TIRANË- Top Channel ka fituar betejën ligjore gati dy vjeçare me “Telemetrix”, kompaninë fantazmë të matjes së audiencës televizive në Shqipëri. Sipas vendimit, gjykata e shkallës së parë ndalon kategorikisht këtë kompani të masë audiencën televizive të Top Channel dhe të Vizion Plus. Gjithashtu, gjykata ka vendosur që “Telemetrix” do të dëmshpërblejë me një shumë të konsiderueshme Top Channel për dëmin e shkaktuar si dhe do të paguajë të gjitha shpenzimet gjyqësore.
Kjo kompani, në mënyrë të njëanshme, të paplotë, të pasaktë dhe pa logjistikën e duhur, nxirrte raporte me të dhëna rreth audiencës televizive të Top Channel. Kompania “Telemetrix”, një nga dy kompanitë që mat audiencën me aparatura të pa kontrolluara dhe akredituara nga organet shtetërore, vazhdonte të maste audiencën e Top Channel, megjithëse Gjykata e Shkallës së Parë dhe Apelit urdhëroi pezullimin e matjes.
Kambanën e alarmit për pabesueshmërinë e kësaj kompanie e ka ngritur edhe një raporti i Këshillit të Europës që thotë se ka dyshime se Telemetrix mund të manipulojnë qëllimisht të dhënat kundrejt pagesave.
Studimi, i kryer nga një prej ekspertëve më të njohur në botë të kësaj fushe, ka dalë në përfundimin se kompanitë që masin audiencën televizive në Shqipëri, përdorin sisteme me kufizime të mëdha dhe nxjerrin të dhëna me besueshmëri të ulët.
Me kërkesë të AMA-s, Këshilli i Europës caktoi një ekspert që bëri verifikime në terren. Ivor Millman ishte te kompanitë që pretendojnë se masin audiencën në Shqipëri.
“Takimi im me ‘Telemetrix’ tregoi një sistem me kufizime të konsiderueshme, panel relativisht i vogël (rreth 375 shtëpi); i kufizuar në mbulim gjeografik, matje e televizorëve, por jo njerëzve; matje përgjithësisht e vetëm një televizori në çdo familje, si dhe pikëpyetje në lidhje me çështje teknike.”, thotë Ivor Millman në raport.
Për këtë arsye, raporti vëren se matjet e audiencës nga këto kompani janë tërësisht të pabesueshme.
Abuzimi prej vitesh
Matja e audiencës së televizioneve në Shqipëri është një problem i hershëm. Megjithëse kanë kaluar shumë vite, ende sot e kësaj dite, nuk kemi asnjë institucion shtetëror që të masë sa shihen televizionet shqiptare, kush është i pari, i dyti apo kështu me radhë.
Gjatë kësaj kohe, janë ngritur disa shoqëri private, të cilat pa asnjë bazë ligjore, por edhe të pa kontrolluara nga shteti, ashtu si edhe aparaturat e tyre nuk janë licencuara apo akredituar, kanë matur audiencën e televizioneve që xhirojnë miliona euro paga për punonjës, shpenzime të tjera, apo të ardhurat nga reklama. Askush prej institucioneve shtetërore, si AMA apo AKEP-i, nuk i kontrollon këto shoqëri private.
Pak kohë më parë “Fiks Fare” publikoi një hulumtim të plotë që tregoi se kjo kompani nuk ka asnjë investim në teknologji që mundëson matjen e audiencës, si dhe ka konflikte të drejtpërdrejta interesi, pasi drejtuesit punojnë në shoqëri marketingu.
(Marrë nga Shqip)
1 vit nga zgjedhjet e 25 prillit si e shikoni gjendjen e vendit:
TIRANË- Policia e Tiranës ka reaguar për ngjarjen e ndodhur sot paradite në Laprakë, ku u vendos një sasi tritoli në hyrje të banesës së Gjergji Llazi. Në ...
TIRANË– Alket Brata, 23-vjeçari që akuzohet se ka abuzuar seksualisht me 17-vjeçaren në Krujë dhe i ka vendosur tritolin në banesë do të qënd...
FIER- Punimet në një rrugë kanë zbuluar sot disa granta që mendohet se ‘flinin’ aty për dhjetëra vite. Sipas informacioneve mësohet se grantat janë zbuluar gjat...
TIRANË- Mjeku Alban Ylli ka qenë sot në studion e lajmeve të Fax News ku ka folur lidhur me studimin e bërë në Tiranës, përmes testimeve sereologjike, ku k...
FIER– Prokuroria e Fierit ka kërkuar dënim me burg të përjetshëm për Abert Zekajn, 36-vjeçarin që vrau me çekiç shokun e tij Kreshnik...
TIRANË- Kompozitori i njohur, Robert Radoja, ka dalë sot në protestë dhe kundërshton vendimin e qeverisë për ndalimin e muzikës pas orës 20:00. Në një dekl...
TIRANË- Artistët, qytetarët dhe pronarët e bizneseve që preken nga Akti Normativ që ndalon muzikën pas orës 20:00 dhe punën e klubeve gjatë natës, po vijoj...
TIRANË– Dy persona, të cilët ishin shpallur në kërkim kombëtar, javë në në pranga. Sipas njoftimit të policisë, mësohet se në pranga është vënë 38-vj...
TIRANË– Gjin Gjoni, gjyqtari i Apelit Tiranë ka dorëzuar dorëheqjen e tij në Këshillin e Lartë Gjyqësor. Dosja.al mëson se gjyqtari Gjoni është shprehur s...