kam shkuar në shpi dhe jam izoluar”, tha ai.

Një ditë më parë, Lëvizja Vetvendosje në Kosovë kërkoi rrëzimin e Qeverisë së Avdullah Hotit me mocion mosbesimi. Ky  lajm u bë i ditur nga shefi i Grupit Parlamentar të LVV-së, Rexhep Selimi, i cili përmes një  konference për mediat tha se VV-ja ka nisur mbledhjen e firmave për shkarkimin e qeverisë.

J.V/Dosja.al 

1 vit nga zgjedhjet e 25 prillit si e shikoni gjendjen e vendit:

View Results

rajoni rajoni avudllah hoti vv mocionin mosbesimi ndaj hotit avudllah hoti vv mocionin mosbesimi ndaj hotit

Sondazh

Poll