KUKËS -Për të apasionuarit pas hiking dhe natyrës ekziston një shteg i ri për ecje me distancë të gjatë, por edhe me një natyrë të virgjër. Bëhet fjalë për Shtegun e Ngjyrave, i cili është pjesë i Parkut Natyror Korab-Koritnik. Ky shteg kalon nga bjeshkët e Çajës të Kukësit dhe vazhdon deri në Fushën e Korabit. Afër këtij shtegu ndodhet edhe trekëndëshi ndërkufitar Kosovë-Shqipëri-Maqedoni e Veriut.
Ekzistojnë disa shtigje lidhëse dhe pika dalëse që çojnë në zona të banuara, që shoqërohen me nivele të ndryshme vështirësie për ecje. Seksioni më i madh i shtegut, rreth 150 km, është në territorin shqiptar ku kalon nëpër Parkun e Natyrës Korab-Koritnik të njohur si një luginë alpine dhe habitat i shumë kafshëve të egra. Pamja që e rrethon është vërtetë magjike dhe për rreth 7 orë ecje ky shteg do t’ju lëri me gojë hapur. Sezoni i verës është dhe më i bukuri për ta vizituar pasi shumëllojshmëria e luleve të kësaj zone e kthejnë atë në një parajsë të vogël në tokë.
Ekosistemi natyror malor “Parku natyror Korab – Koritnik “, ka një sipërfaqe prej 55,520 ha, apo 555, 5 kilometër katror, pjesë e Rajonit Alpin, i përfshirë në rajonet e Kukësit dhe Dibrës. Vargmali Koritnik – Gjallicë – Korab, është i vendosur në pjesën verilindore të territorit shqiptar dhe shtrihet nga kufijtë me Kosovën, deri në malin e Deshatit, në pjesën jugore të vendit, duke u kufizuar me Maqedoninë. Ai është pjesë e rajonit Malor Qendror, të ashtuquajtur Alpet Shqiptare Lindore. Masivi në fjalë ka shumë maja malesh të ndërprera herë pas here nga tektonika radiale, që përfundojnë në formën e grykave apo të luginave.
Habitati më i bollshëm brenda zonës janë kullotat natyrore, tokat e mbuluara me shkurre dhe barishte. Pyjet e ndodhura kryesisht në pjesën veriore të parkut mbulojnë një sipërfaqe të konsiderueshme. Zonat bujqësore janë zakonisht të vendosura pranë fshatrave të banuara. Habitatet e kullotave dhe livadheve, janë gjithashtu të pranishme në zonë. Zonat shkëmbore malore mbulojnë një pjesë të konsiderueshme të parkut natyror dhe janë me mungesë, ose me mbulesë bimore të pakët.
(g.sh./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kallëzime të reja janë shtuar në adresë të mbesës së ish-prokurorit të Përgjithshëm, Adriatik Llallës, Ilda Kërkapit. Pas dy oficerëve të Policisë ...
POGRADEC-Në Pogradec është shënuar një rast i ri me COVID-19. Mësohet se i infektuari është punonjës i Urbanistikës në bashkinë e qytetit.Më rastin e fundit shk...
TEPELENË -Në Tepelenë ditën e sotme u konfirmuan 7 raste pozitive me COVID-19. Ka dyshime se të 7 personat janë infektuar gjatë një dasme në Tiranë. Mësohe...
VLORË- Detaje të reja kanë dalë në dritë në lidhje me djegien e mjetit luksoz mëngjesin e sotëm në Lungomare në Vlorë. Mësohet se personi që i ka vënë flak...
A ju kujtohet Qazim Ismaili, i cili prej 5 vitesh punonte si pompist në një karburant, pranë shtëpisë së tij në Vorë, por që u pranua si vullnetar nga qeveria s...
TIRANË- Katër persona kanë ndërruar jetë nga koronavirusi në Shqipëri, ndërsa 119 raste të reja janë identifikuar si të infektuar nga pandemia. Ministria k...
TIRANË -Gjykata e Posaçme ka dhënë masat e sigurisë për personat e akuzuar për vrasjen e vëllezërve Besmir dhe Viktor Haxhia në Durrës. Mësohet se p...
ELBASAN- ABC News siguron videon e ekzekutimit të 39-vjeçarit Emiljano Ramazani, ngjarje e ndodhur një ditë më parë në Elbasan. Në pamjet e filmike duke ...
TIRANË- Top Channel ka fituar betejën ligjore gati dy vjeçare me “Telemetrix”, kompaninë fantazmë të matjes së audiencës televizive në S...
